სერიალი გვირგვინი, რომელიც გაერთიანებული სამეფოს დედოფალ ელიზაბეტის მმართველობის ადრეულ ხანაზე მოგვითხრობს, ბრიტანული პროდუქტია, რომლის მსოფლიოში დისტრიბუციას Netflix უზრუნველყოფს. მან მოახერხა და პირველი სეზონის გადაღებაზე დახარჯული უპრეცედენტო, 130 მლნ $-ით მეორე ადგილი დაიკავა კომპანიის ყველაზე ძვირადღირებულ სერიალებში.
რასაკვირველია, მაღალი ბიუჯეტის განსაკუთრებული ნაწილი კოსტიუმებზე იხარჯება. გადამღები ჯგუფი დიდ ყურადღებას აქცევს ისტორიულ სიზუსტეს და შესაბამისად, განსაკუთრებულ ფინანსურ და ადამიანურ რესურსს ხარჯავს დედოფლის ახალგაზრდობის დროინდელი ტანისამოსისა და გარემოს შექმნაზე.
უფრო ახლოდან გავეცნოთ იმ საინტერესო დეტალებს, რომლებიც უფრო მეტს მოგვიყვება “გვირგვინზე” და მის შესანიშნავ კოსტიუმებზე.
თუ არსებობს რამე, რაც გვირგვინის მსახიობების ბრწყინვალე თამაშს ჯობია, ეს ამავე სერიალის გასაოცარი კოსტიუმებია.
2017 წელს სერიალმა კოსტიუმების კატეგორიაში “ემი” დაიმსახურა.
მეორე სეზონში გამოყენებული კოსტიუმები ნებისმიერ მსურველს შეუძლია დაათვალიეროს ახალ მედიაგამოფენაზე სახელწოდებით: “გვირგვინი: სამეფო სამყაროს წარმოდგენა”.
ამ გამოფენასთან დაკავშირებით, გვირგვინის მეორე სეზონის კოსტიუმების დიზაინერი ჯეინ პეტრი მედიას შემდეგ დეტალებზე ესაუბრა. მისგან სერიალის თაყვანისმცემელმა მრავალი საინტერესო დეტალი შეიტყო.
1. პრინცესა მარგარეტის საიუბილეო კაბა მთლიანად ხელითაა მოქარგული.
ვინაიდან კოსტიუმების დიზაინერებს რეალური კაბის ფიზიკურად ნახვის საშუალება არ ჰქონდათ, დიზაინის ფოტოებიდან გადმოღება მოუწიათ.
2. რაც შეეხება სამკაულს, სერიალში ნამდვილი ძვირფასეულობის ასლებია გამოყენებული.
“რასაკვირველია, რეალური სამკაულების გამოყენება არ შეგვეძლო. სპეციალური კომპანიისგან ვიქირავეთ ასლები. უმეტესობა ძველი ასლებია”, – განაცხადა კოსტიუმების დიზაინერმა.
ასლების გამოყენებას ის უპირატესობა აქვს, რომ ბიჟუტერია ეკრანზე ძალიან მიმზიდველად გამოიყურება.
“კინოფილმში ნამდვილი ბრილიანტებიც გადაგვიღია, მაგრამ ისინი კადრში ისე ბრწყინავენ, რომ მონტაჟისას ტონი უნდა დაუკლო, რომ რეალისტურად გამოიყურებოდნენ. რაც შეეხება ბიჟუტერიას, ისინი ეკრანზე მართლა იდეალურად გამოდის”.
3. კაბა, რომელიც ელიზაბეთს ელჩების მიღებაზე აცვია, სცენარში გვიან ჩამატებული ეპიზოდის გამო სასწრაფოდ შეკერეს და მოზომებისთვის დრო ფაქტობრივად არ ჰქონიათ.
საბედნიეროდ, გვირგვინის ოსტატ მკერავს კლერის (კლერ ფოი) აღნაგობა კარგად ახსოვდა და სასწრაფოდ, ყოველგვარი მოზომების გარეშე გამოჭრა თარგი და მართლაც იდეალური კაბა შეკერეს.
4. სისწრაფის გამო დიზაინერებს ზომების გარეშე მოუხდათ მარგარეტის საქორწინო კაბის შეკერვაც.
5. კოსტიუმერებმა ელიზაბეთის ლურჯი კაბის ორი ვერსია შექმნეს.
თავდაპირველად ნაჩქარევი, შემდეგ კი უფრო დეტალიზებული.
6. კლერ ფოი ახალგაზრდა დედოფალზე გამხდარია, ამიტომ კაბებს შიგნიდან დამატებით სისქეს აყოლებდნენ.
7. ჟაკლინ კენედის კაბის შეკერვისას კი დიზაინერებს გაცილებით მეტი თავისუფლება მისცეს, რადგან ჯეკისა და ელიზაბეთის “ლუქი” კონტრასტული უნდა ყოფილიყო.
“გვინდოდა, დედოფლის პომპეზური კაბისა და ძვირფასი სამკაულის საპირისპიროდ, ჟაკლინს მარტივი თარგის, უპრეტენზიო კაბა სცმოდა”.
8. ამ კაბისთვის განკუთვნილი მოსაცმელისთვის დიზაინერებს საკუთარი წარმოსახვის მოშველიება დასჭირდათ, რადგან ისტორიულად ჟაკლინის კაბას მოსაცმელი არ ჰქონია.
9. რაც შეეხება ჟაკლინის ცნობილ ვარდისფერ კოსტიუმს, ხელოვნური სისხლი, რომელიც გადამღებმა ჯგუფმა გამოიყენა, ვერა და ვერ ამოიყვანეს, ქიმწმენდითაც კი.
10. დიზაინერებს მარგარეტის ამ ჭრელი პალტოს ასლისთვის, რომელიც ვანესა კირბის დუბლიორს უნდა სცმოდა, საკმარისი შალი არ ჰქონდათ, ამიტომ ჩვეულებრივი პალტოს გადაღებვა მოუწიათ.
11. სინამდვილეში, ვანესა კირბი პრინცესა მარგარეტზე გაცილებით მაღალია.
“ვანესა რომ მარგარეტის სიმაღლისა ყოფილიყო, ჭრელ შალის პალტოს არავითარ შემთხვევაში არ ჩავაცმევდით, რადგან არ მოუხდებოდა”, – განაცხადა დიზაინერმა.
12. კოსტიუმების უმეტესობა სერიალში ერთადერთხელ ჩნდება.
13. თუმცა მამაკაცების რამდენიმე კოსტიუმის ხელახლა გამოყენება შესაძლებელია, რაც დიზაინერებს საქმეს უმსუბუქებს.
14. “მრავალჯერადია” ელიზაბეტის ყოველდღიური ჩასაცმელი.
15. დროის კონკრეტული პერიოდისა და მსახიობის ფეხის ზომა ფეხსაცმლის შოვნა ან შექმნა ერთ-ერთი ყველაზე რთული ამოცანაა.
“ფეხსაცმლის საკითხი მართლაც რთულადაა. მსახიობების უმეტესობას დიდი ზომის ფეხი აქვთ, მაშინ როცა ძველებური ფეხსაცმელი ძირითადად პატარა ზომები იშოვება. არადა, ფეხსაცმელი და ქუდი აუცილებლად იმდროინდელი უნდა იყოს. ახალი შეკერილი გაცილებით ყალბად გამოიყურება”.
