ეჭვგარეშეა, რომ მეგი სმიტი თანამედროვეობის ერთ-ერთი ყველაზე ნიჭიერი მსახიობია. საბედნიეროდ, მის ტალანტს კინოსამყაროში შესაბამისად აფასებენ კიდეც – ის 2 ოსკარის, 3 ოქროს გლობუსის, 4 ემის და კიდევ არაერთი ჯილდოს მფლობელია.
ამ ყოველივეს მიუხედავად, მაყურებლის უმრავლესობა მას ჰარი პოტერში შესრულებული პროფესორ მაკგონაგელის როლით იცნობს. სწორედ ამ ფაქტის გამოსასწორებლად, გთავაზობთ მეგის ფოტოისტორიას მისი კარიერის ადრეული ეტაპების შესახებ:
მარგარეტ ნატალი სმიტი 1934 წლის 28 დეკემბერს, ბრიტანეთში დაიბადა. 16 წლის ასაკში ის ოქსფორდის სკოლაში არქიტექტორის პროფესიას ეუფლებოდა, თუმცა მოულოდნელად გადაწყვეტილება შეიცვალა და სამსახიობო ხელოვნების სწავლა გააგრძელა.
ძალიან მალევე მან პირველი როლი შეასრულა ოქსფორდის თეატრალურ დადგმაში “მეთორმეტე ღამე”, სადაც ვიოლას განასახიერებდა. 1956 წელს კი სცენიდან კინოში გადაინაცვლა და ეპიზოდური როლი შეასრულა ფილმში “ბავშვი სახლში”.
1965 წელს მეგიმ კარიერის ერთ-ერთი ყველაზე მნიშვნელოვანი როლი მიიღო და უილიამ შექსპირის „ოტელოს“ ეკრანიზაციაში დეზდემონა განასახიერა.
შეიძლება ითქვას, რომ მეგი თანაბარი წარმატებით მოღვაწეობს როგორც კინოში, ასევე თეატრსა და ტელევიზიაშიც.
თავისი კარიერის მანძილზე ის სხვადასხვა დაჯილდოებაზე 95 ნომინაციაზე იყო წარდგენილი და მათგან 46-ში გამარჯვება მოიპოვა.
