როგორც ცნობილია, კამპანიების: #metoo-ს და ახლად დაწყებული Time’s Up-ის ფარგლებში აქტივისტებმა ოქროს გლობუსის დაჯილდოებაზე შავი ფერის სამოსით მისვლა გადაწყვიტეს, რითაც ქალების მიმართ განხორციელებულ ძალადობას გააპროტესტებდნენ. მართლაც, წლევანდელ წითელ ხალიჩაზე შავი ჭარბობდა.
გარდა შავი ფერის ტანსაცმლისა, ვარსკვლავები დაჯილდოებაზე მისულ ქალების უფლებათა დამცველებს შეუერთდნენ და წითელ ხალიჩაზე მათთან ერთად პოზირებდნენ. ერთ-ერთი მათგანი მერილ სტრიპიც გახლდათ, რომელიც დიასახლისთა ეროვნული ასოციაციის დირექტორთან, აი-ჯენ პუსთან ერთაც გამოჩნდა წითელ ხალიჩაზე:
68 წლის მსახიობი მხატვრული ფილმის (დრამის) კატეგორიაში მსახიობი ქალის საუკეთესო ნომინაციაში იყო წარდგენილი ფილმისთვის The Post.
ქალთა უფლებებისთვის მებრძოლ აქტივისტებს შეუერთდნენ ლორა დერნი და ზოე კრავიციც.
შავი სამოსი ეცვა ეიმი პოლერსაც, რომელიც ინდოელ-ამერიკელ ადვოკატსა და შრომეის უფლებების აქტივისტთან, სარუ ჯაირამანთან ერთად გამოჩნდა.
მთლიანობაში, წითელ ხალიჩაზე 30-ზე მეტი ვარსკვლავი გამოცხადდა შავ კაბაში.
