სამეფო კარის თამაშების უკანასკნელი სეზონის პრემიერის შემდგომ ეიფორიას არ გადაუვლია და მორიგი, მე-2 ეპიზოდის გამოსვლამდე ალბათ არც გადაივლის. მე-8 სეზონის პირველ სერიას მთელი მსოფლიო განიხილავს, კამათობს და ხუმრობს კიდეც მასზე (სანამ სახუმაროდ საქმე აქვს), თუმცა ჩვენ დღეს გადავწყვიტეთ, საინტერესო ფაქტებით დახუნძლული კიდევ ერთი სტატია შემოგთავაზოთ. სერიალის შესახებ მნიშვნელოვანი ფაქტები და დეტალები არაერთხელ წარმოგვიდგენია, თუმცა, დაგვეთანხმებით, ეს სამყარო ამოუწურავია. რა დეტალები იმალება საკულტო სცენების მიღმა, როგორ ერთობიან, რას საქმიანობენ ან საქმიანობდნენ საყვარელი როლების შემსრულებლები… – წარმოგიდგენთ ფაქტებს, რომლებიც ამ საკულტო სერიალის ნამდვილმა მოყვარულებმა უნდა იცოდნენ.
1. მთელი მსოფლიოს მასშტაბით სულ უფრო და უფრო მეტ ახალდაბადებულ ბავშვს არქმევენ სამეფო კარის თამაშების პერსონაჟების სახელებს.
2. “ცხენის გული”, რომელსაც დენერისი ჭამს, სინამდვილეში თითქმის კილოგრამ-ნახევრიანი ჟელესებრი ნივთიერებისგან დამზადებული რეკვიზიტი იყო.
3. პიტერ დინკლეიჯი ვეგეტარიანელია. ყოველი “ხორციანი კერძი”, რასაც ის მიირთმევს, ნამდვილი არ არის.
4. ბრონის როლის შემსრულებელი ჯერომ ფლინი 90-იან წლებში დუ-ვოპ დუეტში მღეროდა – სახელად, “რობსონი და ჯერომი” (Robson and Jerome). ამ დუეტის სამმა სინგლმა თავის დროზე დიდ ბრიტანეთის ჩარტებში პირველი ადგილიც კი დაიკავა.
5. მსახიობი, რომელიც ჩრდილოეთით მოგზაურობისას ბრანის თანმხლების, 13 წლის ჟოჟენ რიდის როლს ასრულებს, გადაღებისას სინამდვილეში 23 წლის იყო.
6. ბრიტანელი მსახიობი ტომას ბროდი-სანგსტერი ცნობილი ბავშვია ფილმიდან რეალური სიყვარული.
7. დოთრაკული ენა საგანგებოდ შოუსთვის შექმნეს და მისი ლექსიკონი 3,000-ზე მეტ სიტყვას შეიცავს. ამ ენის ლექსიკის ნაწილი ოფისის პერსონაჟის, დუაიტ შრუტეს ენას ეფუძნება.
8. სულ სხვა ჰოდორი:
აქვე: არია და ჰოდორი დიჯეის ამპლუაში
9. შოუს თავდაპირველი პილოტი ახლანდელისგან რადიკალურად განსხვავდება. მასში რამდენიმე მთავარ როლს, მათ შორის, დენერისს, სხვა მსახიობი თამაშობდა. შოურანერების აზრით, ის უბრალოდ საშინელება იყო (კიდევ კარგი, დაიწუნეს). ამ პრომო პოსტერის შემხედვარეები, ძნელია მათ არ დავეთანხმოთ:
10. ჯოფრი ბარათეონის როლის შემსრულებელი ჯეკ გლისონი ფილმში ბეტმენი: დასაწყისი თამაშობს.
11. დენერისის როლის შემსრულებელი ემილია კლარკი ბუნებრივად ყავისფერთმიანია და როლში პარიკს ატარებს, სამაგიეროდ, სანსა სტარკის როლის შემსრულებელი სოფი ტერნერია ბუნებრივად ქერა.
12. საგის ავტორმა ჯორჯ რ. რ. მარტინმა შოურანერებს, დ.ბ. ვაისსა და დევიდ ბენიოფს გაუმხილა, თუ როგორ აპირებს სერიის დასრულებას – იმ შემთხვევისთვის, თუ ამ დრომდე ვერ იცოცხლებს. მაგრამ მანამდე მათ მოსთხოვა, ჯონ სნოუს დედის ვინაობა გამოეცნოთ.
13. მსახიობების დიდ ნაწილს წიგნების წაკითხვა ეკრძალებათ, რათა მათი პერსონაჟის ბედის ცოდნამ მათ თამაშზე არ იმოქმედოს.
14. რობერტ ბარათეონის სახელგანთქმული ღიპი მთელი თავისი დიდებულებით პირველად მიუზიკლ The Full Monty-ში გამოჩნდა.
15. შოუს პირველი ეპიზოდის გამოსვლიდან მალევე ჯეკ გლისონმა ჯორჯ მარტინისგან წერილი მიიღო: “გილოცავ, ყველას ეზიზღები!”
16. აი, ასე გამოიყურება ქოფაკი წვერისა და დამწვრობის გარეშე:
17. შოტლანდიელი მსახიობი რორი მაკკენი სანდორ კლიგეინის როლამდე დიდი ხნით ადრე ერთ საინტერესო რეკლამაშიც მონაწილეობდა.
18. ხმის ინჟინრებმა დრაკონების ღრიალის გასახმოვანებლად სხვა ცხოველების ხმიანობასთან ერთად კუების სექსის დროს გამოცემული ხმებიც გამოიყენეს.
19. შეიძლება უკვე იცით, რომ ჰოდორის როლის შემსრულებელი დიჯეია, მაგრამ ის თუ იცოდით, რომ ჯეიკობ ანდერსონი, იგივე რუხი მატლი მუსიკოსიც არის?
20. გრანდ მაისტერ პაიცელის როლის შემსრულებელი ჯულიან გლოვერი ორ ცნობილ სათავგადასავლო ფენტეზიში ჩნდება: ვარსკვლავური ომები: იმპერიის საპასუხო დარტყმა და ინდიანა ჯონსი და უკანასკნელი ჯვაროსნული ლაშქრობა.
ნიკოლაი კოსტერ-ვალდაუ კი შავი ქორის დესანტში თამაშობს.
და ბოლოს, ბონუსი:
პიტერ დინკლეიჯი, მიუხედავად იმისა, რომ სერიის ავტორს ტირიონის როლზე სხვა ვერავინ წარმოედგინა, დარწმუნებული არ იყო, რომ ფენტეზი შოუში თამაში სურდა. მსახიობის თქმით, მას “რეალური ადამიანების” განსახიერება უფრო მოსწონდა.))
