კომპანია ScriptBook-მა ისეთი პროგრამა გამოიგონა, რომელიც ფილმის წარმატებას იწინასწარმეტყველებს კინოგაქირავებაში. ერთ-ერთი გამომგონებლის თქმით, თუკი Sony ალგორითმს მიანდობდა, თუ რა ფილმები ჩაეშვა გაქირავებაში 2015-2017 წლებში, კინოსტუდია მნიშვნელოვან ფულს დაზოგავდა.
კარლოვის მრავალფეროვნების საერთაშორისო კინოფესტივალის ფარგლებში პროგრამის პრეზენტაციისას ითქვა, რომ ალგორითმმა Sony-ის გამოშვებული ფილმები გააანალიზა და 22 მათგანი, რომელიც გაქირავებაში ჩავარდა, გამორიცხა. დასახელებულ პერიოდში Sony-იმ 62 ფილმი გამოუშვა და 32-მა მათგანმა ფინანსების მხრივ, არ გაამართლა.
სისტემა ძალიან მარტივად მუშაობს: მომხმარებელი მასში პდფ ფაილში დაწერილ სცენარს ტვირთავს და ხუთი წუთი ელოდება. ხუთი წუთის გასვლის შემდეგ, ეკრანზე ჩნდება დეტალური ანალიზი, რომელიც აფასებს ასაკობრივ რეიტინგს, პერსონაჟებს და მათ ემოციებს, გმირებს და ბოროტმოქმედებს და წინასწარ იცნობს აუდიტორიის მომხმარებელთა სქესს, ასაკს და ეთნოსს. საერთო ჯამში, ყველა ამ პარამეტრიდან გამომდინარე, პროგრამა ასკვნის რამდენად წარმატებული იქნება ფილმი.
რა თქმა უნდა, სისტემა სრულყოფილი არ არის და 84%-შია მხოლოდ მართალი. მაგალითად, ალგორითმის გამოთვლით, ლა ლა ლენდს მხოლოდ 59 მილიონი მოგება უნდა მოეტანა, ამ დროს, მიუზიკლმა მხოლოდ ამერიკაში, 151 მილიონი მოგება მოიტანა.
პროგრამის გამოყენება იაფი არ დაგიჯდებათ – ერთი სცენარის ატვირთვა 5 ათასს დოლარი ღირს.
