არავისთვის არის საიდუმლო რომ დღესდღეობით სამსახიობო პროფესიას ცნობადობასა და პოპულარობასთან ერთად დიდი ოდენობით, მატერიალური სარგებელი, უფრო მარტივად რომ ვთქვათ ფული მოაქვს.
თვალი გადავავლოთ იმ ათ მსახიობს, რომლებმაც გასულ წელს ყველაზე დიდი რაოდენობით ფული გამოიმუშავეს.
10.კრის ევანსი – $34 000 000
კაპიტანი ამერიკას როლის შემსრულებელმა კრის ევანსმა, ზემოთაღნიშნული თანხა შურისმაძიებლების მესამე ნაწილში მონაწილეობით გამოიმუშავა.
9.სალმან ხანი – $38 500 000
ბოლივუდის მსახიობმა სალმან ხანმა შთამბეჭდავი თანხის ძირითადი ნაწილი რამდენიმე ინდურ ბლოკბასტერებში შესრულებული როლებით გამოიმუშავა, გარდა ამისა ხანი ისეთი ბრენდების სახე გახდა, როგორებიც “Suziki” და “Chlormint” არის.
8.ადამ სენდლერი – $39 500 000
არც თუ ისე ცუდი შედეგია იმის გათვალისწინებით რომ ადამ სენდლერის მონაწილეობით ხარისხიანი პროდუქცია წლების განმავლობაში არ გვინახავს. მსახიობმა ფული თავისი კომედიების “Netflix”-ზე მიყიდვით იშოვა, გარდა ამისა სტენდაპების შესრულებისთვის სენდლერმა არაერთი ექვსნიშნა ჰონორარი მიიღო.
7.აკშაი კუმარი – $40 500 000
კიდევ ერთი ბოლივუდელი ათეულში. კუმარმა ორ ინდურ მაღალშემოსავლიან ფილმში პედმენში და “ტუალეტში” ითამაშა, გარდა ამისა მის მფლობელობაში ოცამდე ინდური კომპანიაა, მათ შორის ფინანსური კონგლომერატი “Tata” და ელემენტების მწარმოებელი კომპანია “Eveready”.
6.უილ სმიტი – $42 000 000
სტრიმინგ სერვის “Netflix”-ზე გამოსულ ფილმ სინათლეში განსახიერებული როლისთვის უილ სმიტმა არც მეტი არც ნაკლები 20 მილიონი დოლარი მიიღო. გარდა ამისა მან “Disney”-ს “ალადინში” ჯინის როლისთვის გათვალისწინებული ჰონორარი წინასწარ აიღო.
5.ჯეკი ჩანი – $45 500 000
აზიური კინოს უდიდესმა ვარსკვლავმა გასულ წელს გასამსჯელო ექვს ფილმში შესრულებული როლებისთვის მიიღო, გარდა ამისა აღმოსავლური ორთაბრძოლების დიდოსტატმა არაერთ რეკლამაში ითამაშა. ჯეკი ჩანი ასევე რამდენიმე კინოსადისტრიბუციო კომპანიის მფლობელია, რომელიც ჩინეთში მუშაობს, ჩინეთი კი მოგეხსენებათ უდიდესი სავაჭრო ბაზარია.
4.კრის ჰემსუორთი – $64 500 000
“Forbes”-ის ანგარიშის მიხედვით ავსტრალიელმა მსახიობმა აღნიშნული თანხა, “Marvel”-ის ორ ბლოკბასტერში თორი. რაგნაროკი და შურისმაძიებლები. უსასრულობის ომი განსახიერებული ერთი პერსონაჟის როლით მიიღო.
3.რობერტ დაუნი ჯუნიორის – $81 000 000
უკანასკნელი შურისმაძიებელი ამ ათეულში. რკინის კაცის შენახვა “Marvel”-ს საკმაოდ დიდი თანხა უჯდება, 2017 წლიდან დაუნიმ ჰონორარი გააორმაგა, გარდა ამისა ადამიან ობობაში შესრულებული ეპიზოდური როლისთვის მსახიობმა $15 000 000 მიიღო.
2.დუეინ ჯონსონი – $124 000 000
დიდი უპირატესობით წინ არის ყოფილი რესტლერი და მსახიობი დუეინ “კლდე” ჯონსონი. აღსანიშნავია რომ $124 000 000-ის ძირითადი ნაწილი ჯონსონმა სამსახიობო ჰონორარებით გამოიმუშავა.
1.ჯორჯ კლუნი – $239 000 000
გინდ დაიჯერეთ გინდ არა ჯორჯ კლუნის 2016 წლის შემდეგ არც ერთ მხატვრულ ფილმში არ უთამაშია. მთლიანი თანხა მას ტეკილის მწარმოებელი კომპანია “Casamigos”-ის წილის გაყიდვამ შემოუტანა.
