2019 წლის მაისში 15 წელი შესრულდება, რაც მეგობრების ფინალური ეპიზოდი ტელეეკრანებზე გავიდა. ყველანი ვთანხმდებით, რომ ეს მართლაც ყველა დროის საუკეთესო სიტკომია, რომელსაც თაყვანისმცემლები ამდენი წლის შემდეგაც კი ჰყავს. თუმცა, ჩვენ დღემდე გვაწუხებს უპასუხო კითხვები, როგორიცაა – როგორ გამოიყურებოდა “უშნო შიშველი კაცი”? ან მონიკამ თავზე ნამდვილი ინდაური ჩამოიცვა?
მაშ ასე, დავიწყოთ:
1. სიცილი, რომელიც ეთერში გვესმოდა, რეალური იყო?
დიახ, მეგობრების თითქმის ყველა ეპიზოდი 200-300 მაყურებლიანი აუდიტორიის წინაშე იწერებოდა. თითოეული ეპიზოდის გადაღებას 5-6 საათს ანდომებდნენ. თავიდან, მაყურებელი მსახიობების მეგობრებისგან, შემოქმედებითი ჯგუფისგან და სხვა ცნობილი ადამიანებისაგან შედგებოდა, თუმცა, მას შემდეგ, რაც შოუმ პოპულარობა მოიხვეჭა, მასზე დასასწრები ბილეთის ფასი 5 000$-მდე გაიზარდა.
2. როგორ გამოიყურება რეიჩელისა და როსის ქალიშვილი?
სხვათა შორის, პატარა ემას სინამდვილეში ტყუპი დები განასახიერებდნენ, რომლებიც ახლა 17 წლის არიან:
3. კორტნი კოქსმა თავზე ნამდვილი ინდაური ჩამოიცვა?
როგორც მსახიობმა აღნიშნა, მას მართლაც სურდა ნამდვილი ინდაურის გამოყენება ამ სცენაში, რადგან იმავეს გამეორება მეთიუ პერისაც მოუწევდა, მაგრამ ყველაზე დიდი ინდაურიც კი ძალიან პატარა იყო თავზე ჩამოსაცმელად და ამიტომ რეკვიზიტი შოუსთვის სპეციალურად დაამზადეს.
4. სად არის გადაღებული შადრევანის სცენები?
ალბათ, მაყურებლის უმრავლესობა დარწმუნებულია, რომ სერიალის ლეგენდარული ინტრო ცენტრალურ პარკშია გადაღებული. სინამდვილეში კი, ეს ყველაფერი კომპიუტერული გრაფიკის დამსახურებაა, რადგან ის, ისევე როგორც სხვა გარე სცენების უმრავლესობა ლოს ანჯელესში, Warner Bros. პავილიონში, მწვანე ფონზე გადაიღეს:
5. განტერი მართლა ბარმენი იყო?
ჯეიმს მაიკლ ტაილერი მართლაც ბარმენად მუშაობდა, როცა მეგობარმა შოუში დასაქმება შესთავაზა. თავიდან მის პერსონაჟს ხმა არ უნდა ამოეღო და, როგორც მსახიობი იხსენებს, უმცირესი ფონური ხმაურიც კი, რომელსაც ის იწვევდა ძალიან დიდ პრობლემას წარმოადგენდა… თუმცა, მოგვიანებით, ჯეიმსის პერსონაჟმა საუბრის უფლებაც კი მოიპოვა და “მეგობრების” ერთ-ერთ მთავარ მეორეხარისხოვან გმირად იქცა!
6. “ჩვენი ცხოვრების დღეები” ნამდვილი შოუა?
დიახ, ასეთი შოუ ტელეეკრანებზე 1965 წლიდან მართლაც გადიოდა, თუმცა, რა თქმა უნდა, ჯოუის მონაწილეობის გარეშე. სამაგიეროდ, მასში ჯენიფერ ენისტონისა და მეთიუ პერის მამები თამაშობდნენ და სწორედ ეს გახდა მიზეზი იმისა, რომ “ჩვენი ცხოვრების დღეები” მეგობრებში მოხვდა.
7. როგორ გამოიყურება “უშნო შიშველი კაცი”?
ის საკუთარ გარეგნობას თითქმის 20 წლის განმავლობაში მალავდა და შოუს თავგადაკლულმა ფანებმაც კი არ იცოდნენ, თუ ვინ იყო სინამდვილეში. თავიდან IMDB ირწმუნებოდა, რომ ამ როლს მაიკ ჰაგერტი, იგივე მისტერ ტრიგერი ასრულებდა, თუმცა 2016 წელს სიმართლეს ნათელი მოეფინა. მაშ ასე, გაიცანით – ჯონ ჰოგენი:
