ექსტრა მსახიობი, რომელიც ყველაზე მეტ ფილმში გვხვდება

ექსტრა მსახიობი – ეს არის ადამიანი, რომელიც ფილმში ფონს ქმნის და მაყურებლისათვის ატმოსფეროს უფრო ავთენტურსა და რეალურს ხდის. გაი სტანდევენი ერთ-ერთი გამორჩეული ექსტრა მსახიობია, რომელსაც ამ მიმართულებით საკმაოდ წარმატებული კარიერა ჰქონდა – მან 100-ზე მეტ ფილმში ითამაშა და IMDB-ზე 200-ზე მეტი კრედიტი დააგროვა.

მაშ ასე, ერთად გადავავლოთ თვალი მის რამდენიმე გაელვებას კინოეკრანებზე:

1952 – საიდუმლო ადამიანები

ეს გაის პირველი მასობრივი როლი იყო, რომელშიც ის ოდრი ჰეპბერნის მიღმა, წვეულების ერთ-ერთ სტუმრად მოგვევლინა.

1956 – კაცი, რომელმაც ძალიან ბევრი იცოდა

ალფრედ ჰიჩკოკის ფილმში გაი ალბერტ ჰოლის დარბაზში ერთ-ერთი მაყურებელი განასახიერა.

1956 – მძევალი

იმავე წელს მან კრიმინალურ თრილერში საჰაერო მოძრაობის კონტროლიორის როლი შეასრულა და მოკლე ტექსტიც კი ერგო.

1959 – უჩინარი კაცი

კლასიკური ნოველის ტელეეკრანიზაციაში გაიმ თვითმფრინავის სტიუარდი განასახიერა.

1959 – ავია შტორმი

გაი იმ ტაქსისტის როლში მოგვევლინა, რომელმაც ფილმის მთავარი პერსონაჟი აეროპორტამდე მიიყვანა.

1960 – ოთხი უბრალო კაცი

გაი ტელესერიალის სამ ეპიზოდში გამოჩნდა.

1962 – გზა ჰონგ კონგისკენ

ამ სცენაში გაიმ პარტნიორობა ჯოან კოლინსს გაუწია და ფოტოგრაფის როლში მოგვევლინა.

1966 – ჯორჯის გოგონა

ფილმში გაიმ ის მღვდელი განასახიერა, რომელმაც ჯეიმს მეისონისა და ლინ რედგრეივის პერსონაჟები ერთმანეთზე დააქორწინა.

1967 – რობინ ჰუდის გამოწვევა

ლეგენდარული თქმულების ერთ-ერთ კინოადაპტაციაში გაიმ ფარმაცევტის როლი შეასრულა.

1972 – მექანიკური ფორთოხალი

გაი ენტონი ბერჯესის რომანის სტენლი კუბრიკისეულ გენიალურ ეკრანიზაციაშიც მოგვევლინა (ფოტოზე მარჯვნივ, გადაჯვარედინებული ხელებით)

1974 – სიგიჟე

საშინელებათა ჟანრის ფილმში გაის იმ ადამიანის როლი ერგო, რომელმაც ცხედარი აღმოაჩინა და, როგორც ფოტოზე აღბეჭდილ ემოციაში ვხედავთ, საკუთარი სამსახიობო მონაცემებიც შესანიშნავად გამოავლინა.

1976 – ვარდისფერი პანტერა სამართლიანობისათვის

ცნობილი პერსონაჟის შესახებ გადაღებულ ერთ-ერთ ფილმში გაიმ ექიმის როლი შეასრულა.

1978 – მფრინავი რაზმი 2

ბანკის მენეჯერის როლი, რომელსაც არა მხოლოდ ტექსტი, არამედ ტიტრში კრედიტიც კი ერგო.

1980 – ადამიანი სპილო

დევიდ ლინჩის ფილმში გაიმ კომიტეტის ერთ-ერთი წევრი განასახიერა.

1983 – ვარსკვლავური ომები: ჯედაის დაბრუნება

მიუხედავად იმისა, რომ მისი კადრი ფილმის საბოლოო მონტაჟში ვერ მოხვდა, ისტორიას მაინც შემორჩა ფოტო, სადაც გაი ვარსკვლავური ომების გადასაღებ მოედანზე იმყოფება.

1985 – შეხვედრა ფეარბოროუში

გაი ფილმის ვარსკვლავურ შემადგენლობასთან ერთად.

1987 – კოშმარი

გამორჩეული როლი გაის კარიერაში – მან საბავშვო ტელეშოუს პირველ ორ ეპიზოდში მონსტრი და ტროლი განასახიერა.

1994 – ოთხი ქორწილი და ერთი დაკრძალვა

ცნობილ კომედიურ მელოდრამაში გაი ფილმის მთავარი პერსონაჟების, ჰიუ გრანტისა და ენდი მაკდაუელის მიღმა, კაფის ერთ-ერთი სტუმრის როლში მოგვევლინა, რომელიც თავის ჩიბუხს წყნარად აბოლებდა.