ყველასთვის კარგად ცნობილია, რომ სამეფო კარის თამაშების პერსონაჟთა კოსტიუმებისა და გარეგნობის შემოქმედები სერიალის განმავლობაში ყოველთვის გარკვეულ სიმბოლიკას დებდნენ ჩაცმულობასა და ვარცხნილობაში.
თუნდაც სანსა სტარკის გარეგნობა მე-7 სეზონში, რომელშიც ამ პერსონაჟმა თქვა, რომ სერსეისგან ბევრი ისწავლა. მას დედოფლის მსგავსი ვარცხნილობა და ჩაცმულობა აქვს.
მაგრამ ბევრს გააოცებს დენერის ტარგარიენის ერთი გარეგნული დეტალი, რომელსაც ალბათ მხოლოდ ერთეულები დაკვირვებიან.
ალბათ გახსოვთ, რომ დოთრაკები აფასებენ თავიანთ თმას და ნაწნავის სიგრძით განსაზღვრავენ, თუ რამდენად ძლიერია ესა თუ ის მეომარი. დამარცხებული დოთრაკი ნაწნავს იჭრის.
ხალ დროგოს ნაწნავი მუხლებამდე სწვდებოდა, რაც იმას ნიშნავდა, რომ დაუმარცხებელი იყო.
ჩანს, დენის დოთრაკების ეს ტრადიცია მოსწონს და კარგად ახსოვს, სწორედ ამიტომ, სეზონიდან სეზონამდე, გამარჯვებების პარალელურად, მას ნაწნავი ემატება.
სერსეის ვარცხნილობის ტრანსფორმაციაც სავარაუდოდ მსგავს სიმბოლიზმს ეყრდნობა: ძალაუფლების მწვერვალზე მას გრძელი თმა ამშვენებს, როცა უმაღლესი ბეღურას ხელში ჩავარდა, მას თმა მოკლედ შეკრიჭეს.
ის კი ნამდვილად ცხადია, რომ დენერის ტარგარიენის ვარცხნილობა გამარჯვებული დამპყრობლის ვარცხნილობაა.
