“კაცი, რომელმაც დონ კიხოტი მოკლა“, ესაა ფილმი, რომელმაც მრავალი საპროდიუსერო ქარცეცხლი გადაიტანა და საბოლოოდ, მის რეჟისორს, ტერი გილიამს, მასზე უფლებები ჩამოერთვა. რეჟისორმა დღეს გაამხილა, რომ არა ადამ დრაივერი, ფილმი ვერ შედგებოდა. მან ვრცლად ისაუბრა მსახიობზე:
ეს ფილმი ადამ დრაივერის წყალობით განხორციელდა. მე ის მხოლოდ “ვარსკვლავურ ომებში” მყავდა ნანახი, სადაც ის ბევრ ამას [აღებს პირს და დაყვირების პოზას აჩვენებს] აკეთებს და დიდად არც მაინტერესებდა. ჩემმა ქალიშვილმა, რომელიც ფილმის ერთ-ერთი პროდიუსერია, დამარწმუნა რომ შევხვედროდი მას, რადგან ის ძალიან სექსუალური იყო. აუცილებელია სექსუალური ადამიანების გაცნობა, თუკი გინდა ფული მოიძიო. გაცნობისთანავე მივხვდი, რომ მასში იყო რაღაც ღირებული, რაღაც ისეთი რაც არცერთ მსახიობთან შემხვედრია. მასში იყო სიმშვიდე და გულწრფელობა, მასში არაფერი იყო დაყენებული და ვერც კი წარმოვიდგენდი, თუ ის ასეთი კარგი მსახიობი იქნებოდა. ძალიან უცნაური ვინმეა, თავიდან ის ცოტა სულელურად გამოიყურება – მაღალი, გრძელკიდურება, დიდი ცხვირითა და ყურებით. ის სულაც არ ჰგავს კინოვარსკვლავს, მაგრამ ფილმის გადაღების დასასრულს, ის გამოჩნდა როგორც ყველზე რომანტიკული მამაკაცი მსახიობი, რაც კი ბოლო დროს მინახავს. ის უბრალოდ ტრანფორმაციას განიცდის, ყველაფერი შიგნიდან მოსდის, საოცარია ამის ნახვა.
