ABC-იმ ახალი სატელევიზიო შოუ დაანონსა – “Sundays with Baldwin“, რომლის წამყვანი ალეკ ბოლდუინი იქნება. “გახარებული ვარ ახალი შოუთი და მადლობას ვუხდი ABC-ის რომ მომცა შანსი”, განაცხადა მსახიობმა.
ამ გადაწყვეტილებას ჰოლიუდში უკმაყოფილებით შეხვდნენ, რადგან ბოლდუინმა თავის დროზე დასტინ ჰოფმანი და ვუდი ალენი დაიცვა, როდესაც ისინი სექსუალურ ძალადობაში დაადანაშაულეს. ზოგადად, მსახიობი #MeToo კამანიის მიმართ კრიტიკით გამოირჩევა.
საინტერესო ფაქტია, რომ როდესაც ამერიკის პრეზიდენტი, დონალდ ტრამპი დაადანაშაულეს სექსუალურ შევიწროებაში, ის სწრაფად გამოეხმაურა ამ ამბავს და ტრამპი გააკრიტიკა, მაგრამ კინოს ინდსუტრიაში მომუშავე სხვა ფიგურების დადანაშაულების დროს, იგნორირება გაუკეთა ამბავს. თუნდაც იმიტომ, რომ ალენი და ბოლდუინი მეგობრები არიან, ჰოფმანის საქციელი კი იმით გაამართლა, რომ ადრე მიღებული იყო უხეშად მოქცევა. მსახიობი ვაინშტაინსაც კი დაუდგა დამცველად და როუზ მაკგოვანსა და აზია არჯენტოს აკრიტიკებდა ერთ-ერთ ტვიტში.
მან ნოემბერში ერთ-ერთ საღამოზე ქალების მიმართ თავის გამოცდილებაზეც ილაპარაკა:
დრო და დრო, მეც ვაკეთებდი იმავეს, რასაც სხვა კაცები, რაც არის… როცა არ ექცევი ქალებს იმგვარად, როგორც კაცებს. მე იმ თაობას მივეკუთვნები, სადაც ეს მიღებული იყო, მაგრამ ახლა ეს უნდა შეიცვალოს. მე ნამდვილად მინდა ამგვარი ცვლილება. მე ქალებს ძალიან ვულგარულად ვეპყრობოდი, მე მათ ხშირად ვჩაგრავდი, მოურიდებლად ვაკვირდებოდი, სათანადოდ არ ვაფასებდი. ახლა კი ფხიზლად უნდა ვიყოთ და დავრწმუნდეთ, რომ ყველა კომფორტულად გრძნობს თავს…
საინტერესოა, თუნდაც მსგავსი განცხადების შემდეგ, რატომ მიიღო ABC-იმ მსგავსი გადაწვეტილება.
