ლეონის ვარსკვლავი ნატალი პორტმანი 2018 წლის გენეზისის პრიზის მფლობელი გახდა. ებრაული წარმოშობის მსახიობი 1 მილიონიანი პრემიით დაჯილდოვდა.
გენეზისის ყოველწლიური დაჯილდოება მიზნად ისახავს იმ ადამიანების წახალისებას, რომლებიც ებრაელი ახალგაზრდებისათვის თავიანთი პროფესიული მიღწევებითა და პატრიოტიზმით მაგალითს წარმოადგენენ.
ნატალი 1981 წელს იერუსალიმში დაიბადა. ის ჯერ კიდევ ბავშვი იყო, როდესაც მისი ოჯახი საცხოვრებლად ამერიკის შეერთებულ შტატებში გადავიდა, თუმცა დღემდე ორმაგ მოქალაქეობას ფლობს და ერთგულად იცავს ებრაულ ტრადიციებს.
მე ვამაყობ, ჩემი წარმომავლობითა და მემკვიდრეობით. ჩემთვის დიდი პატივია, ვიყო იმ პრემიის ლაურეატი, რომელიც მანამდე ჩემს კუმირებს გადასცეს.
გენეზისის ფონდის არსებობის ხუთწლიანი ტრადიციის თანახმად, ერთმილიონიანი ბიუჯეტი მთლიანად საქველმოქმედო საქმეს მოხმარდება. ჰოლივუდის მსახიობებს შორის “ებრაული ნობელის” პრემია მსახიობ მაიკლ დუგლასსაც ერგო.
