ბოლო წლებში 72 წლის მომღერალი და მსახიობი ლაიზა მინელი პრესის ფურცლებიდან თითქმის სრულიად გაუჩინარდა. რამდენიმე დღის წინ დაგეგმილი კონცერტიც, მოულოდნელად გააუქმა. ამან კიდევ უფრო გაამძაფრა სპეკულაციები იმის თაობაზე, რომ მინელის ჯანმრთელობის პრობლემები აქვს, რომ თითქოს ის კვდება, წამლებზე დამოკიდებულია და ა.შ. თუმცა მისმა მენეჯერმა ეს ჭორები hollywoodreporter-ისთვის მიცემულ ინტერვიუში უარყო.
მენეჯერის თქმით, 60 წელი მინელი მუდამ მისი მენეჯერებისა და აგენტების განკარგულებით ცხოვრობდა და ახლა უკვე იმ ასაკს მიაღწია, როდესაც სურს თავად განკარგოს თავისი დრო და ცხოვრებით დატკბეს.
ასე რომ, ლეგენდარული მსახიობი არც ცუდადაა, არც სიკვდილს აპირებს და არც წამლებზეა დამოკიდებული.
