ფილმი, რომელიც საკმაოდ ხანგრძლივი პერიოდის განმავლობაში ყველაზე შემოსავლიანი სურათის ტიტულს ატარება 2021-სა და 2023 წლებში გაგრძელებას, ე.წ სიკველს მიიღებს. რა თქმა უნდა საუბარია განუმეორებელი ვიზუალური და სპეციალური ეფექტების მქონე სურათზე, ჯეიმს კამერონის სახელგანთქმულ შედევრზე, „Avatar“-ზე.
ხსენებულ სიკველებში მონაწილეობას ქეით უინსლეტი იღებს. ამასთან ერთად ცნობილია, თუ როგორი მომთხოვნია მსახიობების მიმართ თავად ფრანჩიზის რეჟისორი, ჯეიმს კამერონი, რომელიც მსახიობებისაგან ხანდახან შეუძლებელსაც კი ითხოვს. ამჯერად ეს მოთხოვნები ქეითსაც შეეხო. საქმე იმაშია, რომ ერთ-ერთი სცენის გადაღება წყალქვეშ მიმდინარეობს რა დროსაც ტიტანიკის ვარსკვლავმა სუნთქვის შეკავება 7 წუთითა და 14 წამით შეძლო და ახალი რეკორდი დაამყარა (რეკორდი ეხება სუნთქვის წყლის ქვეშ ყველაზე ხანგრძილ შეკავებას ფილმის გადაღებებისას). წინა რეკორდი ტომ კრუზს ეკუთვნოდა, როდესაც მსახიობმა 6 წუთითა და 30 წამით შეძლო წყლის ქვეშ გაჩერება, როდესაც „Mission Impossible“-ის ახალ სერიაში „Rogue Nation“-ში იღებდა მონაწილეობას.
