რეჟისორი ფრენსის ფორდ კოპოლა ადასტურებს იმ ფაქტს, რომ ფილმ “დრაკულას” გადაღებისას ქორწილის სცენის აღსაბეჭდად მართლაც ნამდვილი მღვდელი გამოიყენა. სწორედ ამ ფაქტმა დააფიქრა ვაინონა რაიდერი და კიანუ რივზი, რომ ისინი, შეიძლება, უკვე წლებია დაქორწინებულნი არიან.
როგორც რეჟისორი ამბობს, მას არ აკმაყოფილებდა გათამაშებული ქორწილი და ამიტომ გადაწყვიტა, რომ ბევრად უკეთესი იქნებოდა, ნამდვილი მღვდელი გამოეყენებინა და რიტუალი ზედმიწევნით შეესრულებინათ.
საბოლოოდ ეს სცენა ლოს ანჯელესში ერთ-ერთ ბერძნულ ქრისტიანულ ეკლესიაში გადაიღეს და რეჟისორი, როგორც იქნა, კმაყოფილი დარჩა, თუმცა შედეგად კიანუსა და ვაინონას ნამდვილი ქორწინება მივიღეთ.
ეს საკითხი რამდენიმე დღის წინ წამოიჭრა, როდესაც ვაინონა და კიანუ ახალი ფილმის სარეკლამო კამპანიის ფარგლებში ინტერვიუს აძლევდნენ. სწორედ ამ დროს გაახსენდა ვაინონას, რომ უკვე 26 წელია ის და კიანუ დაქორწინებულები არიან. ეს ფაქტი ჯერ კიანუს არ ახსოვდა, თუმცა შემდეგ გახსენება შეძლო. ახლა კი მათ ქორწინებას კოპოლაც ადასტურებს.
როგორც ჩანს, ცხოვრებაში ყველაფერი ხდება და შეიძლება, დაქორწინებული იყო და ეს არც კი გახსოვდეს.
