დღესდღეობით ძალიან ბევრი კინომოყვარული იხატავს ტატუს, რომლითაც ფავორიტ მსახიობს ან პერსონაჟს ოდნავ მაინც დაემსგავსება. რამდენად გასაკვირიც არ უნდა იყოს, ეს ტენდენცია ჰოლივუდის ვარსკვლავებშიც შეიმჩნევა. – როგორც აღმოჩნდა, ერთნაირი გამოსახულებები არაერთი მათგანის სხეულს ამშვენებს:
1. სკარლეტ იოჰანსონი, რობერტ დაუნი უმცროსი, კრის ჰემსუორთი, ჯერემი რენერი და კრის ევანსი
დიახ, შურისმაძიებელთა სამსახიობო შემადგენლობის ამ ვარსკვლავურმა ნაწილმა გადაწყვიტა, რომ სუპერგმირების გაერთიანების ლოგო საკუთარ სხეულებზე დაეტანათ. თავდაპირველად, ეს იდეა სკარლეტს გაუჩნდა და კრის ევანსთან ერთად განახორციელა. მოგვიანებით კი, კოლეგებს რობერტ დაუნი უმცროსი, კრის ჰემსუორთი და ჯერემი რენერიც შეუერთდნენ.
2. ორლანდო ბლუმი, ვიგო მორტენსენი, იან მაკკელენი, შონ ბინი, ელაიჯა ვუდი, დომინიკ მონაჰანი, შონ ასტინი და ბილი ბოიდი
დაგვეთანხმებით, რომ ვარსკვლავების არანაკლებ შთამბეჭდავი ჩამონათვალია. მათ ელფების ენაზე “ცხრა” ამოისვირინგეს, რაც ბეჭდების მბრძანებლის საძმოს ყოველთვის გაახსენებს ლეგენდარული ფილმის გადაღებებს.
3. კრის ჰემსუორთი და ელზა პატაკი
ამ ვარსკვლავური წყვილის ხელებს რუნული დამწერლობა ამშვენებს და თითოეული სიმბოლო როგორც მათი, ასევე მათი შვილების სახელების პირველ ასოებს გამოხატავს.
4. მარგო რობი და კარა დელავინი
გოგონები “თვითმკვლელთა რაზმის” გადასაღებ მოედანზე ძალიან დამეგობრდნენ და ამ ფილმის სამახსოვროდ ფეხის თითებზე ტატუები ერთმანეთს თავადვე გაუკეთეს.
5. ლედი გაგა და ბრაიან ნიუმანი
ერთ-ერთ წვეულებაზე ლედი გაგამ თავის საუკეთესო მეგობარს, ბრაიან ნიუმანს შესთავაზა, რომ ერთნაირი ტატუები გაეკეთებინათ. სწორედ ასე აღმოჩნდა მათ მკლავებზე საყვირის გამოსახულება – ეს სწორედ ის ინსტრუმენტია, რომელზეც ნიუმანი ვირტუოზულად უკრავს!
