ოჯახში ძალადობა უპოპულარულეს ოჯახებსა და ურთიერთობებშიც კი არსებობს. ძალადობრივი ქმედებებისგან თვით სელებრითებიც კი არ არიან დაზღვეულები და ზოგიერთი მათგანი განიცდის ან ჩადის ძალადობას. ჰოლივუდში, ისევე როგორც დანარჩენ სამყაროში ძალადობა არ არჩევს არც სქესს, არც ასაკს, არც რაიმე მიზეზს. დღეს ჩვენ ოჯახის წევრებისა და პარტნიორების ფიზიკურ თუ მორალურ შეურაცხყოფაში ეჭვმიტანილებს გაგაცნობთ. ჩვენი სტატიიდან ამ არასასიამოვნო კუთხით გაიცნობთ ცნობილ ადამიანებს და გაიგებთ, ვინ დაადანაშაულეს ფიზიკურ თუ ფსიქოლოგიურ ძალადობაში ოჯახის წევრებმა, შეყვარებულებმა ან მეუღლეებმა.
კრის ბრაუნი
კრის ბრაუნი თავისი გელფრენდის, ცნობილი მუსიკოსის და მომღერლის, რიჰანას ფიზიკური შეურაცხყოფის გამო დაიჭირეს და პრობაციით გამოუშვეს. რიჰანა იმდენად მძიმედ იყო დაშავებული, რომ საავადმყოფოში გაჩერება დასჭირდა.
ჯონი დეპი
დეპის ყოფილმა ცოლმა ამბერ ჰერდმა ცნობილი მსახიობის წინააღმდეგ საჩივარი აღძრა და ბრალი მათი ქორწინების განმავლობაში მუდმივ ძალადობაში დასდო, თუმცა სასამართლოზე ჯონმა ვიდეომასალა წარადგინა, რომელშიც ჩანს, როგორ აყენებს ფიზიკურ შეურაცხყოფას ამბერი ქმარს. ასე რომ, მათ შორის მტყუან-მართლის გარჩევა ძალიან ძნელია.
კოლუმბუს შორტი
კოლუმბუს შორტი სერიოზულ სკანდალში გაეხვა, როცა გავრცელდა ამბავი, თუ როგორ დაესხა თავს ცოლს და მოკვლას უპირებდა. შემდეგ კი თვითმკვლელობის მცდელობაც ჰქონდა. აშკარაა, მსახიობს ფსიქიკასთან სერიოზული პრობლემები აქვს.
შონ პენი
ამბობდნენ, რომ პენი ხშირად ძალადობდა ფიზიკურად ყოფილ ცოლზე, ცნობილ მომღერალ მადონაზე. თუმცა 2015 წელს მადონამ ამ საკითხზე გულახდილად საუბარი გადაწყვიტა და განაცხადა, რომ პენს “არასდროს დაურტყამს” მისთვის.
ალეკ ბოლდუინი
ბოლდუინის ყოფილი ცოლი კიმ ბესინჯერი მსახიობს ბრალს სდებდა ტერორში და ამტკიცებდა, რომ ქმარი მუდმივად ემუქრებოდა, ბეისბოლის ბიტათი მოგკლავო.
ჩარლი შინი
თავისი ყოფილი ცოლის, ბრუკი მუილერის განცხადებით ჩარლი შინი ცოტა ხნით დააკავეს: ბრუკის თქმით, ჩხუბისას მსახიობმა მისი დახრჩობა სცადა.
მელ გიბსონი
2011 წელს მელ გიბსონი თავის ყოფილ გელფრენდზე, ოქსანა გრიგორევაზე ძალადობის ბრალდებით დააკავეს, თუმცა მტკიცებულებების არქონის გამო მალე გამოუშვეს.
მაიკლ ფასბენდერი
ფასბენდერის ყოფილმა გელფრენდმა ლისი ენდრიუსმა მსახიობის წინააღმდეგ სარჩელი შეიტანა, რომელშიც მან განაცხადა, რომ მსახიობმა მას ნელა დააჯახა მანქანა, რის გამოც ენდრიუსმა მუხლი და კოჭი დაიზიანა, ასევე ამ შეჯახებამ ქალის საკვერცხის კისტის პროვოცირება მოახდინა.
ტომი ლი
ლის 6-თვიანი სასჯელი დააკისრეს ცოლზე, პამელა ანდერსონზე ძალადობის გამო. ამ სიტუაციას ხშირად პამელასა და ლის საერთო შვილიც უყურებდა.
უესლი სნაიპსი
როგორც ხმები ამბობდნენ, უესლიმ ყოფილ ცოლს, ჰოლი ბერის ისე მაგრად დაარტყა, რომ მან სმენა ნაწილობრივ დაკარგა. თუმცა ამის ზუსტი მტკიცებულება არ არსებობს.
ჯოშ ბროლინი
ბროლინი 2004 წელს დააკავეს, როცა საკუთარ (ამჟამად ყოფილ) ცოლს, დაიან ლეინს დაარტყა.
კრისტიან ბეილი
2008 წელს ბეტმენის ვარსკვლავი დედაზე და დაზე ძალადობის ბრალდებით დააკავეს. შემთხვევა სასტუმროში მოხდა. ბეილმა ბრალდებები უარყო და დაზარალებულებს მის წინააღმდეგ საჩივარი არ შეუტანიათ.
ემა რობერტსი
2013 წელს კანადაში ემა რობერტსი ბოიფრენდთან, ივან პიტერსთან ქუჩაში ხმამაღალი შელაპარაკებისას დააკავეს. საჩივარში ეწერა, რომ როცა კანონდამცველები ადგილზე გამოცხადდნენ, პიტერსს ნაკბენი ჰქონდა, ცხვირიდან კი სისხლი სდიოდა.
