ჩვენ ყოველთვის ვინტერესდებით ცნობილი ადამიანების ცხოვრების სტილით, მათი გემოვნებითა თუ პირადი დეტალებით… ამ შემთხვევაში, გადავწყვიტეთ, მოგვეძიებინა ამა თუ იმ პიროვნების საყვარელი ფილმი.
დარწმუნებულები ვართ, ამ ჩამონათვალში თქვენთვის საინტერესო პუნქტს აუცილებლად აღმოაჩენთ:
1. ჯონ ტრავოლტა – მამაკაცი და ქალი
ფრანგული ფილმი მოგვითხრობს ორი მარტოხელა ადამიანის შესახებ, რომელთაც ერთმანეთი უყვარდებათ, თუმცა ტრაგიკულ წარსულთან გამკლავება უწევთ.
2. ჰიტ ლეჯერი – ოზის ჯადოქარი
დოროთი გეილი მოულოდნელად აღმოჩნდება ჯადოსნურ სამყაროში, სადაც ახალ მეგობრებს შეიძენს და მაყურებელს დაუვიწყარ მოგზაურობაში ითრევს.
3. ტომ ჰენკსი – 2001 წელი: კოსმიური ოდისეა
მაშინ, როდესაც 2001 წელი ჯერ კიდევ მომავალი იყო, სტენლი კუბრიკმა მაყურებელს არაჩვეულებრივი სამეცნიერო ფანტასტიკა შესთავაზა – მოქმედება ვითარდება კოსმიური ხომალდის ბორტზე, რომელსაც კომპიუტერი მართავს.
4. სელმა ჰაიეკი – ვილი ვონკა და შოკოლადის ქარხანა
ყველასათვის კარგად ნაცნობი ნოველის ეკრანიზაცია, რომელიც ღარიბ ბიჭსა და მის ახდენილ ოცნებაზე მოგვითხრობს – ოქროს ბილეთის წყალობით პატარა ჩარლი, ვილი ვონკას იდუმალებით მოცულ შოკოლადის ქარხანაში ხვდება.
5. ვინ დიზელი – ქარწაღებულნი
მეცხრამეტე საუკუნის ამერიკაში სამოქალაქო ომი მიმდინარეობს, რომლის პარალელურადაც მაყურებელი სკარლეტისა და ჯერალდის სასიყვარულო ურთიერთობას ადევნებს თვალს.
6. ანტონიო ბანდერასი – ბოროტების ბეჭედი
მექსიკის სასაზღვრო ქალაქში მოვლენები უცნაურად ვითარდება. ეს ფილმი აუცილებლად დააინტერესებთ მათ, ვისაც მკვლელობის, გატაცებისა და დეტექტიური ჟანრის ისტორიები იზიდავთ.
7. ჯულიანა მური – როზმარის ჩვილი
ახალგაზრდა წყვილი საცხოვრებლად ნიუ-იორკში გადადის, თუმცა ბედნიერი მომავლის მაგივრად, მათ მისტიკითა და პრობლემებით სავსე გზა ელით, რომლის მთავარი შემოქმედებიც მათი უცნაური მეზობლები არიან.
8. რიჩარდ გირი – პროფესია: რეპორტიორი
სიუჟეტი მოგვითხრობს ხელმოცარული ჟურნალისტის შესახებ, რომელიც ჩრდილოეთ საჰარაში ომის გასაშუქებლად მიემგზავრება, თუმცა შესაბამის მასალებს ვერ აგროვებს. სამაგიეროდ, მას ეძლევა შესაძლებლობა სასტუმროში გარდაცვლილი მამაკაცის იდენტობა მიითვისოს და ახალი თავგადასავლები ეძიოს.
9. რიზ უიზერსპუნი – ბორტს მიღმა ვიღაცაა
კომედიური ჟანრის ფილმი მოგვითხრობს მდიდარ და აბეზარ ქალზე, რომელიც ბორტიდან გადავარდნის შედეგად გონებას დაკარგავს, სამი შვილის ხელოსანი მამა კი ამ მდგომარეობით ისარგებლებს და მას დააჯერებს, რომ ის მისი ცოლი და ბავშვების დედაა.
10. ჯენიფერ ლოპესი – ვესთსაიდური ამბავი
მიუზიკლით მოყოლილი ისტორია ორი ამერიკული დაჯგუფების შესახებ, რომელთა 2 წევრსაც ერთმანეთი უყვარდებათ, თუმცა დაჯგუფებებს შორის მტრობა ამ ყოველივეს შემდეგ კიდევ უფრო დიდ ტრაგედიაში გადაიზრდება.
