სამეფო კარის თამაშების ვარსკვლავების სტუმრობას გადაცემა “Carpool Karaoke”-მ შთამბეჭდავი ქუდი მიუძღვნა, რომელიც სერიალის ცნობილი და დიდებული გახსნის ინტერპრეტაციას წარმოადგენს. Apple Music-ის კარაოკე-გადაცემისთვის (რომელიც ჯეიმს კორდენს მიჰყავს) GOT-ით ინსპირირებული ქუდი სპეციალურად ახალი სერიის გამო ჩაწერეს, რომელშიც მეისი უილიამსი და სოფი ტერნერი მიიღებენ მონაწილეობას. აღნიშნული სერია სამშაბათს გავა ეთერში.
ვესტეროსისა და ესოსის რუკის ნაცვლად Carpool Karaoke-ს ქუდში აშშ-ის ქალაქებს, ლოს-ანჟელესსა და ოსტინს და მათ შემოგარენს გვიჩვენებენ, მუსიკა კი იგივეა, ამრიგად, GOT-ის ვარსკვლავებს ღირსეული დახვედრა მოუწყვეს.
სანსა და არის სტარკის როლების შემსრულებლები, რომლებიც ცხოვრებაში კარგი მეგობრები არიან, გადაცემაში ჯასტინ ბიბერის “Sorry”-სა და მაილი საირუსის “Wrecking Ball”-ს შეასრულებენ.
