ცნობილმა მსახიობმა, ჯენიფერ ლოურენსმა მთელ მსოფლიოს აჩვენა, რომ მის ძაღლთან მიახლოება მისი ნებართვის გარეშე დაუშვებელია. ერთ-ერთმა უიღბლო პაპარაციმ ეს მწარე გაკვეთილი საკუთარ თავზე გამოსცადა.
ლოურენსი აეროპორტის ტერიტორიას ტოვებდა თავის ძაღლთან, პიპი ლოურენსთან ერთად, როცა პაპარაციმ ჰკითხა: ხომ არ გეშინიათ, როცა კერძო თვითმფრინავით დაფრინავთ? შეკითხვა მიემართებოდა 1 თვის წინ გახმაურებულ სიტუაციას, როცა ჯენიფერის თვითმფრინავს საავარიო დაშვება მოუწია.
ლოურენსმა შეკითხვას თავი აარიდა და გზა განაგრძო. მერე კი კაცმა სავალალო შეცდომა დაუშვა. გადაწყვიტა, ჯენიფერის პატარა ძაღლს მოფერებოდა.
“შეეშვი ჩემს ძაღლს, შე ****** ლუზერო” – მიუგო მსახიობმა პაპარაცის და ძაღლი ხელში აიყვანა.
უნდა აღინიშნოს, ბილწსიტყვაობის იუხედავად, ინტერნეტის მომხმარებლები მსახიობს მხარს უჭერენ და აცხადებენ, რომ არავის აქვს უფლება, ძაღლს პატრონის ნებართვის გარეშე შეეხოს.
