სამეფო კარის თამაშების ვარსკვლავი მეისი უილიამსი სოციალურ მედიაში გადაბარგდა. მან ახალი მობილური აპლიკაცია შექმნა სახელწოდებით Daisie. აპლიკაცია შესაძლებლობას მოგცემთ დაუკავშირდეთ თქვნთვის საინტერესო ცნობილ მუსიკოსს, რეჟისორს, მსახიობს, დიზაინერს და სხვა.
უილიამსის თქმით, ხელოვნების სფეროში მოღვაწე დამწყებ ახალგაზრდას ძნელად თუ გაუმართლებს გაესაუბროს ცნობილ ადამიანს, ეს აპლიკაცია კი სწორედ ასეთ შესაძლებლობას მისცემს მას.
ჯერ-ჯერობით დეტალები უცნობია, თუმცა აპლიკაციას Q&A ფუნქცია ექნება. ამჟამად მოლაპარაკება მიმდინარეობს მომღერალ ედ შირენთან და დიზაინერ ვირგილ ებლოჰთან.
აპლიკიის დაინსტალირება უფასო იქნება. Daisie-ის ერთ-ერთი შემქნელია ასევე 21 წლის პროდიუსერი დომ სენტრი, რომელთან ერთადაც მსახიობმა ფილმის კომპანია – Daisy Chain Productions დააფუძნა.
