არაერთი ვარსკვლავი სამსახიობო კარიერაზე ბავშობიდან ფიქრობდა და, შესაბამისად, ჰოლივუდისკენ მიმავალ გზასაც თავად დაადგნენ. თუმცა, მოიძებნებიან ისეთებიც, რომელთაც, შესაძლოა, ამ პროფესიაზე მხოლოდ ეოცნებათ.
საბედნიეროდ, ისინი საკმაოდ იღბლიანები აღმოჩნდნენ და სრულიად მოულოდნელ სიტუაციებში გავლენიანმა პროდიუსერებმა თავად აღმოაჩინეს:
1. ჯენიფერ ლოურენსი
ზოგიერთ თინეიჯერს მშობლებთან ერთად არდადეგების გატარება არც ისე მიმზიდველად ეჩვენება, თუმცა ჯენიფერი ნამდვილად არასოდეს ინანებს, რომ 14 წლის ასაკში დედ-მამასთან ერთად ნიუ-იორკში გაემგზავრა. ის ოჯახთან ერთად ქუჩაში მისეირნობდა, როდესაც უცნობი ადამიანი მიუახლოვდა და ფოტოს გადაღება სთხოვა. აგენტს, რა თქმა უნდა, მათთვის არც ტელეფონის ნომრის გამორთმევა დავიწყებია, მეორე დღეს კი სანატრელი ზარიც გაისმა და მომავალი ოსკაროსანი მსახიობი თავის პირველ სინჯებზე დაიბარეს.
2. ჯონი დეპი
პატარა ჯონი დარწმუნებული იყო, რომ ცხოვრებას როკმუსიკას დაუკავშირებდა და თინეიჯერობის ასაკში საკუთარ ბენდთან ერთად ლოკალურ ბარებში უკრავდა. თუმცა, ერთ მშვენიერ დღეს ის ნიკოლას ქეიჯს შეხვდა, რომელმაც მასში შესანიშნავი მსახიობი ამოიცნო და ჰოლივუდში გზის გაკვალვაშიც დაეხმარა.
3. ალექსის ბლიდელი
მხევლის წიგნის ვარსკვლავი ძალიან მორცხვი და მორიდებული გოგონა იყო. საკუთარი კომპლექსების დასამარცხებლად, მან გადაწყვიტა, რომ თეატრში ეთამაშა. ერთ-ერთ სპექტაკლს მოდის ბიზნესის წარმომადგენელი ესწრებოდა, რომელიც მოიხიბლა მისი გარეგნობით და კარიერის ნიუ იორკში გაგრძელება შესთავაზა. ალექსისი დასთანხმდა და ძალიან მალე გილმორის გოგოებში აღმოჩნდა.
4. ჩენინგ ტატუმი
სამსახიობო კარიერის დაწყებამდე ჩენინგი თავს მრავალი საქმით ირჩენდა – ის იყო სტრიპტიზიორი, მშენებელი, გამყიდველი და ვეტექიმის დამხმარე… თუმცა, ერთ დღეს, როდესაც მაიამის ქუჩებში სეირნობდა, აგენტმა შეამჩნია და შესთავაზა შოუბიზნესის ნაწილი გამხდარიყო…
5. ელენ პომპეო
გრეის ანატომიის ვარსკვლავი 90-იან წლებში ნიუ იორკის ერთ-ერთ ბარში მიმტანად მუშაობდა. სწორედ იქ გაიცნო მოდის ფოტოგრაფი, რომელთანაც სასიყვარულო ურთიერთობა გააბა და მიზნად შოუბიზნესში მოხვედრა დაისახა. თავიდან ელენი სარეკლამო რგოლში გადაიღეს, შემდეგ კი პირველი ფილმის კასტინგზე აღმოჩნდა.
6. მელ გიბსონი
რომ არა მისი და, რომელმაც მელის ფოტოები მისგან საიდუმლოდ სააგენტოში გააგზავნა, დღეს ის ჟურნალისტი იქნებოდა და არა ოსკაროსანი მსახიობი. თუმცა, პროდიუსერებს ძალიან მოეწონათ ახალგაზრდა, სიმპათიური მამაკაცი და ის სინჯებზე მიიწვიეს, რის შემდეგაც გიბსონის თავბრუდამხვევი კარიერა დაიწყო.
7. პამელა ანდერსონი
21 წლის პამელა ერთი ჩვეულებრივი გოგონა იყო ვანკუვერიდან, რომელიც ფიტნესინსტრუქტორად მუშაობდა და ძალიან გულშემატკივრობდა საყვარელ საფეხბურთო გუნდს. ერთ-ერთი მატჩის დროს ის იმდენად გამოხატავდა ემოციებს, რომ სატელევიზიო ეთერში მოხვდა. ამ დროს კი ტელევიზორს ცნობილი პიარ აგენტი უყურებდა – ის, რა თქმა უნდა, მოიხიბლა ქერათმიანი ლამაზმანით და მას სამოდელო კარიერა შესთავაზა, რამაც პამელას ჰოლივუდისაკენ მიმავალი გზა გაუხსნა.
8. შარლიზ თერონი
საკუთარი ემოციების გულწრფელად გამოხატვა ჰოლივუდის კიდევ ერთ ლამაზმანს დაუფასდა. ის ბანკის თანამშრომელს ეჩხუბებოდა, როდესაც პროდიუსერმა შეამჩნია და სინჯებზე მისვლა შესთავაზა. შარლიზისათვის ეს ნამდვილად ბედის საჩუქარი იყო, რადგან ცხოვრებაში ძალიან რთული პერიოდი ჰქონდა – ის სამხრეთ აფრიკიდან ნიუ იორკში საბალეტო კარიერის ასაწყობად ჩავიდა, თუმცა ტრავმა მიიღო და გეგმები წყალში ჩაეყარა.
9. სარა მიშელ გელარი
სტატიის სხვა გმირებისაგან განსხვავებით, სარა მიშელის კარიერა გაცილებით ადრე, 4 წლის ასაკში დაიწყო. პატარა გოგონა დედასთან ერთად ბურგერ კინგს სტუმრობდა, როდესაც მოულოდნელად პროდიუსერი მიუახლოვდა და რეკლამაში გადაღება შესთავაზა. შეიძლება ითქვას, რომ ამ მოულოდნელმა შეხვედრამ მისი მომავალი ცხოვრება მნიშვნელოვნად განსაზღვრა და სარამ შოუბიზნესის სამყაროში მოღვაწეობა ზრდასრულ ასაკშიც გააგრძელა.
