თანამედროვე სამყაროში უფრო და უფრო ხშირად შევხვდებით დედებს, რომლებიც შვილებს მარტო ზრდიან, თუმცა მარტოხელა მამა მაინც იშვიათობაა. ასევეა ცნობილ ადამიანებშიც.
მიუხედავად ამისა, თანამედროვე მამაკაცებში მაინც მოიძებნებიან ისეთები, რომლებიც მზად არიან, თავიანთ შვილებზე ზრუნვა საკუთარ თავზე აიღონ და დამოუკიდებლად აღზარდონ ისინი. სამაგალითო და მზრუნველი მამები გვხვდებიან სელებრითებშიც. დღეს სწორედ ასეთ “მარტოხელა მამებს” გაგაცნობთ.
1. ლიამ ნისონი
10 წლის წინ ლიამ ნისონის მეუღლემ, მსახიობმა ნატაშა რიჩარდსონმა თხილამურებით სრიალისას თავი ძლიერად დაარტყა და რამდენიმე დღის შემდეგ გარდაიცვალა. ნისონი ორ, 12 და 13 წლის ვაჟებთან – დენიელთან და მაიკლთან ერთად მარტო დარჩა. ოჯახმა ტრაგედია ძალიან განიცადა, მაგრამ ურთიერთთანადგომით დანაკარგთან შეგუება შეძლეს. ლიამ ნისონი მეტად აღარ დაქორწინებულა. მან პირადი ცხოვრება შვილებს დაუთმო.
2. პირს ბროსნანი
მსახიობ კასანდრა ჰარისთან ქორწინების შემდეგ პირს ბროსნანმა მის ორ შვილი – 9 წლის შარლოტა და 8 წლის კრისტოფერი იშვილა. სამი წლის შემდეგ წყვილს ერთობლივი შვილიც შეეძინათ – შონი. ამის მერე ოჯახს ტრაგედია შეემთხვა – ბროსნანის ცოლი კიბოთი გარდაიცვალა. მსახიობი რამდენიმე წლის განმავლობაში დამოუკიდებლად ზრდიდა შვილებს და ხელახლა დაქორწინებას არ აპირებდა, თუმცა 1994 წელს მან ჟურნალისტი კილი შეი სმიტი გაიცნო და 2001 წელს მათ ურთიერთობა ოფიციალური ქორწინებით დაასრულეს. მეუღლეებს ორი საერთო შვილი: დილანი და პერისი.
3. ნიკოლას კეიჯი
ნიკოლას ქეიჯის შვილი უესტონ კოპოლა ქეიჯი 1990 წელს დაიბადა. შვილის დედაზე ქეიჯი ოფიციალურად დაქორწინებული არ ყოფილა, შემდეგ კი წყვილი დაშორდა. შვილის აღზრდის უფლება რომ მიეღო, მსახიობი ვალდებული იყო, ყოფილი შეყვარებულისთვის ჰოლივუდში მდებარე თავისი სახლი დაეთმო. საბოლოოდ დავა გადაწყდა და მსახიობმა შვილთან ცხოვრების უფლება მიიღო. ამჟამად უესტონი 28 წლისაა და დამწყები მსახიობი და მუსიკოსია, ცოტა ხნის წინ შვილიც შეეძინა.
4. ჯორჯ ლუკასი
ვარსკვლავური ომების რეჟისორი მრავალი წელი მარტო ზრდიდა სამ აყვანილ შვილს. ამანდა მან მეუღლესთან ერთად იშვილა, თუმცა წყვილის გაყრის შემდეგ გოგონა მამასთან დარჩა. ამის შემდეგ ლუკასმა გოგონა კეტი და ბიჭუნა ჯეტი იშვილა. ყოველი მათგანი ვარსკვლავური ომების ეპიზოდურ როლებში არიან გადაღებულები. ჯორჯ ლუკასი ხელახლა მხოლოდ 2013 წელს დაქორწინდა DreamWorks-ის დირექტორთა საბჭოს ხელმძღვანელ მელოდი ჰობსონზე. მალე მათ ქალიშვილი შეეძინათ.
5. ალ პაჩინო
ალ პაჩინო 3 შვილის მამაა, თუმცა ოფიციალურად არასდროს ყოფილა დაქორწინებული. უფროსი ქალიშვილი ჯული 1989 წელს დაიბადა, 2001 წელს კი მსახიობმა ბევერლი დ’ანჯელომ ალ პაჩინოს ტყუპები: ოლივია და ანტონი გაუჩინა. რამდენიმე წლის შემდეგ წყვილი ერთმანეთს გაშორდა, თუმცა მათ ცივილიზებული ურთიერთობა შეინარჩუნეს და ბავშვებთანაც თანაბარ დროს ატარებენ. მსახიობი მუდამ ცდილობდა დაძაბული სამუშაო გრაფიკიდან დრო გამოენახა და ეს დრო შვილებთან ურთიერთობისთვის დაეთმო.
6. კოლინ ფარელი
კოლინ ფარელი ორ ვაჟს: 16 წლის ჯეიმსს და 10 წლის ჰენრის ზრდის. პირველი შვილი მას მოდელ კიმ ბორდენეივისგან შეეძინა, თუმცა წყვილი დაშორდა. ამის მიუხედავად, კოლინმა შვილზე ზრუნვა თავის თავზე აიღო. 2009 წელს მსახიობს მეორე ვაჟი ეყოლა პოლონელი მსახიობისგან, რომელსაც კოლინი საკმაოდ მცირე ხანში დაშორდა.
7. ლენი კრავიცი
მუსიკოსმა ლენი კრავიცმა განქორწინების შემდეგ დამოუკიდებლად განაგრძო ქალიშვილის, ზოე კრავიცის გაზრდა. ცოლთან, ლიზა ბონეტთან ერთად ის 3 წელი ცხოვრობდა. მშობლებს ზოეს აღზრდისას თანაბარი უფლებები ჰქონდათ, თუმცა როცა გოგონას 11 წელი შეუსრულდა, მამასთან საცხოვრებლად გადავიდა. ახლა ზოე ცნობილი მსახიობი და მოდელია. მამასთან ერთად იგი ხშირად ჩნდება საზოგადოებაში.
8. ნორმან რიდუსი
მოსიარულე მკვდრების ვარსკვლავი ნორმან რიდუსი უკვე მრავალი წელია თავის ვაჟს, მინგუსს მარტო ზრდის. შვილი მას მოდელ ჰელენ კრისტენსენისგან ჰყავს, თუმცა უკვე 5 წელზე მეტია, მათი გზები გაიყო. წყვილმა შვილზე თანაბარუფლებიანი მეურვეობა გააფორმა, მაგრამ ბიჭი უმეტეს დროს მამასთან, ლოს-ანჯელესში ატარებს. ამჟამად მინგუსი 20 წლისაა. რამდენიმე წლის წინ ნორმან რიდუსმა რომანი გააბა მსახიობ დიანა კრიუგერთან და წყვილს 2018 წელს გოგონა ეყოლა.
