კომპანია HBO-ს მინი-სერიალმა ჩერნობილმა, ფურორი მოახდინა. თავისი რეიტინგით ყველა შესაძლო და შეუძლებელი რეკორდი მოხსნა.
ძნელია, ბოლომდე დაადგინო, რეალურად რა მოხდა ჩერნობილში, რადგან საბჭოთა კავშირში ამ ბირთვული კატასტროფის შესახებ ყოველგვარი ცნობა გასაიდუმლოებული იყო, იმდენად, რომ ჩერნობილის მახლობლად მცხოვრები მოსახლეობაც კი გადაასახლეს, რათა ისინი მომხდარი ტრაგედიის მოწმეები არ გამხდარიყვნენ. სწორედ ისინი არიან სერიალის გმირები – სიუჟეტი მათი თვალთახედვით ვითარდება.
რუსეთმა ბევრი რამ გააპროტესტა, რადგან მწარე სიმართლის დანახვა ამ ქვეყანას არ მოეწონა. სერიალში, ხომ საბჭოთა კავშირის გახრწნილი სისტემის სრულიად შეუფარებელი ჩვენება მოხდა. მთელი მსოფლიო საუბრობს იმაზე, თუ რეალისტურად და ამავდროულად მთელი თავისი სიმძიმით შეძლო სერიალმა გადმოეცა იმ ეპოქის მდგომარეობა. ჩვენამდე მოღწეულია კადრები, რომლებიც კატასტროფის დროს და მთელი პროცესების მიმდინარეობისას გადაიღეს, ამიტომაც ახლა შეგვიძლია ვნახოთ და შევადაროთ სერიალი – რეალობას.