მიუხედავად იმისა, რომ დისნეის ანიმაციებს ზრდასრული ადამიანებიც სიამოვნებით ვუყურებთ, მათ ძირითად აუდიტორიას მაინც ბავშვები წარმოადგენენ. სწორედ ამიტომ, ზოგჯერ ძალიან გვიკვირს, როდესაც მულტფილმებში სრულიად არასაბავშვო მომენტებს ვხვდებით.
მოდით, ერთად გავიხსენოთ სცენები, რომელთა ნახვაც არა მხოლოდ პატარებისთვის, ჩვენთვისაც კი მძიმე და, ხშირ შემთხვევაში, შემზარავიც კია:
1. ტარზანი – როდესაც კლეიტონმა, შემთხვევით, ხეზე თავი ჩამოიხრჩო
2. მაღლა – როდესაც ელიმ და კარლმა ბავშვის ოთახი გააფორმეს, თუმცა ელის მუცელი მოეშალა
3. მულანი – როდესაც ჯარისკაცებმა გამამხნევებელი სიმღერა შეწყვიტეს, რადგან მიწასთან გასწორებულ სოფელს მიადგნენ
4. ყველაზე მაგრები – როდესაც ანიმაციური ფილმი სუიციდის მცდელობით დაიწყო
5. ნემოს ძიებაში – როდესაც ბარაკუდამ ქორალი და მისი ქვირითი მთლიანად შეჭამა და მხოლოდ ნემო გადარჩა
6. კუზიანი ნოტრდამიდან – როდესაც ფროლომ ესმერალდა ახლოს მიიზიდა, თმის სურნელი შეისუნთქა და უთხრა, რომ მის ყელზე შებმული თოკი წარმოიდგინა
7. ფიფქია და შვიდი ჯუჯა – როდესაც ბოროტმა დედოფალმა საკუთარი გერის მოსაკლავად მონადირე დაიქირავა
8. ალადინი – როდესაც 15 წლის ჟასმინი იძულებული იყო, რომ ერთ წელიწადში გათხოვილიყო
9. რატატუი – როდესაც რემიმ მაღაზიის ვიტრინაში ჩამოკიდებული მკვდარი ვირთხები დაინახა
10. მეფე ლომი – როდესაც სქარი დამშეულმა აფთრებმა ცოცხლად შეჭამეს
11. სათამაშოების ისტორია – როდესაც ვუდი სიდის ნატანჯ და ნაწამებ თოჯინებს შეხვდა
12. თავდაყირა – როდესაც ბინგ ბონგმა რაილის გადასარჩენად თავი გასწირა
13. პრინცესა და ბაყაყი – როდესაც დოქტორი ფასილიერი ვუდუ დემონებმა ჯოჯოხეთში ჩაითრიეს
14. კოკო – როდესაც ერნესტომ ჰექტორი მოწამლა და მისი სიმღერები მოიპარა მხოლოდ იმიტომ, რომ ჰექტორს ოჯახთან დაბრუნება სურდა
15. დამბო – როდესაც დედა-შვილი ერთმანეთს დააშორეს, რადგან სპილო თავისი პატარას დაცვას ცდილობდა
