ალბათ, ყველას გახსოვთ ცოცხლად დამარხული რაიან რეინლოდსის მონაწილეობით – მთავარი (და, პრინციპში, ერთადერთი) პერსონაჟი გონს კუბოში მოდის, რომელიც მიწაშია ჩამარხული და თავის დაღწევა, რა თქმა უნდა, შეუძლებელია.
ახლა კი, გავიხსენოთ, რას აკეთებს იმავე სიტუაციაში უმა თურმანის გმირი ფილმიდან მოკალი ბილი 2? დიახ, ეს სწორედ ის შემთხვევაა, როდესაც რეჟისორი ჩვენს მოტყუებას ცდილობს და, შეიძლება ითქვას, კარგადაც გამოსდის. მაშ ასე, დავიწყოთ იმ მითების ჩამოთვლა, რასაც კინოში ძალიან ხშირად ვხვდებით:
1. რა თქმა უნდა, შეუძლებელია 2 მეტრის სიღრმეზე ჩამარხულმა კუბო გახსნა და მიწიდან ამობობღდე
ზემოთ აღნიშნულ ფილმში კი ბეატრიქსი ამას შიშველი ხელებით ახერხებს…
2. ადამიანი ვერ გადაურჩება ძლიერ წყალქვეშა აფეთქებას, თუ 15 მეტრის რადიუსში იმყოფება
ღრმა ლურჯ ზღვაში მთავარი პერსონაჟები დიდ აფეთქებას აწყობენ, რათა ზვიგენები გაანადგურონ, თავად კი ცოცხლები გადარჩებიან. სინამდვილეში, 30 მეტრის მოშორებითაც კი, ასეთი აფეთქებით გამოწვეული ტალღა, სიცოცხლისათვის საშიშია.
3. საკუთარი თავის გარშემო იატაკის დაცხრილვით გაქცევა წარმოუდგენელია
ეს კონკრეტული კადრი მიწისქვეშეთიდანაა, თუმცა ნუ გაიმეორებთ მას სახლში! როგორი ძლიერი იარაღიც არ უნდა გქონდეთ, ეს მეთოდი უბრალოდ არ იმუშავებს!
4. შეუძლია ერთ ხმალს მეორის შუაზე გაკვეთა?
მსგავს კადრს არაერთ ფილმში შეხვდებით – მნიშვნელობა არ აქვს, ეს უბრალოდ ხმალი იქნება, კატანა თუ ნებისმიერი სხვა ცივი იარაღი. ასეთი გზით, რა თქმა უნდა, მათი დაზიანება და თუნდაც გადაღუნვა, შესაძლებელია, მაგრამ ისე ჩამოჭრა, თითქოს პური იყოს?! არავითარ შემთხვევაში…
5. თქვენ გაქვთ დუმილის უფლება. ყველაფერი, რასაც იტყვით, შესაძლებელია გამოყენებული იყოს თქვენ წინააღმდეგ სასამართლოში
ეს ფრაზა თითქმის ყველა ფილმში ჟღერს და, როგორც წესი, პოლიციელები ეჭვმიტანილს დაკავებისთანავე ეუბნებიან. სინამდვილეში კი, დამნაშავისათვის საკუთარი უფლებების გაცნობა მას შემდეგ ხდება, რაც ის დასაკითხ ოთახში, ვიდეოკამერების მეთვალყურეობის ქვეშ აღმოჩნდება.
6. ავტომობილები ერთი გასროლით არ ფეთქდება
მხოლოდ ერთი ტყვია, რომელიც საწვავის ავზს მოხვდა, ასეთ აფეთქებას ნამდვილად ვერ გამოიწვევს… სინამდვილეში, ის უბრალოდ გაიხვრიტება და ბენზინი გადმოედინება. არც ისე ეფექტურია, არა?
7. უილიამ ვოლასს კილტი ვერ ეცმეოდა
ყველასათვის საყვარელ მამაც გულში მაყურებელი მეცამეტე საუკუნის შოტლანდიას ეცნობა, თუმცა საეჭვოა, რამდენად ახლოს დგას ფილმში აღწერილი მოვლენები რეალობასთან? როგორც მინიმუმ, დანამდვილებით შეიძლება ითქვას, რომ კოსტუმების მხატვარი ისტორიასთან მწყრალად იყო, რადგან კილტი შოტლანდიაში ფილმში განვითარებული მოვლენებიდან მხოლოდ 3 საუკუნის შემდეგ გამოჩნდა.
