ხშირად ფილმებში სიუჟეტი არა მხოლოდ რამდენიმე დღით შემოიფარგლება, არამედ წლების ისტორიასაც კი მოგვითხრობს. ეს მაყურებლისათვის, რა თქმა უნდა, კიდევ უფრო საინტერესოა, თუმცა ფილმის შემქმნელებს ერთ რთულ დავალებას უსახავს – მათ ამა თუ იმ პერსონაჟის როლზე 2 ან მეტი მსახიობის მოძებნა უწევთ, რათა მისი სხვადასხვა ასაკი წარმოგვიდგინონ.
რა თქმა უნდა, ჩვენ არ ვსაუბრობთ ისეთ გამონაკლისებზე, როდესაც ერთი მსახიობი საკუთარი გმირის ახალგაზრდობასა და სიბერეს თანაბარი წარმატებით განასახიერებს. ამ შემთხვევაში, წარმოგიდგენთ, 10 სამსახიობო დუეტს, რომელთაც სხვადასხვა ასაკის ერთი პერსონაჟი როლი შეასრულეს:
1. უბის წიგნაკი – რეიჩელ მაკადამსი, ჯენა როულანდსი
ბოლო ათწლეულების ერთ-ერთ ყველაზე პოპულარულ მელოდრამაში მსახიობებმა მთავარი პერსონაჟის, ელის ახალგაზრდობა და სიბერე განასახიერეს.
2. ჯია – ანჯელინა ჯოლი, მილა კუნისი
პატარა მილამ მაყურებლისათვის სუპერმოდელის ბავშვობა გააცოცხლა, ხოლო ენჯიმ კი ამ როლით ოქროს გლობუსი დაიმსახურა.
3. წყალი სპილოებისათვის – რობერტ პატინსონი, ჰალ ჰოლბრუკი
ფილმის მთავარი გმირი, ჯეიკობი მთხრობელის როლში გვევლინება და უკვე მოხუცებულ ასაკში საკუთარ ახალგაზრდობას იხსენებს. სწორედ მისი ორი სახე განასახიერეს რობერტმა და ჰალმა.
4. ბენჯამინ ბატონის უცნაური ამბავი – ქეით ბლანშეტი, ელ ფენინგი
ფილმის სიუჟეტი ბენჯამინ ბატონის მთელ ცხოვრებას მიჰყვება და, შესაბამისად, პერსონაჟებს სხვადასხვა ასაკში წარმოგვიდგენს. თუმცა, ბრედ პიტისაგან განსხვავებით, რომელიც საკუთარ გმირად გრიმის საშუალებით გარდაისახებოდა, დეიზის როლზე ქეით ბლანშეტი, ელ ფენინგი და მედისონ ბიტიც ვიხილეთ.
5. კაცები შავებში 3 – ჯოშ ბროლინი, ტომი ლი ჯონსი
ყველასათვის საყვარელი კომედიის მესამე ნაწილში აგენტი ჯეი წარსულში მოგზაურობს, სადაც საკუთარი კოლეგის დახმარება სჭირდება. ფილმის წინა ნაწილებში აგენტ კეის ტომი ლი ჯონსი განასახიერებდა, მისი ახალგაზრდობა კი ჯოშ ბროლინმა შესანიშნავად შეასრულა.
6. ტიტანიკი – ქეით უინსლეტი, გლორია სტუარტი
სიყვარულის ტრაგიკულ ისტორიას, რომელმაც მილიონობით მაყურებელი შეძრა, უკვე ღრმად მოხუცებული როუზი გვიამბობს და ფილმის ძირითად ნაწილში საკუთარ მოგონებებში გვამოგზაურებს, სადაც მის ახალგაზრდა ვერსიას, ქეით უინსლეტს ვხვდებით.
7. ნათლია – მარლონ ბრანდო, რობერტ დე ნირო
ვიტო კორლეონეს როლის შესრულებისათვის, ორივე მსახიობმა ოსკარი დაიმსახურა. კინოისტორიაში ეს ერთადერთი შემთხვევაა, როდესაც ერთსა და იმავე ფილმიდან, ერთი პერსონაჟის წყალობით, მსახიობებმა აკადემიის ჯილდო მიიღეს.
8. იქს ადამიანები: მომავლის განვლილი დღეები – ჯეიმს მაკევოი, პატრიკ სტუარტი
მიუხედავად იმისა, რომ მაკევოის პერსონაჟი თავად გადაადგილდება, სტიუარტი კი სავარძელსაა მიჯაჭვული, მაყურებლისათვის მაინც ცხადია, რომ ორივე მათგანი პროფესორ ქსავიერს განასახიერებს.
9. ახალგაზრდა ექიმის ჩანაწერები – დენიელ რედკლიფი, ჯონ ჰამი
მიხეილ ბულგაკოვის რომანის მიხედვით გადაღებულ ბრიტანულ სერიალში, ჩვენ ვხვდებით ექიმ ბომგარდს, რომლის ორ სხვადასხვა ასაკს შესანიშნავად განასახიერებენ ჩვენთვის კარგად ნაცნობი მსახიობები.
10. ინდიანა ჯონსი – რივერ ფენიქსი, ჰარისონ ფორდი
რა თქმა უნდა, ინდიანა ჯონსის ხსენებაზე, თვალწინ პირველ რიგში, ჰარისონ ფორდი წარმოგვიდგება, თუმცა სამართლიანობა მოითხოვს, აღინიშნოს, რომ ფენიქსმა მისი ახალგაზრდობის განსახიერება შესანიშნავად მოახერხა.
