გიფიქრიათ ოდესმე, თუ როგორი საყურებელი იქნებოდა მარველის კინოსამყარო იმ შემთხვევაში, თუ მას „R“ შეფასება ექნებოდა? დანამდვილებით შემიძლია გითხრათ, რომ ამ შეკითხვაზე პასუხი გაცემულია. ვიზუალურ ეფექტებზე მომუშავე ჯგუფმა, „The Corridor Crew“-მ, რომლებიც თავიანთ „Youtube Channel“-ზე მსგავსი კონტენტის შექმნით არიან დაკავებულნი, ცალი თვალით შეგვახედეს, თუ როგორი „მეწამული“ შესაძლოა ყოფილიყო კინოფრანჩიზა მთლიანობაში. მათ, მაგალითად, გამოიყენეს ერთ-ერთი სცენა „Capitan America: Civil War“-დან და განახლებული ვერსიით მაყურებლებს, სრულიად განსხვავებული და გროტესკული სანახაობა შესთავაზეს. ამასთან, მათ შეძლეს, რომ ჩვენი საყვარელი სუპერგმირების ძალების გამოყენება მეტად რეალისტური და ამქვეყნიური ყოფილიყო.
ვიზუალურ ეფექტებზე მომუშავე გუნდმა, საკმაოდ ხანგრძლივი ძიების შემდეგ გადაწყვიტა, რომ მარველის კონოსამყაროდან „Capitan America“-ს შესახებ ფილმები მათ საუკეთესო შესაძლებლობას მისცემდა იმისათვის, რომ სრულფასოვნად ეჩვენებინათ, თუ რას ნიშნავს „R“ რეიტინგი. მათ არჩევანი შეაჩერეს ერთ-ერთ მომენტზე, სადაც კეპი და სხვა გმირები ბროკ რუმლოუსა A.K.A „Crossbones„-ს და მის ბანდას ებრძვიან. ფილმის ორიგინალი სცენა შესანიშნავად არის შესრულებული, მშვენიერი და გასართობი, ტიპური ბიტემაფი, გატაცებისა და დევნის სცენებით. ახლა კი, ამ ყველაფერს, სისხლი ბრუტალურობა დაემატა.
