ბოლო ორი წლის განმავლობაში ნებისმიერი ადამიანი, რომელიც კინოსამყაროს რაიმე სახით მაინც ადევნებს თვალყურს სახელი და გვარი ზაკ სნაიდერი ერთხელ მაინც აუცილებლად ექნება გაგებული. განსაკუთრებულად დიდი ყურადღება რეჟისორმა და სცენარისტმა გასულ წელიწადს მიიქცია, როდესაც #ReleaseSnyderCut (გამოუშვით სნაიდერის ვერსია) მოძრაობის დამსახურებით, ცნობილი გახდა, რომ სამყარო ზაკ სანიდერის „Justice League“ იხილავდა და ასეც მოხდა. შეგახეენებთ, რომ რეჟისორი „Justice League“-ის გადაღებების (2016წ.) დროს მომხდარი ტრაგედიის (გარდაიცვალა მისი 20 წლის ქალიშვილი, რომელმაც სუიციდი ჩაიდინა) შემდგომ 4 წლით „დაიკაგა“, თუმცა მან მოახერხა საკმაოდ მძიმე სიტუაციიდან გამოსვლა და ნამდვილად ხმაურით დაბრუნება. უბრალოდ თქვა რომ „Zack Snydr’s Justice League“ კარგი იყო უმჯობესია საერთოდ არაფერი თქვა, რადგან მისი ხედვის ბლოკბასტერი რადიკალურად განსხვავებული აღმოჩნდა იმისაგან რაც 2017 წელს ჯოს უიდონმა და Warner-ებმა შემოგვთავაზეს. თუმცა ამავე პერიოდში რეჟისორი სხვა პროექტებითაც იყო და არის დაკავებული და ერთ-ერთი 2021-შუ გამოსული „Army of The Dead“-ია, რომლის პრემიერაც ნეთფლიქსზე შედგა:
უყურე „Army of The Dead“-ის თრეილერს adjaranet.com-ზე
როგორც თქვენთვის ცნობილია, მოქმედება ნევადის დედაქალაქში, ლას ვეგასში ვითარდება, სადაც ჯერ-ჯერობით მაყურებლისათვის გაურკვეველი მიზეზით ქალაქის მაცხოვრებელთა უმეტესი ნაწილი ზომბი ვირუსიით დასნეულდა. ვირუსის შეკავების მიზნით შტატების მთავრობამ ქალაქს კედელი შემოარტყა და მის სრულ განადგურებას გეგმავს. ჰიროიუკი სანადას პერსონაჟი, ბლაი ტანაკაა, წარმატებული ბიზნესმენია, რომელიც 200 000 000 აშშ დოლარს ლას ვეგასის ერთ-ერთი სამორინეს საცავში ინახავდა. დაზღვევამ ბიზნესმენს ზარალი უკვე აუნაზღაურა, თუმცა ტანაკას საკუთარი თანხის დაბრუნება აქვს ჩაფიქრებული. ამისათვის იგი, დეივ ბატისტას პერსონაჟთან, სკოტ ვარდთან მიდის, რომელიც ყოფილი ჯარისკაცია და სთავაზობს ყველაზე სარისკო ძარცვის მოწყობას (50 მილიონის სანაცვლოდ). სკოტი შეთავაზებაზე თანხმდება, იწყებს საკუთარი გუნდის შეკრებას და მალევე ზომბებით სავსე ქალაქში იწყებს შესვლას. ეს გახლავთ ფილმის მოკლე აღწერილობა, რომელიც ქრონომეტრაჟის პირველ 10-15 წუთის მანძილზე ვითარდება, ხოლო დარჩენილი 120 წუთი უკვე თავად უნდა აუცილებლად ნახოთ. რატომ?
ზირითადად, ზომბი თემატიკის ფილმები არსებობს ორი ჟანრის, ჰორორი/თრილერი ან/და კომედიური თრეში, მაშინ როდესაც სნაიდერის „Army Of Dead“, სადღაც შუაშია გაჩერებული და ეს მინუსი არ არის, პირიქით დიდი პლიუსია. უმირველეს ყოვილს აღსანიშნავია, სნაიდერის ბლოკბასტერი უფრო ჰგავს კომედიური სტილის ზომბი სლეშერს, სადაც აქცენტი სახალისო პერსონაჟებზე, ზომბების განადგურების არასტანდარტულ საშუალებებსა და თავად პერსონაჟების ზომბების მიერ ანიჰილაციაზე კეთდება. ამ ყველაფერს ემატება შესანიშნავი ოპერატორის (70% თავად სნაიდერმა გადაიღო) ნამუშევარი. რა თქმა უნდა ეს არ გახლავთ „1917“-სა და „Birdman“-ის მასშტაბის შედევრი, თუმცა თუ გავიხსენებთ, რომ ვუყურებთ ზომბი-ბლოკბასტერს ვხვდებით, რომ ოპერატორმა მაქსიმალურად ეფექტურად შეძლო რეჟისორის ჩანაფიქრის გადმოცემა. შორი თუ ახლო კადრები, ექშენ სცენები თუ უბრალო დიალოგები ოპერატორმა მაყურებელს მაქსიმალურად კომფორტულად და საინტერესოდ შესთავაზა. ასევე, ამ სტილის ფილმისათვის არაჩვეულებრივად არის შერჩეული ფერთა პალიტრა და ფილტრები, რომელიც აბოლუტურად ყველა დეტალის, მაქსიმალურად შედეგიანად აღქმაში უწყობს მაყურებელს ხელს, იქნება ეს ზომბების შუაში ბენზოხერხით გაჭრა თუ პირიქით რომელიმე პერსონაჟის სხეულით ასობით ზომბის გამასპინძლება. ხარისხიანი CGI ეფექტების ნაკლებობას ნამდვილად არ განიცდის ფილმი, იქნება ეს ქალაქის განადგურებისა თუ ორი დაპირისპირებული მხარის შეტაკება. ტრადიციული სნაიდერის სარკაზმი და იუმორიც ადგილზეა, რაც ფილმს მეტად მარტივსა და მსუბუქ საყურებელს ხდის. ექშენ სცენები კი საერთოდ ცალკე რევიუს იმსახურებს, იმდენად საინტერესოდ, სახალისოდ და მრავალფეროვნად არის გადაღებული. ასევე აუცილებლად აღსანიშნავია, რომ ფილმში არ გვხვდება აქტუალური სოციალური საკითხებით მანიპულირება ან/და რაიმე მნიშნველოვანი აზრის მაყურებლისათვის მიწოდება, არამდედ ეს გახლავთ ორ საათნახევრიანი კინოატრაქციონი, რომელიც გთავაზობთ მაქიმალურად მოეშვათ, მოდუნდეთ და სიამოვნება მიიღოთ მარტივი და პოპკორნისათვის განკუთვილი ისტორიით. შესაბამისად სნაიდერი არ ცდილობს შეგაშინოთ, შექმნას სასპენსი ან/და დაგთრგუნოთ საკუთარი ნამუშევრით, პირიქით მიზნად ისახავს თქვენს სიამოვნებას, გაცინებასა და გახალისებას.
შეგახსენებთ, რომ “Army of the Dead”- ის გადაღების იდეა 2007 წლიდან არსებობს და თავდაპირველად მისი შექმნის სურვილი Warner-ს ჰქონდათ, თუმცა საბოლოოდ 90 მილიონის სანაცვლოდ Netflix-მა მოახერხა ზომბი აპოკალიპსის შესახებ საავტორო უფლებების მოპოვება. ფილმის პროდიუსერი თავად ზაკ სნაიდერ გახლავთ, ხოლო სცენარის ავტორი კი ჯობი ჰაროლდი.
აქვე იმასაც აღვნიშნავთ, რომ აღნიშნული ფილმის წარმატების შემდგომ მალევე გადაწყდა სიკველის გადაღება, რომელზეც ნეთფლიქსი და ზაკი უკვე მუშაობენ, ხოლო მისი სახელწოდება Planet of the Dead-ია.
