სუპერგმირები, ის ადამიანები თუ არსებები, რომლებსაც ყოველგვარი სირთულის გარეშე შეუძლიათ ცალი ხელით ასწიონ ამწე, ცეცხლიდან თმაშეუტრუსავად გამოვიდნენ, კოვზით ოკეანე დაალიონ და წყალიც კი გაჭრან, სახლში ყოფნის პერიოდში მაინც ჩვეულებრივ მოქალაქეებად რჩებიან, რომლებიც ყოფითი საკითხებით არიან დაკავებულები. სუპერმენის, სპაიდერმენისა თუ ბეტმენის არაერთი გმირობის მომსწრენი გავხდით და ამასთან ერთად საკუთარი თვალით ვნახეთ მათი სუპერგმირეული ცხოვრების როგორც აღმასვლის, ისე დაღმასვლის პერიოდები. აქვე აუცილებლად აღსანიშნავია, რომ როგორი საგმირო საქმეებიც არ უნდა შეასრულონ, დღის ბოლოს მათ ჩვეულებრივი ადამიანის ყოველდღიური რუტინული ყოფის ბეჭებზე შემოდება (რაც რეალურად ყველაზე რთულია :>) ) მაინც უწევთ და ისეთი საკითხებით დაკავება, რომელიც კაცობირობისა და სამყაროს გადარჩენას არ გულიხმობს. ამ საინტერესო შეკითხვაზე, კომიქსების სტილში დახატული ნახატებით პასუხი გაგვცა ლუკას ნასციმენტომ, რომელმაც სახალისო ფორმით გვაჩვენა სუპერგმირების თავისუფალი დროის ტარების განუმეორებელი მომენტები.
