ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად შევეხეთ დაგეგმილი ბლოკბასტერებისა თუ TV შოუების პრემიერის თარიღებს, ასევე როგორც მათში მონაწილე მსახიობებსა და პერსონაჟებს. კეპი, რკინის კაცი, ჰალკი, თორი და სხვა, ის სუპერგმირიები არიან, რომლებიც წლების განმავლობაში სხვადასხვა თავბრუდამხვევ ისტორიებში იღებდნენ მონაწილეობას და არაერთხელ დაამარცხეს წარმოუდგენლად ძლიერი ბოროტმოქმედები. აქვე არაერთხელ ვახსენეთ ისიც, რომ მეოთხე ფაზიდან ვიხილეთ ახალი პერსონაჟები მკვეთრი შემოდინება, რომლებიც ნელ-ნელა ძველებს ანაცვლებენ ან მათთან ერთად რჩებიან სამომავლოდ.
ჯერ კიდევ 2020-ში კევინ ფაიგიმ „Disney’s Investors Call“-ზე გაგვიმხილა მარველისა და დისნეის ყველა იმ პროექტის შესახებ, რომელიც, როგორც უახლოეს ისე შედარებით შორეულ მომავალში მაყურებელს უნდა ენახა და ერთ-ერთი მათგანი She Hulk იყო, რომლის შესახებაც თითქმის არაფერი იყო ცნობილი, თუმცა დღეს უკვე ბევრი რამ ნათელი გახდა, მათ შორის სულ ახალი თრეილერიც:
როგორც თრეილერიდან ხედავთ, ჯენიფერ უოლტერსი (პროტაგონისტი) ადვოკატია, რომელსაც როგორც აღმოჩნდა ბრიუს ბენერის სისხლი გადაუსხეს და როგორც მის ბიძაშვილში, ასევე მასში ალტერ ეგო გაჩნდა, რომელსაც Hulk-ის სახელით ვიცნობდით და ახლა She Hulk-ის სახელით გავიცნობთ დაგეგმილ ტელესერიალში. შოუში ბოროტმოქმედებს წარმოადგენენ Tatiana, რომელსაც ჯამილა ჯამალი განასახიერებს და ტიმ როტი, რომელიც Abomination-ის როლით დაბრუნდება. სასიხარულოა იმის დანახვაც, რო მარკ რუფალო საკულტო როლით გვიბრუნდება და თაგვის სახლის მიერ დაგეგმილ ტელესერიალში აკომპანიმენტს გაუწევს She Hulk-ს და ასწავლის თუ როგორ უნდა გააკონტროლოს ყველაზე ბრაზიანი არსება მთელს დედამიწაზე:
