რა შემოსავალი მიიღო WW84-მა და რა გახდა დაბალი შეფასებების მიზეზი

როგორც, თქვენთვის ცნობილია 2 წლიანი შესვენების შემდეგ, კინოსამყარო„Warner.Bros Pictures“-ის მიერ გადაღებული „Wonder Woman 1984“-ის პრემიერას მიმდინარე წლის 5 ივნისს ელოდა. თუმცა „Covid – 19“ -თან დაკავშირებული სხვადასხვა რისკ ფაქტორების გათვალისწინებით ფილმის პირველმა ჩვენებამ, ჯერ 20 ივლისს, შემდგომ აგვისტოს თვემდე, კერძოდ კი 14-მდე გადაიწია, თუმცა  სამყაროში არსებული პანდემიის პირობებში პრემიერის თარიღი კვლავ შეიცვალა და წლის ბოლომდე უცნობი თარიღით გადაიწია.

საბოლოოდ კი კინოფრანჩიზის მეორე ნაწილის პრემიერა მიმდინარე წლის 25 დეკემბერს კინოთეატრებში შედგება. ამასთან ერთად ხსენებული თარიღიდან  „Warner“-ებმა ჩვენების ერთთვიანი ექსკლუზივი HBOMAX-ს მისცეს. აქვე აღსანიშნავია, რომ შტატებში WW84-მა 16 მილიონი აშშ დოლარის შემოსავალი მიიღო, რაც ნებისმიერი მაჩვენებლით საკმაოდ დაბალია, თუმცა თუ გავიხსენებთ არსებულ პრობლემებს მივხვდებით, რომ ეს მაჩვენებელი უკანასკნელი ერთი წლის განმავლობაში ყველაზე მაღალია. ასევე აუცილებლად უნდა დავამატოთ, რომ მსოფლიოს მასშტაბით ბლოკბასტერის მიმდინარე შემოსავლმა 85 მილიონი აშშ დოლარი შეადგინა.

ფილმის მწარმოებელ სტუდიასა და თავად რეჟისორის ფილმის შესახებ საკმაოდ დიდი მოლოდინები ჰქონდათ, ასევე როგორც თავად მაყურებელს, თუმცა რეალობა აბსოლუტურად სხვა აღმოჩნდა და შედეგად მივიღეთ ის, რომ სხვადასხვა საშემფასებლო პორტალებზე ქალი საოცრების მეორე ნაწილი საკმაოდ დაბალ შეფასებებს იღებს. DCEU-ს მასშტაბით პირველი ფილმი, Man Of Steel 2013 წელს ვიხილეთ, რომელმაც საკმაოდ კარგი შეფასებები მიიღო, მათ შორის 7.1 ★ IMDB-ზე.  თუმცა პეტი ჯენკინსის უკანასკნელმა ქმნილებამ, „WW84“-ის სახით სულ რაღაც 5.7 ★ მიიღო. აქვე შეგახსენებთ, რომ დღემდე DCEU-ში ყველაზე დაბალი შეფასება „Suicide Squad“-სა (6★) და ბოლო დროის „Birds of Prey“-ის (6.1 ★) ჰქონდათ. სამწუხაროა, რომ ფრანჩიზის მეორე ნაწილი მსგავს დაბალ შეფასებებს იღებს, მაშინ როდესაც პირველი სურათი ნამდვილი ჰიტი იყო, რომელმაც IMDB-ზე 7.5★ მიიღო, ხოლო Rotten Tomattoes-ზე კრიტიკოსების 93% ხოლო აუდიტორიის 84% დაიმსახურა.

დაბალი შეფასებების და მიუხედავად პეტი ჯენკინსი ამტკიცებს, რომ ფრანჩიზის მესამე ნაწილზე მუშაობა უკვე დაწყებულია და მაყურებელი მას გალ გადოტთან ერთად მთავარ როლში აუცილებლად საკმაოდ მალე იხილავს.

შეგახსენებთ, რომ გალ გადოტის მიერ განსახიერებული ამაზონელთა პრინცესის ისტორიამ, წინა ფილმთან შედარებით (პირველი მსოფლიო ომის პერიოდი) თანამედროვე დროში გადმოინაცვლა და მოქმედება 1984 წელს ვითარდება, სადაც სუპერგმირს ახალი წინააღმდეგობების გადალახვა თუ ბოროტმოქმედების დამარცხება უწევს. ფილმის დაბალი შეფასებების ძირითად მიზეზს კი ფილმის შინაარსის რღვევა და თეთრი ლაქების არსებობა წარმოადგენს. ბლოკბასტერში მოქმედებები ხდება იმიტომ რომ უნდა ხდებოდეს და არა რაიმე ლოგიკური აზრისა ან/და პერსონჯების სურვილის გამო. ფილმის პრობლემებზე საუბრარი სპოილერების გარეშე შეუძლებელია, შესაბამისად, უმჯობესია, რომ ფრანჩიზის მეორე ნაწილი აუცილებლად თავად ნახოთ და შეფასებებიც ყურების შემდგომ საკუთარი გააკეთოთ.