პარამაუნტი ახალ Face Off – ს გადაიღებს

კინომოყვარულებს 90-იანი წლები სასიამოვნოდ ახსენდებათ. ეს იყო პერიოდი, როდესაც იქმნებოდა ისეთი შედევრები, როგორებიცაა, „გაქცევა შოუშენკიდან“, „მაკულატურა“, „მატრიცა“, „ფორესტ გამპი“ და კიდევ სხვა მრავალი შესანიშნავი ფილმი (1990-1999 წლების საუკეთესო სურათები შეგიძლიათ იხილოთ ბმულზე), თუმცა ქართულ რეალობაში, ეპოქაში, როდესაც დაინგრა საბჭოთა კავშირი, დაიწყო აფხაზეთისა და სამოქალაქო ომი, ახალგაზრდებს შორის ყველაზე დიდი პოპულარობით ე.წ „ბოევიკები“ სარგებლობდა. ყოველი ჩვენგანი „დიდებული ბიჭების“, „კაზინოს“, „შერკინებისა“ და „ცოფიანი ძაღლების“ ვიდეო-კასეტების ყიდვა/გაყიდვაში, გაცვლა/გამოცვლასა და ქირაობაში გაიზარდა.

ერთ-ერთი ასეთი მძაფრსუჟეტიანი სურათი 90-იანების მიწურულს, კერძოდ 1997 წელს ჯონ ვუმ გადაიღო. ფილმში იმ პერიოდის მეგა ვარსკვლავები, ნიკოლას კეიჯი და ჯონ ტრავოლტა იღებენ მონაწილეობას, რომლებმაც უდაოდ ეპოქალური დაპირისპირება შემოგვთავაზეს, სადაც ორივე მსახიობი გვევლინებოდა პროტაგონისტადაც და ანტაგონისტადაც, შერკინება სადაც, ორივე მსახიობი ვიხილეთ როგორც გმირის, ისე ბოროტმოქმედის როლში. სიტყვა რომ აღარ გაგვიგრძელდეს გთავაზობთ დაუვიწყარ- „სახის გარეშეს“.

ჯონ ვუს ფილმმა მაყურებლისა და კრიტიკოსების სიმპათიები დაიმსახურა და იმ პერიოდისათვის საკმაოდ კარგი შემოსავალი, 245 მილიონი აშშ დოლარი მიიღო. როგორც წესი, ჰოლივუდში წარმატებული ფილმების შემდეგ მეტი შემოსავლის მიღების წყურვილით დამხჩვალი დიდი ბოსები, სიკველებს, პრიკველებს და კიდე უამრავ სხვა რამეს იღებენ, რითაც უზარმაზარ ფრანჩიზებს ქმნიან, მაგრამ „სახის გარეშე“  გაურკვეველი მიზეზის  გამო 22 წლის განმავლობაში გაგრძელების გარეშე დარჩა, თუმცა ეს ფაქტი არც თუ ისე დიდი ხნის წინ შეიცვალა.

სულ ცოტა ხნის წინ, დანამვილებით გახდა ცნობილი, რომ „პარამაუნტი“ ხსენებული მძაფრსიუჟეტიანი ფილმის მოტივებზე ახალ სურათს გადაიღებს. დღემდე რეჟისორის სკამი არავის ჰქონდა დაკავებული, თუმცა ახლა ირკვევა რომ  მას ადამ უინგარდი და საიმონ ბარეტი დაიკავებენ. აქვე აღსანიშნავია, რომ თავდაპირველად ფილმისათვის სცენარის ნულიდან შექმნა, ორენ უზიელს დაევალა, თუმცა ეს ახლა და მისი შექმნით ადამი და საიმონი არიან დაკავებულნი. ამასთან უნდა ითქვას, რომ პარამაუნტის თავდაპირველ გეგმას წარმოადგენა „Face Off“-ის რებუტი, რაც იმას ნიშნავდა, რომ ფილმში მოვლენები აბსოლუტურად იგივენაირად განვითარდებოდა, განსხვავება კი ფილმის გადაღების სტილსა და მსახიობებში იქნებოდა. თუმცა ადამმა საკუთარ ინსტაგრამ პოსტში აღნიშნა, რომ „სახის გარეშე“ ისედაც შესანიშნავი მძაფრსიუჟეტიანი ფილმია, რომლის რიმეიკსაც იგი არასოდეს გადაიღებდა. მისი სურვილია გადაიღოს ფილმის პირდაპირი სიკველი:

შესაბამისად  სასიხარულოა, რომ ლეგენდარული ფილმი საბოლოოდ სიკველს მიიღებს და მაყურებელი საბოლოოდ სრულფასოვან კინოფრანჩიზას იხილავს.  ასევე სასიხარულოა და დამაიმედებელი ის ფაქტი, რომ პროექტში დევიდ პერმუტი რჩება, როგორც აღმასრულებელი პროდუსერი და მის სიტყვაზე ბევრი რამ იქნება დამოკიდებული, რამაც შესაძლოა ორიგინალი ფილმის სტილის შენარჩუნებაზეც იქნიოს ზეგავლენა.

თუ ვენდობით გავრცელებულ ინფორმაციას, სტუდია „პარამაუნტი“ გეგმავს სრულიად განაახლოს სამსახიობო გუნდი და ფილმში ახალი არტისტები მოიწვიოს, თუმცა ჯონ ტრავოლტას პერსონაჟის, შონ არჩერის ფილმში გამოჩენის მცირე შანსი მაინც რჩება, თანაც თუ მხედველობაში მივიღებთ, რომ  ახალი ფილმი სიკველი იქნება. იმედია, ჯონ ტრავოლტასა და ნიკოლას კეიჯს ერთად პატარა კამეოში მაინც ვიხილავთ.

ჯერ-ჯერობით უცნობია, „სახის გარეშეს“ გამოსვლის თარიღი, არც გადაღებების დაწყების დროა ცნობილი, თუმცა თუ ყველაფერი სტუდიისა და პროდუსერების გეგმის მიხედვით წავა და კიდევ ერთი მსოფლიო პანდემია ხელს არ შეუშლის, ფილმს არც თუ ისე შორეულ მომავალში ვიხილავთ და „ბოევიკების მოყვარულები“ მივიღებთ ნოსტალგიურ სიამოვნებას, რომელიც 90-იანების უშუქობის პერიოდსა და ვიდეოებში გაჭედილ კასეტებს გაგვახსენებს.