კინოინდუსტრია მე-20 საუკუნის დასაწყისიდან საკმაოდ მომგებიანი ბიზნესი გახდა და სხვადასხვა კინოსტუდიები საუკეთესო პროდუქტის შექმნაში ერთმანეთს ეჯიბრებიან და ჯანმრთელი კონკურენციის პირობებში იქმენა პროდუქტი, რომელშიც მაყურებლი თანხას არ იშურებს. იმისათვის, რომ ფილმი წარმატებული გახადო, გარდა კარგი რეჟისორის, პროდუსერის, გადამღები ჯგუფისა და სხვა მნიშნველოვანი დეტალებისა აუცილებელია კარგი და ცნობილი მსახიობები, ე.წ MovieSellers-ები (ვის გამოც მაყურბელი ფილმის საყურებლად მიდის). წარმატებულ ფილმებში რა თქმა უნდა სახელგანთქმული მსახიობები იღებენ მონაწილეობას და წარმოუდგენლად დიდ გასამრჯელოს იღებენ. მაგალითად, რობერტ დაუნი უმცროსმა „Avengers“-ის ფრანჩიზის უკანასკნელ ორ ფილმში „Infinity Saga“-ში, ჰონორარის სახით ერთბაშად 80 მილიონ აშშ დოლარი მიიღო. მსგავსი სახის ინფორმაცია, ასევე როგორც მსახიობების მიერ სარფიან შემოთავაზებებზე უარის თქმის საკითხები ჩვენ უკვე ერთხელ გავიხილეთ ჩვენს წინა სტატიში, თუმცა ახლა გვაქვს სურვილი შემოგთავაზოთ ის მსახიობები, რომლებმაც უბრალოდ საკმაოდ ცნობილ, გავლენიან და საკულტო პერსონაჟების გასახიერებაზე ამა თუ იმ მიზეზით თქვეს უარი. არავინ იცის, რამდენად „ისტორიული“ გახდებოდა ესა თუ ის პერსონაჟი სხვა მსახიობის შესრულებით, თუმცა ფაქტი ისაა, რომ ზოგიერთმა A რანგის ჰოლივუდის მსახიობმა, საკმაოდ საინტერესო და სამომავლოდ ცნობილ როლზე თქვეს უარი:
Hannibal Lectеr (The Silence of the Lambs, 1991)
კრისტოფერ ლოიდი, პატრიკ სტიუარტი, ფორესტ სტივენ უიტაკერი და სხვა ცნობილი მსახიობები, როგორებიც არიან შონ კონერი, დასტინ ჰოფმანი, რობერტ დიუვალი, ჯეკ ნიკოლსონი და რობერტ დე ნირო განიხილებოდნენ ჰანიბალ ლექტორის როლზე. შონ კონერიმ უარი თქვა როლზე და აღნიშნა, რომ სცენარი „ამაზრზენი” იყო, ხოლო რობერტ დე ნირო ზედმეტად დიდხანს ფიქრობდა… რეჟისორმა დუვალისგან პასუხი საერთოდ არ მიიღო. ვისაც არ უყოყმანია არც ერთი წამი ენტონი ჰოპკინსია… მან ოსკარიც მიიღო…
Edward Lewis (Pretty Woman, 1990)
ამ რომანტიკულ კომედიაში რიჩარდ გირი ასრულებს ბიზნესმენ ედვარდ ლუისს როლს. მსახიობი ოქროს გლობუსზეც იყო ნომინირებული. მაგრამ ედვარდის როლი შეიძლებოდა სრულიად სხვა მსახიობის შეესრულებინა – შონ კონერი, ჰარისონ ფორდი, სილვესტერ სტალონე და ჯონ ტრავოლტა. მაგრამ ყველა მათგანმა უარი თქვა როლზე სხვადასხვა მიზეზის გამო.
Paul Sheldon (Misery, 1990)
ჯეიმს კაანმა შეასრულა მწერლის, პოლ შელდონის როლი ოსკაროსან თრილერში Misery, რომელიც დაფუძნებულია სტივენ კინგის რომანზე. მან მიიღო სატურნის ჯილდოს ნომინაცია თავისი ნამუშევრებისთვის. მაგრამ სანამ მსახიობი როლს მიიღებდა, პერსონაჟის განსახიერებს უორენ ბიტის, რობერტ დე ნიროს, მაიკლ დუგლასს, რიჩარდ დრეიფუსს, ჰარისონ ფორდს, მორგან ფრიმანს, მელ გიბსონს, ჯინ ჰეკმენს, დასტინ ჰოფმანს, უილიამ ჰურტს (ორჯერ), კევინ კლაინს, ალ პაჩინოს, რობერტ რედფორდს, დენზელ ვაშინგტონსა და ბრიუს უილისს შესთავაზეს . ყველა მათგანმა უარი თქვა, ხოლო წლების შემდეგ, უილისმა ეს როლი ბროდვეის სპექტაკლში შეასრულა.
Walter White (Breaking Bad, 2008-2013)
ბრაიან კრენსტონი საკულტო სერიალ Breaking Bad-ში პროტაგონისტს ასახიერებს. ის შოურანერმა ვინს გილიგანმა აირჩია. მაგრამ პროდიუსერებს ეს იდეა არ მოეწონათ და მათ როლი ორ მსახიობს, ჯონ კიუსაკსა და მეთიუ ბროდერიკს შესთავაზეს. თუმცა, როდესაც ორივე მათგანმა უარი თქვა, სტუდიის ხელმძღვანელები დათანხმდნენ კრენსტონს უოლტერ უაიტის როლი რომ შეესრულებინა.
General Zod (Man of Steel, 2013)
ზაკ სნაიდერის ფილმში მაიკლ შენონმა განასახიერა მთავარი ბოროტმოქმედი, გენერალი ზოდი. ის მოვიდა კრიპტონიდან დედამიწის დასაპყრობად და დასამონებლად. საინტერესოა, რომ ის შეიძლება ვიგო მორტენსენსა ან/და დენიელ დეი-ლუისს განესახიერებინათ…
Green Goblin (Spider-Man, 2002)
მწვანე გობლინის როლი მელ გიბსონს, ჯონ ტრავოლტას, რობერტ დე ნიროს და სხვა მსახიობებს შესთავაზეს, ასევე როგორც ნიკოლას კეიჯს, ჯონ მალკოვიჩს და ჯიმ კერის. ყველა მათგანმა უარი თქვა. საბოლოოდ როლი უილიამ დეფოს ერგო…
Captain John Miller (Saving Private Ryan, 1998)
ტომ ჰენკსმა განასახიერა კაპიტანი ჯონ მილერი, რომელიც იღებს ბრძანებას, იპოვონ რაიანი და დააბრუნოს შინ. თავდაპირველად როლზე მელ გიბსონი და ჰარისონ ფორდი განიხილებოდნენ, მაგრამ რეჟისორმა სტივენ სპილბერგმა ჰენქსი აირჩია.
Maximus (Gladiator, 2000)
მაქსიმუსის როლი რასელ ქროუმ შეასრულა და საუკეთესო მსახიობი მამაკაცის ნომინაციაში ოსკარიც მიიღო. შესაძლოა, ფილმი ასეთი წარმატებული არ ყოფილიყო, მაქსიმუსი სხვა მსახიობს რომ განესახიერებინა. ანტონიო ბანდერასი, ჰიუ ჯეკმენი ან მელ გიბსონი მოიაზრებოდნენ თავიდან როლებზე, თუმცა მათ უარი თქვეს.
Stuart “Stu” Shepard (Phone Booth, 2002)
პროტაგონისტის როლი თავდაპირველად შესთავაზეს მარკ უოლბერგს, ნიკოლას კეიჯს, ტომ კრუზის, მელ გიბსონს და ჯიმ კერის შესთავაზეს. ყველა მათგანმა უარი თქვა. სხვათა შორის, კერი თავიდან დათანხმდა, მაგრამ შემდეგ უარი თქვა, ხოლო უოლბერგმა გადაწყვიტა მაიმუნების პლანეტის სასარგებლოდ მიეღო გადაწყვეტილება. საბოლოოდ როლი კოლინ ფარელს შეხვდა…
Alonzo Harris (Training Day, 2001)
ამ ფილმში ორი მთავარი როლიდან ერთ-ერთი კორუმპირებული დეტექტივი, ალონცო ჰარისია, რომელიც დენზელ ვაშინგტონმა განასახიერა. ფილმმა მრავალი ჯილდო მიიღო, ხოლო დენზელს ფილმმა ოსკარი მოუტანა საუკეთესო მსახიობი მამაკაცის ნომინაციაში
God (Bruce Almighty, 2003)
როგორც გახსოვთ, ამ კომედიაში ღვთის როლი მორგან ფრიმენმა შეასრულა. თუმცა, თავდაპირველად ის ჯეკ ნიკოლსონსა და რობერტ დე ნიროს შესთავაზეს, მაგრამ მათ უარი განაცხადეს…
