მოგეხსენებათ, რომ ყველა დროის ერთ-ერთი ყველაზე პოპულარული თამაშის „Mortal Kombat”-ის ამავე დასახელების ეკრანიზაცია 1995 წელს გამოვიდა, ხოლო 1997 წელს ფანებს უკვე სასიკვდილო ბრძოლიის სიკველის ნახვა შეეძლოთ. მიუხედავად იმისა, რომ ორივე ფილმმა სხვადასხვა იმ დროინდელი კრიტიკოსების მიერ საკმაოდ დაბალი შეფასებები მიიღო, კინომოყვარულებისათვის ორივე სურათი მაინც ფასდაუდებელ საგანძურად იქცა და საბრძოლო ხელოვნების კატეგორიის ფილმებს შორის დღესაც ერთ-ერთი საუკეთესოა. ხსენებული ფილმის ორიგინალ საუნდრეკზე საუბარიც კი არ ღირს იმდენად საკულტო და ცნობილი კომპოზივციებისაგან შედგება ფილმი. „Chose Your Destiny“-ის გაგონებაც კი საკმარისი იყო იმისათვის, რომ Karate-სა და Kung Fu-ს სტილში ხელჩართული ბრძოლა შემდგარიყო ტელევიზორის წინ მოკალათებულ პატარებს შორის.
ახლა კი 21-ე საუკუნის პატარებს შეეძლებათ იხილონ სულ ახალი Mortal Kombat, რომელიც 2021-ში გამოვა. სტუდია „Warner Brothers” საკულტო კომპიუტერული თამაშის მორიგი ეკრანიზაციისთვის ემზადება. გავრცელდა ინფორმაცია, რომ ავსტრალიელმა მსახიობმა ჯოელ ედგერტონმა მომავალ ფილმში შესაძლოა ერთ-ერთი ანტაგონისტის კანოს როლი შეასრულოს, თუმცა სხვა არაფერი იყო ცნობილი ფილმის შესახებ, დღემდე. სულ ცოტა ხნის წინ „Warner.Bros“-მა ფილმიდან რამოდენიმე საინტერესო ფოტოსურათი გამოაქვეყნე, რითაც საკმაოდ გაახარეს ფანები და ამასთან ერთად შეგვახსენეს, რომ ფილმზე მუშაობა არ შეჩერებულა და მას სულ მალე ვიხილავთ.
აქვე აღვნიშნავთ, რომ რებუთის სიუჟეტის შესახებ ცოტა რამ არის ცნობილი, თუმცა პატარ-პატარა დეტალები ცნობილი ნამდვილად ხდება. მაგალითად ის რომ ფილმში, თამაშისათვის დამახასიათებელი FATALITY-ების ნახვა არაერთხელ იქნება შესაძლებელი და ასევე, ის რომ კინემატოგრაფიის ისტორიაში ერთ-ერთი ყველაზე საინტერესო და ხანგრძლივი ხელჩართული ბრძოლით დატკბობა იქნება შესაძლებელი ფილმში. რეჟისორის სკამს საიმონ მაკკუოიდი დაიკავებს, სცენარის ავტორი გრეგ რუსო იქნება, ხოლო ერთ-ერთი აღმასრულებელი პროდიუსერის მოვალეობებს ჯეიმს ვანი შეასრულებს. ფილმის პრემიერა მიმდინარე წლის 16 აპრილს დაგეგმილი, როგორც კინოთატრებში ისე HBOMAX-ზე.
