ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად შევეხეთ დაგეგმილი ბლოკბასტერებისა თუ TV შოუების პრემიერის თარიღებს, ასევე როგორც მათში მონაწილე მსახიობებსა და პერსონაჟებს. კეპი, რკინის კაცი, ჰალკი, თორი და სხვა, ის სუპერგმირიები არიან, რომლებიც წლების განმავლობაში სხვადასხვა თავბრუდამხვევ ისტორიებში იღებდნენ მონაწილეობას და არაერთხელ დაამარცხეს წარმოუდგენლად ძლიერი ბოროტმოქმედები.
როგორც თქვენთვის ცნობილია, მარველის მეოთხე და მეხუთე ფაზებისათვის არაერთი მსხვილბიუჯეტიანი ბლოკბასტერი, ტვშოუ და ანიმაციაა დაგეგმილია და გამოსული. მოგეხსენებათ, რომ 2020 წლის ბოლოდან დისნეისა და მარველის არაერთი პროექტი ვიხილეთ: „The Falcon and The Winter Soldier“, „WandaVision“, „Loki“, „Black Widow“, „What If?!“ და სხვა. „Shang-Chi and The Legend Of The Ten Rings“-ის, „Eternals“-ის, „Hawkeye“-სა და „Spider Man: No Way Home-ის“ ყურება სულ ახლახანს დავასრულეთ და ნელ-ნელა უახლოვდებით იმ ნიშნულს, სადაც ძველი პერსონაჟები მაქსიმალურად ახლებით ჩანაცვლდებიან. ჩვენი წინა სტატიებიდან გაიგებდით, რომ მარველის გაფართოებულ კინოსამყაროში „Moon Knight“-იც ჩაერთვება, პერსონაჟი, რომელიც კომიქსების მოყვარულთათვის 70-იანი წლებიდან არის ცნობილი, ხოლო დანარჩენი მაყურებელი კი მას დაგეგმილი ტელესერიალიდან გაიცნობს.
შეგახსენებთ, რომ „Moon Knight“ ცნობილია, როგორც მარკ სპექტორი, ყოფილი შტატების ჯარისკაცი, რომელიც ღალატის შედეგად მოკლეს, თუმცა ეგვიპტის მთვარის ღმერთთან დადებული გარიგების შედეგად რეინკარნირებულ იქნა და ახლა ბოროტების წინააღმდეგ იბრძვის. პერსონაჟისა და დაგეგმილი სერიალის შესახებ ნელ-ნელა მეტი და მეტი ინფორმაცია ხდება ხელმისაწვდომი, მათ შორის ის რომ მომავალ ორშაბათს, 17 დეკემბერს „Moon Knight“-ის სრულფასოვანი თრეილერის პრემიერა შედგება, სადაც გამოსვლის თარიღსა და ზოგადად დაგეგმილი სერიალის შესახებ ზოგად ინფორმაციას გავიგებთ. მანამდე კი სტუდიამ საკუთარ Twitter-ის გვერდზე შოუს კიდევ ერთი თიზერი გაავცელა და მიუხედავად იმისა, რომ ვიდეო სულ რაღაც 15 წამიანი გრძელდება, საკმაოდ ბევრი ახალი და საინტერესო დეტალის შემჩნევა გახდა შესაძლებელი:
მეორე თიზერი
Tune in MONDAY for the world trailer premiere of the all-new @disneyplus original series, @marvelstudios’ #MoonKnight 🌙 during the NFL Super Wild Card matchup on @espn/@abcnetwork. pic.twitter.com/p248BIAcM7
— Hulu (@hulu) January 15, 2022
თიზერიდან რამოდენიმე საკმაოდ საინტერესო ფაქტი ხდება ცნობილი, პირველი ის რომ მთვარის რაინდი, საკმაოდ ცივსისხლიანი პერსონაჟი იქნება, რასაც მარტივად მისი ზურგით დგომა და ჩვენთვის უცხო პერსონაჟისათვის გამეტებით სახეში რტყმა ამტკიცებს, ასევე შეგახსენებთ, რომ „Moon Knight“-ი მარკ სპექტორის ალტერ ეგოა, რომელიც ეგვიპტის ღმერთის, ხონშუს ნების გამტარებელია, ასევე პერსონაჟს „იდენტურობის დისოციაციური აშლილობა“ აწუხებს, მარტივად რომ ვთქვათ პიროვნების გაორება, რასაც ოსკარ აიზეკის სარკის წინ დგომა და წამიერი გარდასახვა ამტკიცებს. მას საკუთარ თავში შექმნილი ჰყავს არაერთი პიროვენბა, რომლებსაც სხვადსხვა ხასიათი გააჩნიათ, სხვადასხვა როლებს ასრულებენ და განსხვავებული საქმიანობების სპეციალისტებიც არიან. მთვარის რაინდის ეს კანონიკური შტრიხიც აუცილებლად იქნება გამეორებული სერიალში. ამის შემჩნევის საშუალებას თავად პერსონაჟ(ებ)ი იძლევა, როდესაც იგი საუბარს იწყებს იმის შესახებ, თუ როგორი ძნელია ვერ არჩევდე სიზმარსა და ცხადს. თრეილერში ასევე ისმის პერსონაჟის ალტერ ეგოების ხმაც, რომლებსაც თავისთავად საუბრის დროს ხმის ტემბრი და რითმი ეცვლებათ (იხილეთ პირველი თიზერი). ხშირად „Moon Knight“-ს Batman-ს ადარებდნენ, რადგან, როგორც ბრიუს უეინი, ასევე მარკ სპექტორი წარამტებული ბიზნესმენია. ორივეს შეუზღუდავი ფინანსური შესაძლებლობები გააჩნიათ, რასაც რა თქმა უნდა გაჯეტების შექმნასა და ბოროტმოქმედების წინააღმდეგ ბრძოლაში იყენებენ. ორივე შესანიშნავი გამომძიებელია და მიუხედავად იმისა, რომ ორივე საკმაოდ რაციონალურ პერსონაჟია, განსაკუთრებული სისასტიკით გამოირჩევიან. მათ შორის ერთი დიდი განსხვავება მაინც რჩება, მთვარის რაინდს სუპერძალები გააჩნია და იგი ცეცხლსასროლ იარაღსაც იყენებს.
პირველი თიზერი
აქვე შეგახსენებთ, რომ საწყისი ეტაპისათვის მთვარის რაინდის შესახებ დაიგეგმა 55-60 წუთიანი ქრონომეტრაჟის ექვსი ეპიზოდისაგან შემდგარი ტელესერიალი, რომლის გადაღებებიც ბუდაპეშტში მიმდინარეობდა. ოსკარ აიზეკი, რომელიც „Moon Knight“-ს განასახიერებს, მარველის კინოსამყაორში მანამდეც გამოჩენილა და 2016 წლის „X-Men: Apocalypse“-ში , უძველესი მუტანტის, „Apocalypse“-ის როლი შეასრულა, თუმცა მისი ხსენებულ როლში ამოცნობა საკმაოდ რთული საქმეა. შესაბამისად სუპერძალების მქონე პერსონაჟების გასახიერება მსახიობისათვის რაიმე ახალი არ იქნება, თუმცა ის რომ მსახიობს ერთი პროექტის ფარგლებში ხუთამდე პერსონაჟის გასახიერება მოუწევს მაინც საკმაოდ დიდ გამოწვევად რჩება. ასევე, თუ პროტაგონისტზე ვსაუბრობთ, აუცილებლად უნდა ვახსენოთ მისი მეტოკეც. ცნობილია რომ Moon Knight-ში ბოროტმოქმედს Ethan Hawk განასახიერებს, რომელიც სულ ერთი წამით გამოაჩინეს და მოკლე წინადადების თქმა მოასწრებინეს „There’s Chaos in You“ (შენში ქაოსია). თავად ითანმა ერთ-ერთ ინტერვიუში აღნიშნა, რომ მან მისი პერსონაჟი David Koresh-ის მაგალითზე შექმნა (დევიდ კორეში დავითიანების სექტის ლიდერი იყო, რომელმაც 1993 წელს ტექსასის ერთ-ერთ ქალაქში, სექტის სხვა წარმომადგენელთან ერთად საკუთარი „ციხესიმაგრიდან“ ცეცხლი გაუხსნა შტატების ჯერ პილიციას, შემდგომ კი FBI-სა და თავდაცვით ძალებს. ოპერაცია 1993 წლის 17 თებერვალს დაიწყო და 51 დღე მიმდინარეობდა, საბოლოოდ სექტის აბსოლუტურად ყველა წევრი გარდაიცვალა (ხანძარში), მათ შორის 21 ბავშვი (ბავშვები თავად სექტის წევრებმა იარაღიდან დახოცეს). მთვარის რაინდს კომიქსებში საკმაოდ ბევრი მეტოქე ჰყვს, შესაბამისად რთულია წინასწარ თქვა თუ ვინ იქნება მთავარი ბოროტმოქმედი ხსენებულ სერიალში, თუმცა აღსანიშნავია, რომ ითანის კალიბრის მსახიობი ნებისმიერ დავალებას გაართმევს თავს. თუ ამომწურავ არა, დაახლოებით ინფორამციას სულ რაღაც 2 დღეში გავიგებთ, მანამდე კი გეტყვით, რომ წესით სერიალში მოვლენები ეგვიპტის ღმერთების დაპირისპირების ირგვლივ უნდა განვითარდეს, სადაც დრო ასევე გამოძიებებსა და საინტერესო Plot Twist-ებს დაეთმობა. აქვე იმასაც აღნიშნავენ, რომ სერიალის პრემიერა იმაზე უფრო ადრე შედგება ვიდრე მას ელოდნენ და ვარაუდობენ რომ ეს მარტის დასაწყისში მოხდება.
შეგახსენებთ, რომ პერსონაჟი პირველად 1975 წელს, Werewolf by Night #32-ში გამოჩნდა. მისი შემქმნელები მწერალი დაგ მოენჩი და მხატვარი დონ პერლინი არიან. რაც შეეხება Moon Knight-ის ძალებს აუცილებლად აღსანიშნავია, რომ მას დეტექტივის არაჩვეულებირივი შესაძლებლობები გააჩნია, ასევე სრულფასოვნად ფლობს არაერთ საბრძოლო ხელოვნებასა და ცეცხსასროლ იარაღს. მას ზებუნებრივი ფიფიზკური ძალა, სიჩქარე და გამძლეობა გააჩნია, რომელთა სიმძლავეზე მთვარის ციკლი დიდ ზეგავლენას ახდენს. როგორც უკვე ვახსენეთ, კომიქსების თანახმად, პერსონაჟს „იდენტურობის დისოციაციური აშლილობა“, მარტივად რომ ვთქვათ პიროვნების გაორება აწუხებს.
