ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად შევეხეთ დაგეგმილი ბლოკბასტერებისა თუ TV შოუების პრემიერის თარიღებს, ასევე როგორც მათში მონაწილე მსახიობებსა და პერსონაჟებს. კეპი, რკინის კაცი, ჰალკი, თორი და სხვა, ის სუპერგმირიები არიან, რომლებიც წლების განმავლობაში სხვადასხვა თავბრუდამხვევ ისტორიებში იღებდნენ მონაწილეობას და არაერთხელ დაამარცხეს წარმოუდგენლად ძლიერი ბოროტმოქმედები.
როგორც თქვენთვის ცნობილია, მარველის მეოთხე და მეხუთე ფაზებისათვის არაერთი მსხვილბიუჯეტიანი ბლოკბასტერი, ტვშოუ და ანიმაციაა დაგეგმილია. მოგეხსენებათ, რომ 2020 წლის ბოლოდან ჩვენ უკვე დისნეისა და მარველის არაერთი პროექტი ვიხილეთ: „The Falcon and The Winter Soldier“, „WandaVision“, „Loki“, „Black Widow“, „What If?!“ და სხვა. „Shang-Chi and The Legend Of The Ten Rings“-სა და „Eternals“-ის ყურება სულ ახლახანს დავასრულეთ და ნელ-ნელა უახლოვდებით იმ ნიშნულს, სადაც ძველი პერსონაჟები მაქსიმალურად ახლებით ჩანაცვლდებიან. ჩვენი წინა სტატიებიდან გაიგებდით, რომ მარველის გაფართოებულ კინოსამყაროში „Moon Knight“-იც ჩაერთვება, პერსონაჟი, რომელიც კომიქსების მოყვარულთათვის 70-იანი წლებიდან არის ცნობილი, ხოლო დანარჩენი მაყურებელი კი მას დაგეგმილი ტელესერიალიდან გაიცნობს.
შეგახსენებთ, რომ „Moon Knight“ ცნობილია, როგორც მარკ სპექტორი, ყოფილი შტატების ჯარისკაცი, რომელიც ღალატის შედეგად მოკლეს, თუმცა ეგვიპტის მთვარის ღმერთთან დადებული გარიგების შედეგად რეინკარნირებულ იქნა და ახლა ბოროტების წინააღმდეგ იბრძვის. პერსონაჟისა და დაგეგმილი სერიალის შესახებ ნელ-ნელა მეტი და მეტი ინფორმაცია ხდება ხელმისაწვდომი, ხოლო მიმდინარე ეტაპზე „Moon Knight“-ის თიზერ თრეილერის ნახვა გახდა შესაძლებელი, რომელიც Disney-იმ სხვა პრეოქტების ხანმოკლე თიზერებთან ერთად სულ ახლახანს გაავრცელა:
თიზერიდან რამოდენიმე საკმაოდ საინტერესო ფაქტი ხდება ცნობილი, პირველი ის რომ მთვარის რაინდი, საკმაოდ ცივსისხლიანი პერსონაჟი იქნება, რასაც მარტივად მისი ზურგით დგომა და ჩვენთვის უცხო პერსონაჟისათვის გამეტებით სახეში რტყმა ამტკიცებს, ასევე შეგახსენებთ, რომ „Moon Knight“-ი მარკ სპექტორის ალტერ ეგოა, რომელიც ეგვიპტის ღმერთის, ხონშუს ნების გამტარებელია, ასევე პერსონაჟს „იდენტურობის დისოციაციური აშლილობა“ აწუხებს, მარტივად რომ ვთქვათ პიროვნების გაორება. მას საკუთარ თავში შექმნილი ჰყავს არაერთი პიროვენბა, რომლებსაც სხვადსხვა ხასიათი გააჩნიათ, სხვადასხვა როლებს ასრულებენ და განსხვავებული საქმიანობების სპეციალისტებიც არიან. მთვარის რაინდის ეს კანონიკური შტრიხიც აუცილებლად იქნება გამეორებული სერიალში. ამის შემჩნევის საშუალებას თავად პერსონაჟ(ებ)ი იძლევა, როდესაც იგი საუბარს იწყებს იმის შესახებ, თუ როგორი ძნელია ვერ არჩევდე სიზმარსა და ცხადს. თრეილერში ასევე ისმის პერსონაჟის ალტერ ეგოების ხმაც, რომლებსაც თავისთავად საუბრის დროს ხმის ტემბრი და რითმი ეცვლებათ. ხშირად „Moon Knight“-ს Batman-ს ადარებდნენ, რადგან, როგორც ბრიუს უეინი, ასევე მარკ სპექტორი წარამტებული ბიზნესმენია. ორივეს შეუზღუდავი ფინანსური შესაძლებლობები გააჩნიათ, რასაც რა თქმა უნდა გაჯეტების შექმნასა და ბოროტმოქმედების წინააღმდეგ ბრძოლაში იყენებენ. ორივე შესანიშნავი გამომძიებელია და მიუხედავად იმისა, რომ ორივე საკმაოდ რაციონალურ პერსონაჟია, განსაკუთრებული სისასტიკით გამოირჩევიან. მათ შორის ერთი დიდი განსხვავება მაინც რჩება, მთვარის რაინდს სუპერძალები გააჩნია და იგი ცეცხლსასროლ იარაღს იყენებს.
აქვე შეგახსენებთ, რომ საწყისი ეტაპისათვის მთვარის რაინდის შესახებ დაიგეგმა ექვსი ეპიზოდისაგან შემდგარი ტელესერიალი, რომლის გადაღებებიც ბუდაპეშტში მიმდინარეობდა. ოსკარ აიზეკი, რომელიც „Moon Knight“-ს განასახიერებს, მარველის კინოსამყაორში მანამდეც გამოჩენილა და 2016 წლის „X-Men: Apocalypse“-ში , უძველესი მუტანტის, „Apocalypse“-ის როლი შეასრულა, თუმცა მისი ხსენებულ როლში ამოცნობა საკმაოდ რთული საქმეა. შესაბამისად სუპერძალების მქონე პერსონაჟების გასახიერება მსახიობისათვის რაიმე ახალი არ იქნება, თუმცა ის რომ მსახიობს ერთი პროექტის ფარგლებში ხუთამდე პერსონაჟის გასახიერება მოუწევს მაინც საკმაოდ დიდ გამოწვევად რჩება. ასევე, თუ პროტაგონისტზე ვსაუბრობთ, აუცილებლად უნდა ვახსენოთ მისი მეტოკეც. ცნობილია რომ ტელესერიალში Moon Knight-ის მეტოქეს Ethan Hawk განასახიერებს. მთვარის რაინდს კომიქსებში საკმაოდ ბევრი მეტოქე ჰყვს, შესაბამისად რთულია წინასწარ თქვა თუ ვინ იქნება მთავარი ბოროტმოქმედი ხსენებულ სერიალში, თუმცა აღსანიშნავია, რომ ითანის კალიბრის მსახიობი ნებისმიერ დავალებას გაართმევს თავს. სრულ ინფორამციას პერსონაჟის, მისი შესაძლებლობების, მიზნების, ბოროტმოქმედისა და ზოგადად შინაარსის შესახებ 2022 წლის დასაწყისში გავიგებთ, როდესაც სერიალის პრემიერა შედგება,
ასევე გთავაზობთ მარველისა და დისნეის სხვა პროეტების (Ms. Marvel, She-Hulk, Armor Wars, Secret Invasion) თიზერებს, რომლებზეც სტუდიამ სულ რამოდენიმე წამით შეგვახედა. ერთი სიტყვით სამკმაოდ საინტერესო და ხალისიანი პერიოდი გველოდება წინ.
