მოგეხსენებათ, რომ გოთემის ბნელი რაინდის შესახებ ახალ ბლოკბასტერს ცნობილი რეჟისორი მეტ რივზი იღებს და ბრიუს უეინის როლში ახალგაზრდა „Twilight“-ის ვარსკვლავი რობერტ პატინსონი მოიწვია. შეგახსენებთ, რომ ფილმის პრემიერა ჯერ კიდევ 2021 წლის ივლისის თვეში იყო დაგეგმილი, თუმცა მსოფლიოში მიმდიანრე პანდემიის გამო პირველი ჩვენების თარიღმა ჯერ წლის ბოლოსაკენ, შემდგომ კი 2022 წლისაკენ გადაიწია. ახლა კი სულ რაღაც 11 დღე რჩება ბლოკბასტერის პრემიერამდე, რომელსაც კრისტოფერ ნოლანის ტრილოგიის დასრულების შემდგომ მთელი მსოფლიო სულმოუთქმელად ელოდება.
ხანგრძლივი პერიოდის განმავლობაში „The Batman“-ის შესახებ ვიტყობდით მნიშვნელოვან და საინტერესო ინფორმაციას, ასევე როგორც ვნახულობდით არაერთ დამაინტრიგებელ თიზერსა თუ თრეილერს. საკმაოდ საინტერესო და მსუყე უკანასკნელი თრეილერი, ოქტომბრის შუა რიცხვებში ვიხილეთ, როდესაც DC Fandom შედგა, სადაც ბნელი რაინდის გარდა, ასევე Flash-ის თრეილერიც გვაჩვენეს. მოგვიანებით, ასევე ვიხილეთ სრულიად ახალი თიზერი, რომელიც როგორც ჩანს იაპონური ბაზრისათვის იყო მომზადებული. ამასთან ერთად ვნახულობდით, სხვადასხვა ბროტომოქმედების, მათ შორის პინგვინის ფოტოსურათებს და ახლა, როდესაც ფილმის პრემიერამდე სულ არაფერია დარჩენილი ფილმის მარკეტინგული ჯგუფი ძალისხმევას არ იშურებს იმისათვის, რომ ფილმის შესახებ აბსოლუტურად ყველამ შეიტყოს. შესაბამისად წარმოგიდგენთ ფინალურ თრეილერს, რომელშიც არაერთი ახალი კადრია:
უყურე The Batman-ის თრეილერს
ამასთან ერთად გვინდა შემოგთავაზოთ სამოყვარულო 5 წუთიანი თრეილერი, სადაც Youtube-ის ერთ-ერთმა არხმა გააერთიანა აბსოლუტურად ყველა თრეილერი, თრილერი თუ ვიდეო მასალა, რომელზეც მიუწვდებოდა ხელი და საკმაოდ სანახაობრივ ხანგრძლივ თრეილერად აქცია, რომელიც 5 წუთზე ოდნავ მეტი გრძელდება:
შეგახსენებთ, რომ ფილმი მაქსიმალურად ორიენტირებული იქნება თავად ბეტმენზე და დიდ აქცენტს გააკეთებს მის დეტექტიურ (გამომძიებლის) უნარაჩვევებზე. ასევე, მოხდება ამ უნარების რელობასთან ინტეგრირება, რადგან მაქსიმალურად მიახლოებული იყოს მისი შესაძლებლობები, როგორც ფიზიკური, მენტალური თუ ტექნოლოგიური რეალურ სამყაროსთან. ასევე, ზოგიერთი წყარო იმასაც ვარაუდობს, რომ მეტ რივზის ბეტმენი კრისტოფერ ნოლანის ტრილოგიაზე მეტად რეალისტური იქნება. მაყურებელთა უმეტესობაც იმ ფაქტზე თანხმდება, რომ ბეტმენის შესახებ ფილმებს რეალიზმი მეტად უხდება, ხოლო ჯოელ შუმახერის მსგავსი ეკრანიზაციები გოთემის ბნელ, კორუმპირებულ და კრიმინალით სავსე სამყაროს მისი კაშკაშა ფერებით, ზედმეტად კომიკური ბოროტმოქმედებითა და უმოტივაციო პერსონაჟებით მხოლოდ აზიანებს. აქვე აუცილებლად უნდა აღინიშნოს, რომ რივზის „The Batman“-ს არაფერი კავშირი არ ექნბა სხვა დღემდე გამოსულ ფილმებთან და იქნება სრულიად დამოუკიდებელი სურათი, რომელიც როგორც უკვე ვთქვით აქცენტს გოთემის რაინდსა და მისი მოღვაწეობის ადრეულ წლებზე გააკეთებს. შეგახსენებთ, რომ „The Batman“-ის მოვლენები Earth 2“-ზე განვითარდება.
რობერტ პატინსონის გარდა ფილმში ჰოლივუდის სხვა ვარსკვლავებიც იღებენ მონაწილეობას – სელინა კაელის როლს (კალი კატა) ზოი კრავიცი შეასრულებს, ენდი სერკისი ალფრედ პენიუორტს განასახიერებს, ჯეფრი რაიტი ჯეიმს გორდნონის როლით წარსდგება მაყურებლის წინაშე, ხოლო ბოროტმოქმედებს – რიდლერსა და პინგვინს პოლ დანო და კოლინ ფარელი განასახირებენ. სხვადასხვა როლებში ასევე ვიხილავთ, ჯონ ტურტუროს, პიტერ სარსგარდსა და ბარი კეოგანს.
