ყველას გვიყვარს „მარველი“, გვყავს საყვარელი გმირები და უკვე 10 წელზე მეტია, რაც ვგულშემატკივრობთ რჩეულ სუპერგმირებს, რომლებიც სხვადასხვა ხერხებითა თუ მეთოდებით წინააღმდეგობას უწევენ, ებრძვიან და ამარცხებენ ბოროტმოქმედებს, რომლებიც ძირითად შემთხვევაში სამყაროში აპოკალიფსის მოწყობის სურვილით არიან გაჟღენთილნი.
თუ არ ჩავთვლით, სემ რეიმის მიერ გადაღებულ „Spider-Man“-ს, რომელშიც ტობი მაგუაირი იღებდა მონაწილეობას, თამამად შეიძლება ითქვას, რომ „მარველის კინოსამყაროს“ ჯერ კიდევ ტიტანიუმის ფუნდამენტი 2008 წელს „Iron Man“-მა ჩაუყარა და მას შემდეგ ყოველწლიურად „Marvel Studios“ „Disney“-თან ერთად გვახარებდა ან გვახარებს ახალ-ახალი ფილმებით, სხვადასხვა პერსონაჟებით და განსხვავებული ისტორიებით. „მარველმა“ გასულ ათწლეულში გაგვაცნო, „კაპიტან ამერიკა“, „რკინის კაცი“, „შავი ქვრივი“, „ჰალკი“, „თორი“ და კიდევ სხვა მრავალი დადებითი თუ უარყოფითი პერსონაჟი, რომლებიც თავისი ქარიზმითა, ჩანაფიქრებით და მსოფლმხედველობით წლების განმალობაში აყავრებდენენ მაყურებელს თავს.
„მარველმა“ ძალიან ჭკვიანურად მოახერხა ფილმების ეტაპობრივი შექმნა, ჯერ ისინი ამა თუ იმ პერსონაჟის შესახებ დამოუკიდებელ სურათს, დამოუკიდებელი სცენარით იღებდნენ, თუმცა მათ საბოლოოდ ერთი, დიდი და გლობალური ისტორიის ქვეშ აერთიანებდნენ, რომელმაც მოტაცებული ტონი სტარკის ამბავიდან, მის გარდაცვალების ისტორიამდე, „Avengers: Endgame“-მდე მიგვიყვანა.
„მარველის კინოსამყაროში“ მოქმედება სხვადასხვა დროში ვითარდება: „კაპიტან ამერიკას“ პირველად მე-2 მსოფლიო ომის დროს ვხედავთ, „კაპიტან მარველს“ 90-იანებში, ხოლო„შავ პანტერას“ თანამედროვე ეპოქაში. ამასთან ერთად, „მარველის“ ფილმებში ახსნილია თუ რა ხდებოდა დროის სხვადასხვა მონაკვეთზე,, მაგალითად როგორ გაჩნდა „ეგო“, ან ვინ იყო „მალეკიტი“. შესაბამისად, იმისათვის, რომ მაყურებლისა და მკითხველისათვის მარტივი გახდეს „მარველის კინოსამყაროში“ სხვადასხვა დროში მიმდინარე მოვლნების თანმიმდევრული აღქმა, ჩვენ მოვამზადეთ ვიდეო, სადაც ქრონოლოგიურად განვათავსეთ ამ გასაოცარ საამყაროში მომხდარი ისტორიები, სადაც ვიწყებთ „დიდი აფეთქბით“ და „6 უსასრულობის ქვის“ შექმნით და ვაგრძელებთ…
