ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად არაერთხელ შევეხეთ დაგეგმილი ბლოკბასტერების პრემიერის თარიღებს. ჯერ კიდევ 2020-ში კევინ ფაიგიმ „Disney’s Investors Call“-ზე გაგვიმხილა მარველისა და დისნეის ყველა იმ პროექტის შესახებ, რომელიც, როგორც უახლოეს ისე შედარებით შორეულ მომავალში მაყურებელს უნდა ენახა. ასევე აუცილებლად აღსანიშნავია, რომ ქრონოლოგია მარველის კინოსამყაროსათვის ძალიან მნიშვნელოვანია, რადგან როგორც ჩვენ უკვე გასული ათწლეულის მნძილზე ვიხილეთ, თითოეული სუპერგმირისა, თუ პერსონაჟის შესახებ გადაღებული ფილმი, საკუთარი ლოკალური ისტორიებით საბოლოოდ ერთი დიდი და გრანდიოზული, გლობალური მოვლენისაკენ მიგვიძღვება, თუმცა მოხდა ის, რასაც არავინ ელოდა და სამყაროში მიმდიანრე ეპიდ. ვითარების გამო პრემიერების თარიღების მომენტალური ცვლილება გახდა საჭირო, ასევე გარდაიცვლა ჩედვიკ ბოუზმანი (Black Panther) რაც ასევე ზოგიერთი ფილმის, როგორც ისტორიის (ლოკალური/გლობალური) ასევე მათი გამოსვლის თარიღის ცვლილებებს გამოიწვევდა. შესაბამისად სულ რამოდნეიმე საათის წინ მარველმა გააკეთა განცხადება და 2024 წლის ჩათვლით შემოგვთავაზა ახალი ბლოკბასტერების გამოსვლის თარიღები, რომლებიც წესით აღარ უნდა შეიცვალოს. სავარაუდოდ ეს ყველაფერი „Shang-Chi and the Legend of the Ten Rings“-ის წარმატების (ფინანსური) დამსახურებაა, რომელმაც კინოსტუდიების ბოსები დაარწმუნა, რომ ხალხი ახალ და კარგ მარველის ბლოკბასტერებს მოწყურებულია, თანაც დიდ ეკრანებზე და არა სტრიმინგ სერვისებზე:
Eternals – ნოემბერი 5, 2021 (უყურე თრეილერს adjaranet-ზე)
Spider-Man: No Way Home – დეკემბერი 17, 2021 (უყურე თრეილერს adjaranet-ზე)
Doctor Strange in the Multiverse of Madness – მარტი 25, 2022
Thor: Love and Thunder – მაისი 6, 2022
Black Panther: Wakanda Forever – ივლისი 8, 2022
The Marvels – ნოემბერი 11, 2022
Ant-Man and The Wasp Quntumania – თებერვალი 17, 2023
Guardians of the Galaxy: Vol 3 – მაისი 5, 2023
ასევე 2023 (28.07; 06.10 და 10.11) და 2024 (16.02; 03.05; 26.07 და 08.11) წლის გარკვეულ თარიღებში დაანონსებულია ფილმები, რომელთა დასახელებები ჯერ-ჯერობით უცნობია, თუმცა შეგვიძლია ვივარაუდოთ, რომ ესენი იქნება – Blade, Deadpool 3, Fantastic Four, Capitan America 4 და Capitan Marvel 2, რადგან დაანონსებული ფილმებიდან, მხოლოდ მათ არ გააჩნიათ ჯერ-ჯერობით პრემიერის თარიღები.
