სიყვარული, სიკვდილი და რობოტები (Love, Death & Robots) ჯოშუა დონენის, დევიდ ფინჩერისა და ტიმ მილერის ერთობლივი ნამუშევარია, რომლის პირველი სეზონის პრემიერაც Netflix-ზე 2019 წლის 15 მარტს შედგა, რომელიც შედგებოდა 18 დამოუკიდებელი მოკლემეტრაჟიანი ანიმაციისაგან, და წარმოადგენს სამეცნიერო ფანტასტიკის, ჰორორისა და კომედიის ჟანრის 2D და 3D ფორმატის სერიებს.
თითოეულ სერიას ჰყავს საკუთარი რეჟისორი, გააჩნია უნიკალური ვიზუალი და ხმის დიზაინი, ყოველი ეპიზოდი ახალ, განსხვავებულ და ეფექტურ ისტორიას გვთავაზობს, რომელშიც კარგად დამუშავებული და საინტერესო პერსონაჟები იღებენ მონაწილეობას. ჯერ მარტო რად ღირს სერიალის პირველი ეპიზოდის ყურება, სადაც საბრძოლო ხელოვნება და ზოგადად ორთაბრძოლები წარმოუდგენლად განსხვავებულ დონეზეა აყვანილი. რობოტები, ცოცხალი ორგანიზმები, ადამიანები და ტელეპატია ეს ის მცრიე ჩამონათვალია იმ ნუსხიდან, რომელიც სრულიად ახალი თაობის ორთაბძოლებს საფუძვლად უდევს.
შეგახსენებთ, რომ ანთოლოგია (რომელიმე ეპოქის ან ავტორთა საუკეთესო მხატვრული ნაწარმოებების კრებული) შედეგა 5-დან 20 წუთამდე ქრონომეტრაჟის ეპიზოდებისაგან რომელშიც გამოყენებულია თანამედროვე ტექნოლოგიები, როგორც კომპიუტერული 3D ანიმაციები, ისე მულტფილმების 2D ფორმატი.
ბევრი სისხლი, სიშიშვლე, შავი იუმორი, ნათელი და დასამახსოვრებელი პერსონაჟები, საშიში არსებები, უცნაური სიუჟეტები და ეს ყველაფერი განუმეორებელ ვიზუალურ შეფუთვაში. მიუხედავად იმისა, რომ ანიმაციურმა სერიალმა დამსახურებულად მიიღო რეიტინგი 18+ მაყურებელის ნაკლებობას იგი ნამდვლად არ განიცდის. 2019 წელს, მინისერიალის მომენტალურ წარმატებასთან ერთად გადაწყდა მეორე სეზონის გადაღება და 2021 წლის 14 მაისს შედგა მისი პრემიერაც. ახლა კი შოურანერებმა აღნიშნული შოუს მესამე სეზონის თრეილერი შემოგვთავაზეს, სადაც ზოგიერთი ძველი პერსონაჟის დაბრუნებაც კი ვიხილეთ:
მესამე სეზონის პრემიერა 20 მაისს შედგება:
