როგორც თქვენთვის ცნობილია, კინოსაზოგადოებამ და #ReleaseSnyderCut (გამოუშვით სნაიდერის ვერსია) მოძრაობამ ცოტა ხნის წინ გაიმარჯვა და შედეგად მივიღეთ, რომ მომავალ წელს „Justice League“-ის ზაკ სნაიდერის ვერსიას „HBOMAX“ გააშუქებს.
ახლა კი მთავარზე, მომენტალურად, როგორც კი გავრცელდა ინფორმაცია ფილმის ხელახალი გაშუქების შესახებ, ყველა დაინტერესდა, თუ რა დოზით შეიცვლებოდა ფილმი, დაემატებოდა თუ არა რაიმე ახალი სცენა, გამოჩნდებოდნენ თუ არა ახალი პერსონაჟები გმირებისა და ბოროტმოქმედების სახით, შეიცვლებოდა თუ არა ფერთა პალიტრა და ფილტრები, გახდებოდა თუ არა გამოსაკვლევი ახალი „Easter Egg“-ები და სხვა მრავალი. ნელ-ნელა ფილმის გარკვეულ ასპექტებს ფარდა ეხდება. პირველ რიგში, რეჟისორმა აღნიშნა, რომ რაიმე ახალი სცენის გადაღებას არ გეგმავს და გამოიყენებს მხოლოდ მის მიერ გადაღებულ სცენებს სანამ პროექტს დატოვებდა. შესაბამისად, სამუშაო იქნება გარკვეულ დიალოგებსა და მსახიობების მიერ განახლებული ტექსტის წარმოთქმაზე. ამასთან ერთად, ყველა დაინტერესდა დარჩებოდა თუ არა SteppenWOLF მთავარ ანტაგონისტად. ახლა კი, საერთოდ ცნობილი ხდება, რომ ფილმში აუცილებლად ვიხილავთ „Darkseid“-ს, რომელიც „DC“-ის კომიქსების ერთ-ერთი ყველაზე ძლიერი ბოროტმოქმედია, იმისათვის, რომ გავავლოთ პარალელები ბევრად მარტივი იქნება გითხრათ, რომ როგორც „Marvel“ს ჰყავს უკიდეგანო კოსმოსის იდეოლოგიური გენიოსი და შეშლილი ტიტანი „Thanos“, ასევე „DC“-ს ჰყავს „Darkseid“, რომელიც ამ უკანასკნელი კომიქსების უსასრულო კოსმოსის დიქტატორია.
He's coming… to HBO Max pic.twitter.com/tthWwAqzWp
— Zack Snyder (@ZackSnyder) May 27, 2020
დროის მსვლელობასთან ერთად, „Justice League: SnyderCut“-ის შესახებ სხვადასხვა სანდრო წყარო მეტი და მეტი საინტერესო ინფორმაციისა და ფაქტის აკუმულირების საშუალებას იძლევა. პირველი ის, რომ როგორც უკვე აღვნიშნეთ, ფილმის ანტაგონისტი აუცილებლად „Darkseid“ იქნება, რასაც თავად სნაიდერის მიერ განთავსებული მოკლე თიზერ-თრეილერი და ფოტოსურათი ამტკიცებს. მიმდინარე ეტაპზე უცნობია თუ რა ფორმით მოხდება „DC“-ის სამყაროს ღმერთისმაგვარი ბოროტმოქმედის ინტეგრირება ფილმში და SteppenWold-ის ჩანაცვლება, თუმცა ფაქტია ერთია, რომ თუ შევადარებთ Darkseid-ისა და SteppenWolf-ის დედამიწაზე ჩამოსვლის სცენებს, შეიძლება ითქვას, რომ იდენტურია. შესაბამისად რჩება შეკითხვა, უბრალოდ ჩაანაცვლებს „Darkseid“ ძველ ანტაგონისტს და ყველაფერი იგივე დარჩება, თუ რაიმე კარდინალურ ცვლილებებს უნდა ველოდეთ.
First ever sneak peek at JL. Get ready for more at DC FanDome. @hbomax #releasethesnydercut #DCFanDome pic.twitter.com/WIWwFo4Xnt
— Zack Snyder (@ZackSnyder) June 18, 2020
მშრალი ფაქტები:
Junky XL-ის ორიგინალური საუნდტრეკი უცვლელი დარჩება, თუმცა ზოგიერთ სცენაში სხვა ტიპის კომპოზიეციები იქნება გამოყენებული, ამასთან ერთად ვარაუდობენ, რომ გარკვეულ სცენებში ორკესტრის მიერ შესრულებულ კომპოზიციებს მოვისმენთ, რაც თავისთავად მეტად „Heroic“ (გმირული) საყურებელი და მოსასმენი იქნება. ასევე, სნაიდერის ვერსიაში აუცილებლად იქნება „Darkseid“-ის თემატიკის საუნდრეკი.
აუცილებლად შეიცვლება ფერთა ფალიტრა და ე.წ. „Acid Colors“-ის ნაცვლად, მივიღებთ გაცილებით მუქი და ბნელი ტონალობის ფერებს.
სნაიდერის განცხადებით, ფილმის ფორმატი (ნახატის სიმაღლე და სიგანე) 1:4:3 იქნება (Imax-ის ფორმატი), როგორც თავდაპირველად იყო ჩაფიქრებული, ნაცვლად გამოყენებული 1:85:1-ისა (შტატებში გამოყენებული სტანდარტული ფორმატი). თვალსაჩინოებისათვის იხილეთ მაგალითი:
ფილმის ქრონომეტრაჟი სამ საათზე ოდნავ მეტი იქნება, რაც 60 წუთით მეტია ვიდრე ჯოს უიდონის ვერსია. ეს ფაქტი, რა თქმა უნდა სასიხარულოა, რადგან ახალ ვერსიაში , დამატებითი დიალოგებითა და მოქმედებითი სცენების გათვალისწინებით, გაცილებით მეტი, აქამდე უცნობი სცენა იქნება გამოყენებული.
დადასტურებულად ვიცით, რომ ვიხილავთ Superman-ის შავ კოსტიუმს, რომელსაც იგი გაცოცხლების შემდგომ (როდესაც მას ბეტმენი, აკვამენი, ფლეში, კიბორგი და ქალი საოცრება გააცოცხლებენ) მოირგებს. აქვე გვინდა მოკლე ვიდეო წარმოგიდგინოთ, სადაც შეგვიძლია ვიხილოთ ზემოხსენებული ინფორმაციის მცირე თიზერი, როდესაც სუპი ალფრედს ღამურის გამოქვაბულში სტუმრობს.
OFFICIAL SNEAK-PEEK
Zack Snyder’s Justice League
Coming to HBOMax in 2021 pic.twitter.com/F2gUmeXVeX
— cleopatra (@dragonnaydra) July 25, 2020
იმის გათვალისწინებით, რომ სნაიდერის მიერ გადაღებულია „Man Of Steel“, „Batman v. Superman: Dawn of Justice“ და თავდაპირველად „Justice League“-ის რეჟისორიც თავად იყო, იმედს ვიტოვებთ, რომ ბლოკბასტერის ახალი ვერსია წინაზე გაცილებით უკეთესი საყურებელი იქნება და ისტორიას, პერსონაჟებთან ერთად მეტად საინტერესო კუთხიდან შეგვახედებს.
P.S „Warner.Bros“-მა და დაინტერესებულმა სტუდიებმა ფილმის ახალი ვერსიის დასრულებისათვის გამოყვეს 30 მილიონი აშშ დოლარი. თანხა საკმაოდ მცირე იმ მასშტაბებთან შედარებით, რომელსაც ბლოკბასტერი გეგმავს, რომ მაყურებელს შესთავაზოს. შესაბამისად, ზაკ სნაიდერი „Justice League“-ის ახალი ვერსიის დასრულებისათვის ჰონორარს არ აიღებს, რადგან გეგმავს რეჟისორისათვის განკუთვნილი თანხაც, სურათის ე.წ პროდაქშენს მოახმაროს. გამოდის, რომ რეჟისორი ფულის გამო არ ქმნის ხსენებულ პროექტს და ენთუზიაზმით აღსავსე გეგმავს მსოფლიოს დაუმტკიცოს, რომ თავდაპირველი „Justice League“ უკანასკნელი ათწლეულის ერთ-ერთი საუკეთესო ბლოკბასტერი იყო, იქნებოდა, არის და იქნება.
