ლარი კინგი (ნამდვილი სახელი და გვარი: ლოურენს ჰარვი ზეიგერი) 1933 წლის 19 ნოემბერს, აშშ-ში, კერძოდ კი ნიუ იორკში, ბრუკლინში დაიბადა. მისი კარიერა 1957 წელს, მაიამიში დაიწყო, ხოლო 1985-2010 წლებში იგი CNN-ზე მუშაობდა, სადაც ამავე პერიოდში „ლარი კინგის შოუ“ მიჰყავდა. მისთვის დამახასიათებელი იყო ინტერვიუს გაძღოლის მსუბუქი, ლმობიერი სტილი, რის გამოც მისი გადაცემა ერთ-ერთ ყველაზე ხანგრძლივ და პოპულარულ პროგრამად იქცა. 2012 წელს ლარი კინგმა ახალი შოუთი, „ლარი კინგი ახლათი“ (Larry King Now) განაახლა მოღვაწეობა, რომელიც ინტერნეტ- სამაუწყებლო პლათფორმაზე „HULU“-ზე გადიოდა, ხოლო 2013-დან დააფუძნა პროგრამა „პოლიტიკა ლარი კინგთან ერთად“ (PoliticKING with Larry King). მან დაახლოებით 30 000-ზე მეტ ადამიანთან ჩაატარა ინტერვიუ, სადაც მონაწილებობას იღებდნენ ხელოვნები, სპორტის ვარსკვლავები, მსოფლიო პოლიტიკის ლიდერები და სხვა ცნობილი ადამიანები, ერთი სიტყვით ნებისმიერი ცნობადი ადამიანი, რომელიც შეიძლება აზრად რომ მოგივიდეთ მასთან პირისპირ ინტერვიუზე მჯდარა.
ლარი კინგს მონაწილეობა აქვს მიღებული სხვადასხვა სატელევიზიო გადაცემებში, მხატვრულ და დოკუმენტურ ფილმებში, გაახმოვანებული აქვს ანიმაციური ფილმები „შრეკი“ (2004, 2007, 2010) და „ფუტკრები“ (2007). გამოქვეყა ავტობიოგრაფია, „ჩემი შესანიშნავი მოგზაურობა“ (My Remarkable Journey, 2009) და მიღებული აქვს ემის ჯილდოც კი.
— Larry King (@kingsthings) January 23, 2021
გუშინ, 2021 წლის 23 იანვარს, ლოს-ანჯელესის მახლობლად 87 წლის ლარი კინგი გარდაიცვალა. ცნობილია, რომ იგი „Cedars-Sinai Medical Center“-ში გადიოდა მკურნალობას. მას დიაბეტი ჰქონდა და ხანგრძლივი პერიოდის განმავლობაში ჯანმრათელობის სხვა პრობლემებიც აწუხებდა, ჯერ კიდევ 2019 წელს ლარი კინგი საკმაოდ მძიმედ იყო (ვარაუდობდნენ, რომ გარდაიცვლებოდა), თუმცა შეძლო გამოჯანმრთელება. ცნობილი ამერიკელი ტელეწამყვანის გარდაცვალების ზუსტი მიზეზი ჯერ-ჯერობიათ არ სახელდება, თუმცა ისიც აღსანიშნავია, რომ გარდაცვალებამდე რამდენიმე კვირით ადრე კინგს COVID-19 დაუდგინდა.
