ცხოვრება ლუისთან 90-იანი წლების ერთ-ერთი ყველაზე პოპულარული ანიმაციური სერიალია, რომელიც უცხო არც ქართველი მაყურებლისათვის ყოფილა. ანიმაციური სერიალი არაერთი ქართული არხის ტელე ეთერში გადიოდა (ძირითადად რუსთავი 2-ზე დილაობით, ასევე ყველა ბავშვისათვის საყვარელ უცხოურ საბავშვო არხზე Jetix-ზე) და ნებისმიერი 90-იანების ბავშვის გონებაში მკაფიოდ დატოვა მამა, ენდი ანდერსონის დაძახებული – ლუუუუუიიიიი!!!! აუცილებლად აღსანიშნავია, ისიც, რომ ენდი ანდრსონი ფრთიანი ფრაზების ნამდვილი გენერატორი იყო, მას ეკუთვნის ისეთი სახალისო გამონათქვამები როგორიც – „ჯარში, დილის ოთხ საათზე უკვე შუადღის ჩაის ვსვამდი“, „ჩემი ბიჭი ისეთივე ამერიკელია, როგორიც ეგ French Fries, რომელსაც მიირთმევ“ და სხვა მრავალი. შეგახსენებთ, რომ Life With Louie რეალურ ამბავსა და ადამიანზე დაფუძნებული მულტიპლიკაციური სერიალია, რომელიც ლუი ანდერსონის ბავშვობის ისტორიას მოგვითხრობს და მისი ოჯახური ისტორიების გარდა მაყურებელს უამრავ ინფორმაციას აწვდიდაა იმ ქვეყნისა და კულტურის შესახებ, სადაც მოქმედება ვითარდებოდა (აშშ).
2022 საკმაოდ ტრაგიკულად დაიწყო, წელიწადი დაწყებული არ იყო, როდესაც კინემატოგრაფიამ სრულიად მოულოდნელად გასპარ ულიელი დაკარგა, ახლა კი ცნობილი გახდა, რომ ჩვენი ბავშვობის ერთ-ერთი ყველაზე კეთილშობილი და საყავრელი პერსონაჟის განმასახირებელი მსახიობი ლუი ანდერსონი გარდაიცვალა. 68 წლის ანდერსონი ლას-ვეგასის საავადმყოფოში პარასკევს გარდაიცვალა, სადაც ის რამდენიმე დღის წინ, კიბოს დიაგნოზით გადაიყვანეს. ტელეწამყვანსა და კომიკოსს ემის ჯილდო სამჯერ ზედიზედ 2016-2018 წლებში აქვს მიღებული, Baskets-ში შესრულებული მეორეხარისხოვანი როლისათვის, სადაც მან კრისტინ ბასკეტი განასახიერა.
ლუის ნებისმიერ ახლობელს რომ ჰკითხოთ, თუ როგორი იყო ის ცხოვრებაში, ნებისმიერი მათგანი მომენტალურად გიპასუხებთ, მისი გაცნობა დამოუკიდებლადაც შეგიძლიათ, მიუხედავად იმისა, რომ ის უკვე ცოცხალი აღარ არის. საკმარისია „Life With Louie“-ს უყუროთ რათა სრულფასოვანი წარმოდგენა გქონდეთ იმის შესახებ თუ როგორი ადამიანი იყო ლუი ანდერსონი!
ლუი ანდერსონი 1953 წლის 24 მარტს, მინესოტას შტატის, სენტ პოლში დაიბადა. მსახიობს 10 დედმამიშვილი ჰყავდა, თუმცა ერთ-ერთ ინტერვიუში მსახიობმა აღნიშნვა, რომ წესით მას 15 და-ძმა უნდა ჰყოლოდა, მაგრამ ხუთი მათგანი (სულ უფროსი /პირველი შვილი/ და შემდგომ ტყუპები ორჯერ) დაბადებიდან მალევე გარდაიცვალა. მამა Hoagy Carmichael-ის მესაყვირე იყო, თუმცა ლუი მას ძირითადად უარყოფითად ახასიათებდა, როგორც მოძალადესა და ალკოჰოლიკს….
