სიტყვა ფრანჩიზა არასოდეს ყოფილა ესეთი პოპულარული, როგორც დღეს. მისი გაგება განსაკუთრებით ხშირად კომპიუტერულ თამაშებსა და კინოინდუსტრიაში არის შესაძლებელი. რა თქმა უნდა, თავად სიტყვა საკამოდ დიდი ხნის წინ გაჩნდა და მისი გამოყენება ზემოხსენებული ორი მაგალითის გარდა, სხვა ბევრ საქმიანობაშიც არის შესაძლებელი. ძირითადად რა იქცევა ფრანჩიზად? ნებისმიერი სახის პროდუქტი, რომელიც შეიძლება გახდეს პოპულარული, რა დროსაც გაზრდილი მოთხოვნის (არ არის აუცილებელი) შემთხვევაში მეპატრონეს შეუძლია, გარკვეული ბენეფიტის სანაცვლოდ, ნებისმიერ ინდივიდუალს მისცეს ლიცენზია ხსენებული პროდუქტის (მათ შორის, ლოგო, მოდელი და სახელი) სხვადასხვა დანიშნულებით გამოსაყენებლად. არსებობს მრავალი სახის ფრანჩიზა, თუმცა დღეს ერთ-ერთი ყველაზე პოპულარული და ხშირად გამოყენებადი მულტიმედიური ფრანჩიზაა, მიუხედავად იმისა, რომ ყველაზე დიდი ბიზნეს ფრანჩიზა საოჯახო რესტორნების ქსელს – მაკდონალდსს ეკუთვნის.
ხშირად ხდება ისე, რომ სიტყვები ფრანჩიზა და მერჩენდაიზი(ნგი) ერთმანეთში ერევათ. რა არის მერჩენდაიზინგი? მარტივად რომ ვთქვათ, მერჩენდაიზინგი არის სავაჭრო სივრცეში პროდუქციის ისეთი სახითა და რაოდენობით წარმოდგენა/განლაგება, რაც უზრუნველყოფს მათ ინტენსიურ გაყიდვებს, ხოლო თავად მერჩენდაიზი (ან მერჩენდაიზ ნივთები) გულისხმობს ნებისმიერეი სახის პერიფერიალს, რომელიც ცნობილი ფრანჩიზის ელემენტებს იყენებს. მაგალითად, ერთ-ერთი სახელგანთქმული კინოფრანჩიზა „Marvel“ და მისი სამყაროა, ხოლო სათამაშოები, ტანსაცმელი და სხვა სახის ნივთები უკვე მერჩენდაისი ხდება. სხვადასხვა კომპანიები და ინდივიდუალები სახელგანთქმული მულტიმედიური ფრანჩიზების საფუძველზე საკამოდ წარმატებულ მერჩს აწარმოებდნენ, თუმცა არსებობს ისეთებიც, რომელის არსებობაც ეწინააღმდეგება ადამიანის ლოგიკურ აზროვნებას.
არ თუ ისე დიდი ხნის წინ ჩვენ უკვე ერთხელ შემოგთავაზეთ სრულიად წარმოუდგენელი, უაზრო და ხშირად შემზარავიც კი მერჩები, რომლებიც სხვადასხვა ლიცენზირებულმა თუ არალიზენზირებულმა კომპანიოებმა მომხმარებლებს შესთავაზეს და ყიდვას სთავაზობდნენ! შესაბამისად გვინდა წარმოგიდგინოთ, ყველზე ცნობილი კინოფრანჩიზების მიხედვით შექმნილი მერჩენდაიზი, რომელთა არსებობაც ნამდვილად გაოგნებულებს დაგტოვებთ.
Daniel Craig-ის ხილის ესკიმო
McDonald-ის ჰეფიმილის საჩუქარი: Star Wars-ის თემატიკის თავისქანქარა
Twilight-ის პრეზერვატივი
Alice In Wonderland-ის თემატიკის ფეხსაცმელი
Stranger Things-ის თემატიკის კეთჩუპის დასასხამი თავი და სასანთლე
სუპერმენი და მისი სკუტერი
Twilight-ის საცვლები
The Blair Witch Project – მუსიკალური ალბომი
სასაცილო კი ის არის, რომ თავად ფილმს არანაირი მუსიკალური გაფორმება არ გააჩნია და საათნახევრის მანძილზე სიმღერა ან მუსიკა არსად ისმის;
Django Unchained-ის სათამაშო ფიგურები
