ჯეიმს განის „Suicide Squad“: პრემიერის თარიღი, ახალი Cast და ყველაფერი რაც ფილმის შესახებ ვიცით

დევიდ აიერის „Suicide Squad“ საკმაოდ რთული ისტორიის მქონე ფილმი გამოდგა. სურათის გადაღება დაჩქარებული წესით მიმდინარეობდა და შუა წარმოებისას განიცდიდა უამრავ ცვლილებას. საბოლოოდ  2016 წელს, როდესაც ფილმის პრემიერა შედგა კინოკირტიკოსებმა, ასევე როგორც მაყურებლებმა იგი დაბალი შეფასებებით შეამკეს.  მიუხედავად ფილმის პლინთუს ქვევით შეფასებისა, მსოფლიოს მასშტაბით სურათმა მაინც შეძლო 750 მილიონ აშშ დოლარზე მეტის მოგროვება და შესაბამისად არ იყო გასაკვირი, რომ „Warner.Bros“ და „DC“ კინოფრანჩიზის გაფართოებას ეცდებოდნენ.

როგორც თქვენითვის ცნობილია ცოტა ხნის წინ ვიხილეთ „Warner.Bros“-ისა და „HBOMAX“-ის ერთობლივი თიზერ თრეილერი, სახელად „One Day Premiere“, რომელიც გვთავაზობს მიმდინარე წლის განმავლობაში საპრემიერო ფილმების, მათ შორის „Suicide Squad“-ის ჩვენებას, როგორც კინოთეატრებში ასევე, „HBOMAX“-ის სამაუწყებლო პლათფორმაზე. როგორც ირკვევა, თვითმკლელთა რაზმის პრემიერა ზაფხულში უნდა შედგეს, თუმცა სრულფასოვანი თრეილერი ფილმის შესახებ, ჯერ-ჯერობით არ გამოსულა და არც არანაირი დაზუსტებული ინფორმაცია არ არსებობს ფილმის შესახებ.

შესაბამისად გვინდა შემოგთვაზოთ სინემანიას გუნდის მიერ მოგროვებული ინფორმაცია „Suicide Squad“-ის შესახებ და წარმოგიდგინოთ ყველაფერი რაც ვიცით ახალი ბლოკბასტერის შესახებ:

Suicide Squad-ის თრეილერი

როგორც უკვე აღვნიშნეთ, ჯერ-ჯერობით ფილმის თიზერიც კი არ არის გამოსული. კინოსტუდიის მიერ ფილმის ირგვლივ გაავრცელებული ერთადერთი ოფიციალური ვიდეო, ე.წ Short Sneak Peek-ია, რომელიც ექსკლუზიურად გვთავაზობს მოკლე ინფორმაციას, თუ როგორი შეიძლება იყოს დაგეგმილი ფილმი:

„Suicide Squad“-ის გამოსვლის თარიღი:

ჯერ კიდევ 2019 წლის 30 იანვარს „ Warner Bros“-მა დაანონსა, რომ „Suicide Squad“-ის პრემიერა 2021 წლის 6 აგვისტოს შედგებოდა. ფილმის გადაღება 2018 წელს უნდა დაწყებულიყო, თუმცა მრავალი მიზეზის გამო არაერთხელ გადაიდო, ხოლო როდესაც დაიწყო მსოფლიოში კოვიდ 19-თან დაკავშირებული პანდემია დაიწყო, რომელმაც ფილმის გადაღებების დასრულებას საკმაოდ შეუშალა ხელი. მიუხედავად ყველაფრისა, პრემიერის თარიღი არ შეცვლილა და ყველანაირი პრობლემის გათვალისწინებით იგივე დარჩა

ვინ იქნება „Suicide Squad 2“-ის  რეჟისორი?

დანამდვილებით ცნობილია, რომ დევიდ აიერი თვითმკლელთა რაზმის შესახებ მომდევნო ფილმს არ უხელმძღვანელებს. მან საკუთარი გადაწყვეტილებით დატოვა კინოფრანჩიზის  რეჟისორის სკამი, მხოლოდ იმიტომ რომ გადაეღო ქალბატონებზე ორიენტირებული, სატელევიზიო შოუს სფინოფი – Gotham City Sirens (რომლის ასავალ დასავალი თავად აირის განცხადებით ჯერ-ჯერობით უცნობია).  დევიდის ნაცვლად ფრანჩიზის გაგრძელებას ჯეიმს განი გადაიღებს, რომელიც „DC“-იმ რეჟისორის პოზიციაზე 2018 წლის ოქტომბერში დაამტკიცა. როგორც ცნობილია, ჯეიმსი არამხოლოდ ფილმს გადაიღებს , არამედ სცენარსაც თავად დაწერს და შემოგვთავაზებს აბსოლიტურად განსხვავებულ ხედვას თვითმკვლელთა რაზმის შესახებ. შეგახსენებთ, რომ განის გადაღებულია Guardians of the Galaxy-ის ორი ფილმი. აქვე აღსანიშნავია, რომ ფილმს აბსოლიტურად იგივე სახელწოდება „The Suicide Squad“ ექნება, რაც შესაძლოა იმაზე მიგვანიშნებდეს, რომ ეს არ იქნება პირველი ნაწილის გაგრძელება, არამედ, ე.წ Reboot-ი ან/და Remake-ი, რაც ძალიან სასიხარულოა, რადგან ახალი ბლოკბასტერი მისი წინამორბედისაგან რადიკალურად განსხვავებული და დამოუკიდებელი სურათი იქნება

„Suicide Squad 2“-ის სამსახიობო გუნდი:

იმის გათვალისწინებით, რომ ჯეიმს განის ფილმი ორიგინალისაგან განსხვავებული იქნება, არ ელოდოთ, რომ ბევრი ნაცნობი სახისახალ ბლოკბასტერში დაბრუნებას, თუმცა ასეთებიც აუცილებად იქნება.

როგორც ცნობილია, დედშოტის როლის შემსრულებელი, უილ სმიტი, ფილმში მონაწილეობას არ მიიღებს. აქვე ცნობილია, რომ სამსახიობო ჯგუფს იდრის ელბა შეუერთდა, თუმცა არა დედშოტის როლით. იგი კინოსამყაროსათვის ახალ პერსონაჟს Bloodshot-ს განასახიერებს. სასიხარულოა ის ფაქტი, რომ მარგო რობი დაბრუნდება და ჰარლი კუინის როლს კვლავ შეასრულებს. აქვე, ისიც აღსანიშნავია, რომ 2020-ში მისი პერსონაჟის მონაწილეობით სოლო ფილმი „Harley Quin: Birds of Prey“ უკვე ვიხილეთ, რომელმაც საკმაოდ დაბალი შეფასებები მიიღო, როგორც კრიტიკოსების, ისე მაყურებელთა მიერ. დაბრუნდება ჯოელ კინამანი, რომელიც მთავრობის აგენტის როლს კვლავ შეასრულებს. განმეორებით ვიხილავთ ჯაია კორტნისა და ვაიოლა დევისის პერსონაჟებს, ცნობილ მძარცველს, კაპიტან ბუმერანგსა და სასტიკ ამანდა უოლერს. ჯერ-ჯერობით არაფერი ისმის კარენ ფუკუჰარასა (Katana) და ადევალ აკინუეეს (Killer Croc) შესახებ. ასევე ვერაფერს ვიტყვით El Diablo-ს შესახებ, თუმცა იმედს ვიტოვებთ, რომ მის რეინკარნაციას აუცილებლად ვიხილავთ.

ზუსტად ვიცით რომ არ დაუბრუნდება კარა დელევინი, თუმცა ისეთი რაოდენობის ახალი გმირები და მსახიობები გამოჩდებიან ახალ ბლოკბასტერში, რომ ერთი Enchantress-ის დაკარვას ფრანჩიზა გადაიტანს.

ყველა ახალი თუ ძველი პერსონაჟი  და მსახიობი, რომელიც ფილმში მონაწილეობას მიიღებს:

Harley Quinn (Margot Robbie)

Bloodsport (Idris Elba)

Colonel Rick Flag (Joel Kinnaman)

Captain Boomerang (Jai Courtney)

The Thinker (Peter Capaldi)

Sol Soria (Alice Braga)

Blackguard (Pete Davidson)

Polka Dot Man (David Dastmalchian)

Savant (Michael Rooker)

Mongal (Mayling Ng)

TDK (Nathan Fillion)

Ratcatcher 2 (Daniela Melchior)

King Shark

Weasel (Sean Gunn)

Javelin (Flula Borg)

Amanda Waller (Viola Davis)

„Suicide Squad“-ის შინნარსი: რაზე იქნება ფილმი:

ინფორმაცია იმაზე, თუ როგორი მოვლენები განვითარდება თვითმკვლელთა რაზმის  ირგვლივ და როგორ გადაარჩენენ ისინი სამყაროს, ჯერ-ჯერობით იდუმალებით არის მოცული. ამასთან, ჯეიმს განის მიერ რეჟისორის სკამის დაკავება და ასევე, მის მიერ ახალი სცენარის დაწერა  (დადასტურებულია ჯეიმსისა და მისი ძმის, შონის მიერ) სრულიად თავდაყირა აყენებს რაიმე ლოგიკური და აზრთან ახლოს მყოფი შინაარსის განჭვრეტას, თუმცა იმის გათვალისწინებით, რომ აიოლა დევისი უბრუნდება სასტიკი და ცივსისხლიანი უფროსის, ამანდა უოლერის როლს, შესაძლოა ვივარაუდოთ, რომ ფილმის ახალი ვერსია ტიპიურად, როგორც მისი წინამორბედი ისე განვითარდება. სამყაროს გადადრჩენით და საკუთარი პატიმრობის ვადის შემცირებით მოტივირებული ბოროტმოქმედები მათი უფროსის დავალებით დაამარცხებენ საერთო მტერს და კვლავ გაიმარჯვებენ ბოროტებაზე. აქვე ისიც, კვლავ აღსანიშნავია, რომ რეჯისორის სკამშია ამჯერად ჯეიმს განი და იმედია რომ იგი, რაიმე ახალს და განსხვავებულს, ნოლანის ტრილოგიის მსგავს შედევრს შემოგვთავაზებს. ამასთან, უახლოესი ორი წლის განმავლობაში „Warner“-ების მიერ DC-ის ირგვლივ სულ დაგეგმილია 7 ფილმის ჩვენება, აქედან სამი, „Joker“, „Birds of Prey“ და „WW84“ უკვე ვიხილეთ. საინტერესოა ასევე, ისიც, რომ წინა ფილმისაგან განსხვავებით, რომლის რეიტინგი PG-13 იყო, ახალ სურათს მტკიცე „R“ რეიტინგი ექნება, რაზედაც ტოდ ფილიპსის ჯოკერმა საკმაოდ დიდი ზეგავლენა იქონია