ჩვენ უკვე არაერთხელ განვიხილეთ მარველის კინოსამყაროში მიმდინარე მოვლენები და ამასთან ერთად შევეხეთ დაგეგმილი ბლოკბასტერების პრემიერის თარიღებს. ჯერ კიდევ 2020-ში კევინ ფაიგიმ „Disney’s Investors Call“-ზე გაგვიმხილა მარველისა და დისნეის ყველა იმ პროექტის შესახებ, რომელიც, როგორც უახლოეს ისე შედარებით შორეულ მომავალში მაყურებელს უნდა ენახა და ერთ-ერთი მათგანი „Eternals-ია“, რომლის მეორე თრეილერიც სულ ცოტა ხნის წინ გამოვიდა:
უყურე „Eternals“-ის თრეილერს adjarnet-ზე
შეგახსენებთ, რომ დაგეგმილ ბლოკბასტერში მოქმედება „Avengers: End Game“-ის მოვლენების 5 წლის შემდგომ ვითარდება, სადა ვიგებთ თუ რა მიზეზით არ ჩაერიენ მარადიულები შურისმაძიებლებისა და შეშლილი ტიტანის დაპირისპირებაში და საერთოდ რას აკეთებენ ისინი დედამიწაზე. ასევე, აუცილებელია ვიცოდეთ, თუ ვინ არიან და რას წარმოადგენენ Eternals-ები მარველის სამყაროსათვის:
პირველ რიგში უნდა ვიცოდეთ, Eternal-ბის დანიშნულება, ასევე დამოკიდებულება დედამიწისა და კაცობრიობის მიმართ. მაქსიმალურად მარტივად, რომ გაგაცნოთ „Eternal“-ები საკმარისი იქნება აღვნიშნოთ, რომ ისინი „Deviant“-ბთან და გამოქვაბულის ადამიანებთან ერთად „Marvel“-ის კოსმიურმა ღმერთებმა „Celestial“-ბმა (უზარმაზარი ანტრომორფული არსებები, რომლებსაც თრეილერში ვხედავთ) დედამიწაზე შექმნეს. თუ მარადიულები მარველის სამყაროში დადებით პერსონაჟებად არიან წარმოდგენილები, მაშინ დევიანტები მათი სრული ანტიპოტები და მოსისხლე მტრები არიან. აქვე აღსანიშნავია, „Eternals“-ბი (ასევე, როგორც „Deviant“-ბი) დაჯილდოებულნი არიან ღმერთის მაგვარი ძალებით. ზეადამიანური სიძლიერე, ტელეპათიის, ფრენის, ტელეპორტაციის, ილუზიების შექმნის, ორგანული და არაორგანული ნივთიერებების ტრანსმუტაციისა და საკუთარი სხეულიდან სხვადსხვა სახის ენერგიის წარმოქმნის უნარებით. ეს ის არასრული ჩამონათვალია იმ შესაძლებლობების, რომლებსაც მარადიულები ფლობენ, თუმცა მათ საკუთარი, ექსკლუზიური სუპერძალებიც გააჩნიათ. მარადიულები ასევე ითვლებიან დედამიწაზე სხვასხვა სახის სუპერძალების მქონე ადამიანების არსებობის მიზეზად.
Celestials-ების დავალებით მარადიულები პირდაპირ არასოდეს ერეოდნენ კაცობრიობის კონფლიქტებში და ყოველთვის გვერდიდან ადევნებდნენ თვალს მიმდინარე მოვლენებს, ზუსტად ამ მიზეზით მარადიულები არ ჩარეულან თანოსთან მიმდინარე დაპირისპირებაში (თუმცა არსებობს ამავე აზრის გამაქარწყლებელი ფაქტიც). შეგახსენებთ, რომ ახალი ბლოკბასტერი, ჯეკ კიდევ 2020 წლის ნოემბრის თვეში უნდა გამოსულიყო, თუმცა ყველასათვის ცნობილი მიზეზების გამო გადაიდო და მისი პრემიერა 2021-ის 5 ნოემბერს ჩაინიშნა. ფილმის რეჟისორი ოსკაროსანი ხლოი ჟაოა, ხოლო მონაწილეობას ჰოლივუდის ა რანგის მსახიობები იღებენ: Angelina Jolie როგორც Thena, Richard Madden როგორც Ikaris, Kumail Nanjiani როგორც Kingo, Lauren Ridloff როგორც Makkari, Brian Tyree Henry როგორც Phastos, Salma Hayek როგორც Ajak, the leader of the Eternals და and Don Lee როგორც Gilgamesh. ასევე ფილმში Dane Whitman-ს განასახიერებს Kit Harington.
იმის გათვალისწინებით, რომ ბლოკბასტერის პრემიერა ხვალ არის დაგეგმილი, სხვადასხვა საშემფასებლო პორტალებზე მისი რეიტინგი უქვე ცნობილია და განთავსებულიც (ჟურანლისტებისათვის და ექსპერტებისათვის წინასწარი ჩვენებების საფუძველზე). აქვე აღანიშნავია, რომ ორი ძირითადი საშემფასებლო პორტალის IMDB-სა და Rotten Tomatoes-ს რეიტინგების მნიშვნელოვან წილს აუდიტორია ანუ მაყურებელი ადგენს. IMDB-ზე მაყურებლები ადგენენ ამა თუ იმ ფილმის ძირითად რეიტინგს, რომელიც 0.1-10.0 ვარსკვლავიან სისტემაზეა დაფუძნებული (მაგალითად Avengers: Endgame-ს გააჩნია 8.4 ★), ხოლო „დამპალი პომიდორების“ პორტალზე არსებობს ორი სახის შეფასება – მაყურებლის, რომელიც პოპკორნის გემრიელობის პროცენტში გამოისახება და კრიტიკოსების, რომელიც პომიდორის სიახლის % მაჩვენებელია (მაგალითად Avengers: Endgame-ს გააჩნია – აუდიტორიის 90% და კრიტიკოსების 94%). აქვე აღსანიშნავია, რომ დასახელებიდან გამომდინარე Rotten Tomatoes, ფილმებს, საკუთარ საერთო შეფასებასაც, სახალისო აიკონების სახით აძლევს:
თუ გაგიჩნდათ შეკითხვა იმის თაობაზე თუ რა მიზეზით გაგაცანით ხსენებული ორი პორტალის შეფასების სისტემა, პასუხი მარტივი იქნება, რადგან ფილმს, რომელსაც კინოსამყარო დიდი მოლოდინებით ელოდა, საკმაოდ დაბალ წინასწარ შეფასებებს იღებს აბოლიტურად ყველა საშემფასებლო პორტალზე, მათ შორის Metacritic-ზეც.. მაგალითად IMDB-ზე, სადაც ნებისმიერი ფილმის რეიტინგები სხვა პორტალებთან შედარებით მუდმივად მაღალია „Eternals“-ი 6 700-მა მომხმარებელმა „6.5 ★“-ით შეაფასა და თუ გავითვალისწინებთ იმ ფაქტს, რომ ფილმის პრემიერა ხვალიდან იწყება დიდი ალბათობით ხსენებული ციფრი საგრძნობლად დაიწევს. რაც შეეხება Rotten Tomatoes-ს, ფილმი მკვახე პომიდორის 
აიკონითა და 53% შეფასდა (მაყურებელი ხვალიდან შეაფასებს ფილმს). ანალოგიური შეფასეება აქვს ფილმს კიდევ ერთ მსხვილ საშემფასებლო პორტალზე, რომელსაც Metacritic ქვია, სადაც ბლოკასტერი 50% ნიშნულს ძლივს გადასცდა.
სიკველის დაბალი შეფასებების მიზეზი არაერთია, რომელთა გამოსწორება ოსკაროსანმა რეჟისორმა Chloé Zhao-ც კი ვერ მოახერხა. აქვე ამატებენ იმასაც, რომ 10-ივე პერსონაჟი ზედმეტად უღიმღამო, არაქარიზმატული, შაბლონური და ცარიელია, მიუხედავად იმისა, რომ მათ მეგავასრსკვლავები ასახიერებენ. ფილმში იგრძნობა, რომ დინსნეი, მარველი, სცენარისტი თუ რეჟისორი მაქსიმალურად ცდილობდა რომ ყველა აქტუალური და ტრენდული საკითხი განეხილა, თუმცა მიუხედავად მცდელობისა, ვერც ერთი აზრის მაყურებლამდე მიტანას ვერ ახერხებს, ამიტომაც აბოლუტურად ყველაფერი ბუტაფორიულად და ყალბად იგრძნობა. შემფასებელთა თქმით, ფილმი ახალს არაფერს გვთავაზობს, მათ შორის კოსტიუმებსაც კი, რომლებიც ზედმეტად მოსაბეზრებელი მარტივი და უღიმღმოა. ფილმის რეიტიგებს თუ ავიღებთ მივხვდებით, რომ შეფასებები ძირითადად შერეულია, თუმცა ყველა ერთბაშად აღნიშნავს, რომ მარადიულები ბოლოდროის ერთ-ერთი ყველაზე ცუდი და უინტერესო ბლოკბასტერია. უმეტეს შეფასებებში საუბარია ფილმის შინაარსის რღვევასა და თეთრი ლაქების არსებობაზე. ბლოკბასტერში მოქმედებები ხდება იმიტომ რომ უნდა ხდებოდეს და არა რაიმე ლოგიკური მიზეზების გამო. პერსონაჟების ქმედებებს ხშირად არანაირი ლოგიკური ახსნა არ აქვთ, ხოლო თავად პერსონაჟები ფილმის დასაწყისიდან მის დასასრულებდე არ იცვლებიან და ვითარდებიან. ამ ყველაფერს ემატება ცარიელი და სრულიად უზარო ბოროტმოქმედები. მოსაწყენი, უინტერესო და მოსაბეზრებელი სცენარი კი ფილმს საბოლოოდ დაღს ასვამს.
მიუხედავად დაბალი შეფასებებისა გემოვნება ადმიანებში განსხვავებულია, შესაბამისად აზრიც აუცილებლად განსხვავებული იქნება, შესაბამისად უმჯობესი იქნება ხვალიდან თავად ნახოთ 2 საათ და 40 წუთიანი ფილმი და საკუთარი შეფასებებიც ყურების შემდგომ გააკეთოთ.
