„DC“-ის სუპერბოროტმოქმედი „Darkseid“ ზაკ სნაიდერის „Justice League“-ში გამოჩნდება

როგორც თქვენთვის ცნობილია, კინოსაზოგადოებამ და #ReleaseSnyderCut (გამოუშვით სნაიდერის ვერსია) მოძრაობამ გუშინ გაიმარჯვა და შედეგად მივიღეთ, რომ მომავალ წელს „Justice League“-ის ზაკ სნაიდერის ვერსიას „HBO“ გააშუქებს.

ახლა კი მთავარზე, მომენტალურად, როგორც კი გავრცელდა ინფორმაცია ფილმის ხელახალი გაშუქების შესახებ, ყველა დაინტერესდა თუ რა დოზით შეიცვლებოდა ფილმი, დაემატებოდა თუ არა რაიმე სცენa, გამოჩნდებოდნენ თუ არა ახალი პერსონაჟები გმირებისა და ბოროტმოქმედების სახით, შეიცvლებოდა თუ არა ფერთა პალიტრა და ფილტრები, გახდებოდა თუ არა გამოსაკვლევი ახალი „Easter Egg“-ები და სხვა მრავალი. ნელ-ნელა რაღაც-რაღაცები ხდება ცნობილი. პირველ რიგში რეჟისორმა აღნიშნა, რომ რაიმე ახალი სცენის გადაღებას არ გეგმავს და მხოლოდ სამუშაო იქნება დიალოგებსა და მსახიობების მიერ განახლებული ტექსტის წარმოთქმის შესახებ. ამასთან ერთად, ყველა დაინტერესდა დარჩებოდა თუ არა მთავარი Steppenwolf ანტაგონისტად თუ შეცლიდნენ მას სხვით ან საერთოდ დაამატებდნენ კიდევ ერთ ან რამოდენიმე ბოროტმოქმედს. ახლა კი საერთოდ ცნობილი ხდება, რომ ფილმში აუცილებლად ვიხილავთ „Darkseid“-ს, რომელიც „DC“-ის კომიქსების ერთ-ერთი ყველაზე ძლიერი ბოროტმოქმედია, იმისათვის, რომ გავავლოთ პარალელები ბევრად მარტივი იქნება გითხრათ, რომ როგორც „Marvel“ს ჰყავს უკიდეგანო კოსმოსის იდეოლოგიური გენიოსი და ტირანი „Thanos“, ასევე „DC“-ს ჰყავს „Darkseid“, რომელიც ამ უკანასკნელი კომიქსებისა და უსასრულო კოსმოსის დიქტატორია.

ახლა კი გვინდა პირველად გაჩვენოთ სუპერბოროტმოქმედი „Darkseid“ და შემდგომ თქვენ გაგვიზიაროთ შთაბეჭდილებები.

მიმდინარე ეტაპზე უცნობია თუ რა ფორმით მოხდება „DC“-ის სამყაროს ღმერთისმაგავარი ბოროტმოქმედის, „Darkseid“ ინტეგრირება, რომელსაც რეი პორტერი გაახმოვანებს და ხსენებული ინფორმაცია მაყურებლებმა 3 წლის შემდგომ გავიგეთ. ამასთან ერთად ერთი რამ დაზუსტებით ვიცით, რადგან სნაიდერის თქმით, რომელიც მან საკუთარ Twitter-ის გვერდზე შემოგვთავაზა ერთი რამ ნათელი, რომ “He’s coming… to HBO Max”