კინოსამყაროს სხვადასხვა პერსონაჟების გადასხვაფერება და ამავე გმირების ადამიანების რეალობაში ჩვენება ილუსტრატორების საყვარელი გასართობია. ამასთან არტისტები სხვადასხვა ე.წ Crossover-ებსაც ქმნიან, სადაც ჩვენთვის ნაცნობ პერსონაჟებს ერთი-მეორის სამყაროში ანთავსებენ და წარმოუდგენლად სახალისო პროექტებს ქმნიან. ხანგრძლივი პერიოდის განმავლობაში სინემანიას გუნდმა, ჩვენს ერთგულ მკითხველს არაერთხელ შესთავაზა სახალისო ფოტოსესიები თანამედროვე პოპ-კულტურაში სახელგანთქმული გმირების მონაწილეობით, განსაკუთრებულად ხშირი იყო სასახლეში მცხოვრები ლამაზმანების ნახატები, სადაც ისინი საკუთარი იერსახიდან გამოდიოდნენ და სხვადასხვა არტისტების პროექტებში ირგებდნენ, ხან თანამედროვე თინეიჯერის, ხანაც მომავალი დედების როლებს. მიუხედავად იმისა, რომ ჩვენ ხშირად ვაწყდებოდით სხვადასხვა ნაცნობი პერსონაჟის მონაწილეობით საინტერესო ფოტოსესიებს, იშვიათად ვხედავთ რეალობაში არსებული მსახიობებისა და მათი საკულტო პერსონაჟების ამა თუ იმ სახით მეტამორფოზას. შესაბამისად, გვინდა წარმოგიდგენთ Xi Ding-ის საკმაოდ დიდი პროექტი, სადაც არტისტმა 40-მდე პორტრეტს მოუყარა თავი, სადაც ცნობილი ადამიანები და მათ მიერ განსახიერებული სახელგანთქმული პერსონაჟების ანიმაციური ვერსიები შემოგვთავაზა და ამასთან ერთად გვაჩვენა ნაშრომების ორიგიანლი ფოტოსურათები (რის მიხედვითაც დაიხატა პორტრეტები), ასევე როგორც მათი ესკიზებიც!
