ძვირადღირებული ავტომანქანის ქონა ბევრ ავტომოყვარულს პრესტიჟულიად მიაჩნია და ამით კარგადაც “მარიაჟობს“, თუმცა ავიწყდებათ, რომ ბორბლებიანი რკინის ყუთის უპირველესი დანიშნულება მხოლოდ და მხოლოდ ერთი პუნქტიდან მეორე პუნქტში გადაადგილებაა. მოძრაობის წესების დაუცველობა, სისწრაფის სიყვარული და ფეხმავალთა უგულებელყოფა კი უამრავ ადამიანს საკუთარი თუ სხვისი სიცოცხლის ფასად უჯდება.
ალბათ, უცნაურად ჩანს, მაგრამ ჰოლივუდის ვარსკვლავებიც ხშირად დაუდევრად იქცევიან. საგზაო ავარიებში ზოგჯერ დამნაშავეები თავად არიან, ზოგჯერ კი – სხვები. ასეა თუ ისე, არაერთი მსახიობის სახელი სწორედ ამ საშინელ ინციდენტს შეეწირა და ამ პოსტში სწორედ მათ გავიხსენებთ.
რაიან დანი
რაიან დენი კასკადიორი იყო. მან მონაწილეობა რამდენიმე სერიალსა და ფილმში მიიღო, თუმცა პოპულარობა გადაცემა Jackass-მა მოუტანა. გადაცემაში ის გუნდთან ერთად სასაცილო პრანკებსა და საშიშ ტრიუკებს დგამდა. დანი პორშეს მარკის მანქანით მიქროდა გადაჭარბებული სიჩქარით რა დროსაც ავარიაში მოყვა და გარდაიცვალა.
სემ კინისონი
კინისონი 80-იანი წლებში საკმაოდ პოპულარული კომედიანტი და სთენდაპერი იყო. ის ტელევიზიაშიც იყო დაკავებული პატარა როლებით. მისი იუმორი საკმაოდ ხმამაღალი და არაპოლიტკორექტული იყო. კინისონს 17 წლის მთვრალი მოზარდი დაეხაჯა, როდესაც ის საკუთარ მანქანაში იმყოფებოდა. მოზარდს მხოლოდ ერთი წლით პატიმრობა მიუსაჯეს. რომ არა ეს შემთხთხვევა, ვინ იცის როგორ განვითარდებოდა კომედიანტის კარიერა.
ლინდა ლოველასი
ლინდა ლოველასი პორნომსახიობი იყო და მისი ყველაზე ცნობილი ფილმი “Deep Throat“-ია. ეს ფილმი ამ ჟანრში ასევე ერთ-ერთ ყველაზე ცნობილ ფილმად ითვლება. მოგვიანებით მან განაცხადა, რომ მოძალადე ქმარმა აიძულა ამ ფილმში მონაწილეობა. ის მალევე მკაცრი ქრისტიანი გახდა და გადაწყვიტა წინ აღდგომოდა პორნოგრაფიას. 2002 წელს ლინდა საშინელ ავარიაში მოყვა და რამდენიმე დღეში გარდაიცვალა კიდეც.
ჯეიმს დინი
დინი თავისი დროის ერთ-ერთი ყველაზე სიმპატიური და სახასიათო მსახიობი იყო. მას პოპულარობა ფილმმა მეამბოხე მიზეზის გარეშე მოუტანა. სამწუხაროდ, დინი 24 წლის ასაკში დაიღუპა კალიფორნიაში. მოულოდნელმა სიკვდილმა ის ლეგენდად აქცია (როგორც ზოგადად ახალგაზრდა ადამიანის უდროოდ დაღუპვის დროს ხდება ხოლმე). დინი მანქანების შეჯიბრებებში იღებდა მონაწილეობას და საკმაოდ გამოცდილი მსრბოლელი იყო, თუმცა…
გრეის კელი
ლეგენდარული მსახიობის ეს ამბავი, ალბათ, ყველაზე მისტიკური და უცნაურია. ქალი, რომელმაც ჰოლივუდი დიდების პიკზე მიატოვა და მონაკოს პრინცესა გახდა. სწორედ მონაკოში შეემთხვა უბედურებაც. ის მანქანას ქალიშვილთან ერთად მართავდა, რა დროსაც ინსულტი დაემართა, კონტროლი დაკარგა და 37 მეტრის სიღრმის ხევში გადაიჩეხა. ქალიშვილი გადარჩა, კელი კი თავის მძიმე ტრავმის გამო დაიღუპა.
მენსფილდი ჰოლივუდის ერთ-ერთი ყველაზე სექსუალური მსახიობი იყო. ის მღეროდა კიდეც და ღამის კლუბებში გამოდიოდა. მენსფილდი 34 წლის ასაკში დაიღუპა, როცა გზაზე ტრაქტორს შეეჯახა. დადიოდა ჭორები, რომ მსახიობს ავარიის დროს თავი მოსწყდა, რაც სიმართლეს არ შეესაბამება. ბევრი უდროოდ გარდაცვლილი ახალგაზრდა მსახიობის მსგავსად, ჩვენ ვერასოდეს გავიგებთ, თუ როგორ განვითარდებოდა ჯეინის კარიერა.
პოლ უოლკერი
ამ სახელისა და გვარის გაგონებისთანავე სამუდამოდ საგზაო კატასტროფა გაგვახსენდება. ფორსაჟის მსახიობი კარგ მძღოლად ითვლებოდა თუმცა ავარიისას საჭესთან მისი მეგობარი როჯერ როდასი იჯდა. ავტო-კატასტროფის მიზეზად მაღალი სიჩქარე დასახელდა. ასევე შემთხვევის ადგილისაკენ მიმავალი გზის მონაკვეთზე აღინიშნებოდა დამწვარი რეზინისა და ე.წ. “ფუნთუშის“ (“წრეზე დრიფტი“) კვალი.
